1kYBRBWHf

explica que gaivota alegre foi o nome seleccionado na nova lista sistemática portuguesa para esta
especie accidental en Europa e está adaptado do inglés laughing gull (12B).
gaivota de Franklin Larus pipixcan (=Leucophaeus pipixcan)
● Bibliografía ornitolóxica especializada. Non se teñen empregado até o momento, xa que é ave
de presenza extremamente esporádica na Galiza.
● Nomes populares. Os comentarios poden ser os mesmos no referente aos nomes xenéricos
populares.
● Dicionarios consultados. Inclúen as denominacións xenéricas apuntadas en L. argentatus e L.
michahellis.
● Etimoloxía / motivación semántica. Sobre a motivación semántica de gaivota, véxase L.
michahellis. O modificador de Franklin fai referencia ao explorador John Franklin, de orixe inglesa, que
morreu nunha expedición ao ártico canadense no século XIX.
gaivota pequena Larus minutus
● Bibliografía ornitolóxica especializada. Gaivota pequena foi a denominación proposta por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B), e
tamén en 1991 e 1999 nos traballos de M. A. Conde Teira e T. A. Vidal Figueroa (10B e 12B);
empregouse nas guías de aves de X. M. Penas Patiño e C. Pedreira López (1A, 5A e 22A) e tense
recollido ou empregado noutras moitas publicacións ornitolóxicas (2A, 4A, 10A, 18A, 6A, 11A, 12A,
13A, 14A, 15A, 16A e 17A). En Portugal tamén recibe o nome de gaivota-pequena (2A, 10A, 1D, 2D e
3D).
● Nomes populares. M. C. Enríquez Salido rexistrou a voz chilreta no Grove referida a "gaivota
pequena" (3C). F. Fernández Rei rexistrou a voz papoia en Cariño, que se identificou coa voz castelá
gaviota enana (3C). Algunhas denominacións xenéricas, que se poderían aplicar tamén a esta especie,
están comentadas en Larus michahellis e Larus fuscus.
● Dicionarios consultados. Atopáronse as entradas xenéricas apuntadas en Larus michahellis.
Ademais, no Diccionario galego-castelán de X. L. Franco Grande (1968), da editorial Galaxia, aparece a
voz carrizo para se referir de maneira inespecífica a unha gaivota pequena (aínda que esta
denominación é propia do xénero Sterna, aves mariñas algo parecidas, e tamén dun paxariño pequeno,
Troglodytes troglodytes). No Diccionario de usos castelán-galego de X. M. Freixedo Tabarés e F. Álvarez
Carracedo (1984), da editorial Akal, aparecen as voces carrau e carrizo para se referir de maneira
inespecífica a unha gaivota pequena (malia seren propias do xénero Sterna, e pode estar aquí referida
a el, e a segunda tamén é propia dun paxariño pequeno, Troglodytes troglodytes). O Dicionário da
língua galega de I. Alonso Estravís (1995), da editorial Sotelo Blanco, inclúe a voz xenérica gaivota
para se referir a este grupo de especies, e a voz carrizo, nunha das acepcións, para se referir de
maneira inespecífica a unha gaivota pequena (aínda que esta denominación é propia dun paxariño
pequeno, Troglodytes troglodytes). O Gran Diccionario Xerais da Lingua Galega (2000), de varios
autores, inclúe na entrada xenérica gaivota (como galega e preferente) a subentrada gaivota
pequena ou anana para L. minutus; a entrada chilreta (que considera galega pero non preferente)
remítea a gaivota pequena, onde apunta o nome científico de L. minutus.
● Uso dos seus nomes na literatura galega. A respecto do emprego de gaivota na nosa
literatura, véxase L. michahellis.
● Etimoloxía / motivación semántica. No tocante á etimoloxía de gaivota, véxase L.
michahellis. Os modificadores anana e pequena fan referencia ao seu tamaño. Os nomes chilreta,
carrizo e carrau poden ter orixe onomatopeica e talvez estean referidas a especies da familia
Sternidae, que semellan gaivotas pequenas e tamén reciben estes nomes (o nome carrizo é propio dun
paxariño pequeno, Troglodytes troglodytes).
● Discusión / explicacións sobre a preferencia dalgunhas denominacións. A respecto de papoia,
véxase esta mesma alínea para Larus canus.
gaivota de Sabine Larus sabini (=Xema sabini)
● Bibliografía ornitolóxica especializada. Gaivota gallada foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
nas guías de aves destes autores (5A e 22A) e recolleuse nalgunha publicación ornitolóxica (2A).
Gaivota de Sabine foi o nome proposto en 1991 e 1999 nos traballos de M. A. Conde Teira e T. A.
Vidal Figueroa (10B e 12B); tense empregado nalgunhas publicacións ornitolóxicas (10A, 12A, 13A,
150