1kYBRBWHf

● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase C. dubius. O modificador de Temminck fai referencia
ao naturalista holandés Conrad J. Temminck, que estudou a especie; patiamarelo, á cor das patas,
que o distingue doutra especie moi parecida, Calidris minuta.
pilro ferruxento Calidris ferruginea
● Bibliografía ornitolóxica especializada. Pilro cubranco foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
nas guías de aves destes autores (1A, 5A e 22A) e recolleuse e utilizouse tamén noutras publicacións
ornitolóxicas (2A, 4A, 6A, e 11A). Pilro ferruxento foi a denominación proposta en 1991 e 1999 nos
traballos de M. A. Conde Teira e T. A. Vidal Figueroa (10B e 12B); tense utilizado nalgunhas
publicacións ornitolóxicas (10A, 12A, 13A, 14A, 15A e 16A). Na bibliografía ornitolóxica, os nomes
portugueses son pilrito-ferrugineo e pilrito-de-bico-comprido (2A, 10A, 1D, 2D e 3D, o segundo
con máis frecuencia).
● Nomes populares. M. A. Conde Teira comenta que, segundo as zonas de Galiza, as especies
de Calidris poden recibir indistintamente os nomes xenéricos de píllara, pírula, pilro, pirlo, píldora e
píldoro (12B). Outras denominacións xenéricas populares que tamén pode recibir esta especie están
apuntadas en Calidris alpina.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, e no Diccionario de usos castelán-galego de X. M. Freixedo Tabarés e F. Álvarez
Carracedo (1984), da editorial Akal, aparecen as denominacións xenéricas apuntadas en Charadrius
dubius, que tamén se poderían aplicar a esta especie. No Dicionário da língua galega de I. Alonso
Estravís (1995), da editorial Sotelo Blanco, e no Gran Diccionario Xerais da Lingua Galega (2000), de
varios autores, aparecen as denominacións xenéricas apuntadas en C. dubius e C. alpina, que tamén se
poderían aplicar a esta especie.
● Uso dos seus nomes na literatura galega. Véxase C. dubius.
● Etimoloxía / motivación semántica. A respecto da probábel orixe onomatopeica das
denominacións píllara, pilro, pirlo, píldora e similares, véxase C. dubius. Os modificadores
ferruxento e ferrugineo aluden a característica cor rubia da plumaxe estival desta ave; cubranco
alude á cor branca do uropixio ou mitra, un dos trazos que identifican a especie; de-bico-comprido,
ao bico longo que ten.
pilro escuro Calidris maritima
● Bibliografía ornitolóxica especializada. Pilro cincento foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
nas guías de aves destes autores (1A, 5A e 22A) e recolleuse ou utilizouse tamén noutras publicacións
ornitolóxicas (2A, 4A, 6A, 11A e 17A; en dúas publicacións, pilro cinsento). Pilro escuro foi proposto
en 1991 e 1999 nos traballos de M. A. Conde Teira e T. A. Vidal Figueroa (10B e 12B); tense utilizado
nalgunhas publicacións ornitolóxicas (10A, 12A, 13A, 14A, 15A e 16A). Na bibliografía ornitolóxica, os
nomes portugueses son pilrito-do-mar, pilrito-escuro e maçarico (2A, 10A, 1D, 2D e 3D, o segundo
con máis frecuencia).
● Nomes populares. Algunhas denominacións xenéricas populares que tamén podería recibir
esta especie están apuntadas en Calidris alpina.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, e no Diccionario de usos castelán-galego de X. M. Freixedo Tabarés e F. Álvarez
Carracedo (1984), da editorial Akal, aparecen as denominacións xenéricas apuntadas en Charadrius
dubius, que tamén se poderían aplicar a esta especie. No Dicionário da língua galega de I. Alonso
Estravís (1995), da editorial Sotelo Blanco, aparecen as denominacións xenéricas apuntadas en
Charadrius dubius e Calidris alpina, que tamén se poderían aplicar a esta especie. No Gran Diccionario
Xerais da Lingua Galega (2000), de varios autores, aparece a entrada pirlo (como galega e non
preferente), que remite a pilro, e pilro (esta como galega e preferente), que define como aves
limícolas de pequeno tamaño, especificando a denominación de pilro cinsento para Calidris maritima.
● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase C. dubius. Os modificadores cincento e escuro fan
referencia á cor da súa plumaxe; do-mar, ao seu hábitat. Maçarico (en galego normativo, mazarico)
é un nome xenérico para aves pernaltas que andan na auga; para unha posíbel significación, véxase
Numenius arquata.
125