1kYBRBWHf

elaciónaa co catalán gavina e con gaivota (pode estar referida a gaivota pequena); cágalo é porque
persegue as outras gaivotas e fainas botar a comida fóra, para comela ela (7B). Tripeira pode facer
referencia á alimentación desta gaivota, tripas e restos similares; chirla pode ser un nome
onomatopeico ou facer referencia ao molusco, e neste sentido, tamén á alimentación desta gaivota;
albela, á cor bastante branca da súa plumaxe. Os nomes chirla, carrizo, carrau e similares talvez
estean referidas a especies da familia Sternidae, que semellan gaivotas pequenas e tamén reciben
estes nomes (o nome carrizo é propio dun paxariño pequeno, Troglodytes troglodytes). O modificador
chorona alude ao seu grito, que pode dar a impresión de que está a chorar. Guincho é unha
denominación portuguesa empregada para os cirrios (xénero Apus), para aguia pesqueira (Pandion
haliaetus) e para esta gaivota; non se encontrou unha explicación clara sobre a súa orixe.
gaivota de bico fino Larus genei
● Bibliografía ornitolóxica especializada. Gaivota biquistreita foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas últimas guías de aves destes autores (5A e 22A) e recolleuse noutras publicacións
ornitolóxicas (2A e 18A). Gaivota bicofina foi o nome proposto en 1999 no traballo de M. A. Conde
Teira (12B); tense empregado nalgunhas publicacións (8A, 10A, 13A e 14A). En 1991, M. A. Conde
Teira e T. A. Vidal Figueroa propuxeron gaivota de bico fino (10B). Na bibliografía ornitolóxica, o
nome portugués é gaivota-de-bico-fino (2A, 1D, 2D e 3D).
● Nomes populares. É unha especie moi rara na Galiza, e non se lle coñecen nomes populares,
non sendo os xenéricos comentados en Larus michahellis e Larus fuscus.
● Dicionarios consultados. Encontráronse as entradas xenéricas apuntadas en L. michahellis.
● Etimoloxía / motivación semántica. A respecto da etimoloxía de gaivota, véxase L.
michahellis. Todos os modificadores fan referencia ao seu bico, fino e moi característico desta especie.
gaivota de Audouin Larus audouinii
● Bibliografía ornitolóxica especializada. Gaivota de Audouin foi o nome proposto en 1999 no
traballo de M. A. Conde Teira (12B); tense utilizado nalgunhas publicacións ornitolóxicas (13A, 14A e
22A). Na bibliografía ornitolóxica, os nomes portugueses son alcatraz de Audouin e gaivota de
Audouin (14A, 1D e 2D), ou tamén grafado gaivota-de-audouin (3D).
● Nomes populares. É unha especie accidental na Galiza e non se lle coñecen nomes populares,
agás os xenéricos.
● Dicionarios consultados. Encontráronse as entradas xenéricas apuntadas en Larus michahellis.
● Etimoloxía / motivación semántica. A respecto da etimoloxía de gaivota, véxase Larus
michahellis. Non se encontrou unha explicación para o modificador de Audouin, pero probabelmente
alude a algún naturalista.
gaivota do Delaware Larus delawarensis
● Bibliografía ornitolóxica especializada. Gaivota do Delaware foi o nome proposto en 1999 no
traballo de M. A. Conde Teira (12B); utilizouse nalgunhas publicacións ornitolóxicas (10A, 12A, 13A,
14A, 15A e 16A). Nas últimas guías de aves de X. M. Penas Patiño e C. Pedreira López e noutras
publicacións empregouse a mesma denominación, só que coa preposición “de”: gaivota de Delaware
(4A, 5A, 6A, 17A e 22A). Na bibliografía ornitolóxica, os nomes portugueses son gaivota de Delaware
e gaivota-de-bico-riscado (2A, 1D, 2D e 3D; o segundo con máis frecuencia).
● Nomes populares. É unha especie bastante rara na Galiza e non se lle coñecen nomes
populares, non sendo os xenéricos.
● Dicionarios consultados. Atopáronse as entradas xenéricas apuntadas en Larus michahellis.
● Uso dos seus nomes na literatura galega. Sobre o emprego de gaivota na nosa literatura,
véxase Larus michahellis.
● Etimoloxía / motivación semántica. A respecto da etimoloxía de gaivota, véxase L.
michahellis. O modificador do Delaware, que tamén está presente no seu nome científico, é o nome
dun impotante río e dun estado dos EE UU, na rexión atlántica (na área de distribución da especie). De
bico riscado alude á característica mancha ou banda escura que ten no bico, trazo característico desta
especie.
152