1kYBRBWHf

de M. A. Conde Teira (12B); tense empregado nalgunhas publicacións ornitolóxicas (10A, 13A e 14A).
Na segunda e terceira guías de aves de X. M. Penas Patiño e C. Pedreira López e nalgunha outra
publicación utilizouse pilriño de Maur (4A, 5A e 22A). Na bibliografía ornitolóxica, o nome portugués é
pilrito-miúdo (1D e 3D).
● Nomes populares. É unha especie de presenza extraordinariamente rara na Galiza e non se lle
coñecen nomes populares específicos. Algunhas denominacións populares xenéricas que podería recibir
esta especie están apuntadas en Calidris alpina.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, e no Diccionario de usos castelán-galego de X. M. Freixedo Tabarés e F. Álvarez
Carracedo (1984), da editorial Akal, aparecen as denominacións xenéricas apuntadas en Charadrius
dubius, que tamén se poderían aplicar a esta especie. No Dicionário da língua galega de I. Alonso
Estravís (1995), da editorial Sotelo Blanco, e no Gran Diccionario Xerais da Lingua Galega (2000), de
varios autores, aparecen as denominacións xenéricas apuntadas en Charadrius dubius e Calidris alpina,
que tamén se poderían aplicar a esta especie.
● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase Charadrius dubius. O modificador portugués miúdo
fai referencia ao seu tamaño. Non se encontrou unha explicación para o modificador de Maur; talvez
faga referencia ao naturalista que estudou ou describiu a especie.
pilro semipalmado Calidris pusilla
● Bibliografía ornitolóxica especializada. Pilro semipalmado foi o nome proposto en 1999 no
traballo de M. A. Conde Teira (12B); tense empregado nalgunhas publicacións ornitolóxicas (12A, 13A,
15A e 16A). Na segunda e terceira guías de aves de X. M. Penas Patiño e C. Pedreira López utilizouse o
nome de pilriño semipalmado (5A e 22A). Na bibliografía ornitolóxica, o nome portugués é pilritorasteirinho
(1D, 2D e 3D).
● Nomes populares. É unha especie de presenza moi moi rara na Galiza e non se lle coñecen
nomes populares específicos. Algunhas denominacións populares xenéricas que podería recibir esta
especie apúntanse en Calidris alpina.
● Dicionarios consultados. Aparecen as denominacións xenéricas apuntadas en Charadrius
dubius e C. alpina, que tamén se poderían aplicar a esta especie.
● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase C. dubius. O modificador semipalmado fai referencia
á pequena membrana que ten entre as dedas. O modificador portugués rasteirinho, de rasteiro, que
se estende ou se arrastra polo chan, pode facer referencia a que é un paxaro moi pequeniño e cando
anda a corricar dá esa impresión, case como se fose un réptil.
pilro minúsculo Calidris minutilla
● Bibliografía ornitolóxica especializada. Pilro minúsculo foi o nome proposto en 1999 no
traballo de M. A. Conde Teira (12B); utilizouse nalgunhas publicacións ornitolóxicas (10A, 12A, 13A e
14A). Na terceira guía de aves de X. M. Penas Patiño e C. Pedreira López usouse pilriño miúdo (22A).
Na bibliografía ornitolóxica, os nomes portugueses son pilrito-minúsculo e pilrito-anão (14A, 1D e
3D, o segundo dúas veces).
● Nomes populares. É unha especie de presenza moi moi rara na Galiza e non se lle coñecen
nomes populares específicos. Algunhas denominacións populares xenéricas que podería recibir esta
especie apúntanse en Calidris alpina.
● Dicionarios consultados. Aparecen as denominacións xenéricas apuntadas en Charadrius
dubius e C. alpina, que tamén se poderían aplicar a esta especie.
● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase C. dubius. Os modificadores minúsculo, miúdo e
anão fan referencia ao seu pequeno tamaño.
pilro de Baird Calidris bairdii
● Bibliografía ornitolóxica especializada. Pilro de Baird foi o nome proposto en 1999 no
traballo de M. A. Conde Teira (12B); tense empregado nalgunhas publicacións ornitolóxicas (10A, 12A,
13A e 14A). Na segunda e terceira guía de aves X. M. Penas Patiño e C. Pedreira López utilizouse
pilriño de Baird (5A e 22A). Na bibliografía ornitolóxica, o nome portugués é pilrito-de-bico-fino
127