1kYBRBWHf

explicación clara para borrelho (véxase C. Dubius). Sobre tarambola, véxase Pluvialis apricaria. O
modificador das dunas alude ao seu hábitat; papuda e de-coleira-interrompida fan referencia
probabelmente os dous á plumaxe negra que ten no pescozo, que parece, como di en portugués, unha
coleira, pero que a esta especie lle falta pola parte de diante, por iso se engade interrompida.
● Discusión / explicacións sobre a preferencia dalgunhas denominacións. Véxase a respecto de
píllara/píldora, esta mesma alínea en C. dubius e P. apricaria.
píllara rabirrubia Charadrius vociferus
● Bibliografía ornitolóxica especializada. Píllara rabirrubia foi o nome proposto en 1999 no
traballo de M. A. Conde Teira (12B); tanse empregado nas guías de aves de X. M. Penas Patiño e C.
Pedreira López e nalgunhas publicacións ornitolóxicas (5A, 13A, 15A e 22A). Noutras publicacións
utilizouse píldora rabirrubia (10A, 12A e 14A). Na bibliografía ornitolóxica, o nome portugués é
borrelho-de-coleira-dupla (1D, 2D e 3D).
● Nomes populares. É unha especie accidental na Galiza e non se lle coñecen denominacións
populares, non sendo as xenéricas indicadas en Charadrius dubius e Charadrius hiaticula.
● Dicionarios consultados. Aparecen as denominacións xenéricas apuntadas en C. dubius.
● Etimoloxía / motivación semántica. Sobre a probábel orixe onomatopeica das denominacións
píllara, pilro, pirlo, píldora e similares, véxase C. dubius. Non se atopou unha explicación clara para
borrelho (véxase C. dubius). O modificador rabirrubia alude á rechamante plumaxe do rabo; decoleira-dupla
fai referencia á plumaxe negra que ten no pescozo, que parece, como di en portugués,
unha coleira, pero que nesta especie ademais son dúas, que van paralelas.
● Discusión / explicacións sobre a preferencia dalgunhas denominacións. Véxase a respecto de
píllara/píldora, esta mesma alínea en C. dubius e P. apricaria.
píllara semipalmada Charadrius semipalmatus
● Bibliografía ornitolóxica especializada. Píllara semipalmada foi o nome proposto en 1999 no
traballo de M. A. Conde Teira (12B); tense empregado nas guías de aves de X. M. Penas Patiño e C.
Pedreira López (5A e 22A) e nalgunha publicación ornitolóxica (13A). Nunha publicación, utilizouse
píldora semipalmada (12A). Na bibliografía ornitolóxica, o nome portugués é batuíra-de-bando
(14A, 1D e 3D).
● Nomes populares. É unha especie accidental na Galiza e non se lle coñecen denominacións
populares, non sendo as xenéricas indicadas en Charadrius dubius e Charadrius hiaticula.
● Dicionarios consultados. Aparecen as denominacións xenéricas apuntadas en C. dubius.
● Etimoloxía / motivación semántica. A respecto da probábel orixe onomatopeica das
denominacións píllara, pilro, pirlo, píldora e similares, véxase C. dubius. O modificador
semipalmada alude á membrana que ten entre as dedas, que a distingue doutras especies; de-bando
fai referencia, probabelmente, ás agrupacións desta ave. Batuíra é un termo xenérico empregado no
Brasil para designaren algunhas especies de aves limícolas, mais non se lle encontrou unha
significación, non sendo que estea relacionado con outra das súas acepcións, a de arisco, desconfiado,
indomesticábel.
● Discusión / explicacións sobre a preferencia dalgunhas denominacións. No tocante á escolla
do seu nome xenérico estándar, véxase C. dubius.
píllara de Leschenault Charadrius leschenaulti
● Bibliografía ornitolóxica especializada. Non se teñen empregado até o momento, xa que é
unha ave de presenza extremamente esporádica na Galiza, recentemente rexistrada de certo por
primeira vez.
● Nomes populares. Os comentarios poden ser os mesmos no referente aos nomes xenéricos
indicados para Charadrius dubius.
● Dicionarios consultados. Inclúen as denominacións xenéricas apuntadas en C. dubius.
● Etimoloxía / motivación semántica. Sobre a motivación semántica de píllara, véxase C.
dubius. O modificador de Leschenault alude ao Jean-Baptiste Leschenault de La Tour, botánico e
ornitólogo francés do século XVIII que describiu esta especie.
118