1kYBRBWHf

dos seres míticos galegos (1999): "... a pega negra, o butre, a avefría ou o pernileiro (que canta
¡Morrer! ¡Morrer!) ... ".
● Etimoloxía / motivación semántica. J. Corominas, no Diccionario Crítico Etimológico de la
Lengua Castellana, explica que alcaraván vén do árabe karawân. O nome pirluis é onomatopeico (fai
referencia á voz que emite a ave) e as denominacións bulir e curreboi probabelmente fan referencia á
maneira de camiñar tan rápida que ten. Pernileiro e similares teñen relación con pernil, perna dunha
ave, quizais porque as pernas deste paxaro chaman a atención, por seren altas ou de cor amarela ou
polos seus movementos, corre que corre. Non se encontrou unha explicación clara para os termos
relacionados con durmir; talvez por causa dos seus hábitos crepusculares ou nocturnos.
● Discusión / explicacións sobre a preferencia dalgunhas denominacións. M. A. Conde explica
que alcaraovam xa era unha voz presente no galego-portugués do século XIII (12B).
Familia Glareolidae
perdiz do mar Glareola pratincola
● Bibliografía ornitolóxica especializada. Anduriña do mar foi o primeiro nome proposto por C.
Pedreira López e X. M. Penas Patiño, en 1977-1978, naquela Lista patrón de aves de Galicia (4B e 5B);
recolleuse nalgunha publicación ornitolóxica (2A). O mesmo nome con "o", andoriña do mar,
empregouse en dúas guías de aves destes autores e recolleuse nalgunha outra publicación (5A, 18A e
22A). Perdiz do mar propuxérono en 1991 e 1999 M. A. Conde Teira e T. A. Vidal Figueroa (10B e
12B); tense recollido ou empregado nalgunhas publicacións ornitolóxicas (4A, 8A, 10A e 12A). Noutras
publicacións utilizouse perdiz de mar ou perdiz de mar común (13A e 14A). Na bibliografía
ornitolóxica, o nome portugués é perdiz-do-mar (2A, 10A, 1D e 3D), coa posibilidade de empregar
tamén perdiz-do-mar-comum (2D).
● Nomes populares. É unha especie moi rara na Galiza e non se lle coñecen denominacións
populares.
● Dicionarios consultados. Non se atopou ningunha denominación para esta especie.
● Etimoloxía / motivación semántica. O motivo da denominación andoriña é a forma das ás e
do rabo deste paxaro, que lle dan unha silueta e un xeito parecidos aos das andoriñas, aínda sendo ben
máis grande ca elas. F. Bernis Madrazo explica que perdiz é por causa da forma da cabeza que ten,
cun bico e un colar na papada semellantes aos da perdiz (11B).
● Discusión / explicacións sobre a preferencia dalgunhas denominacións. M. A. Conde Teira
comenta que andoriña de mar se emprega propiamente para especies mariñas da Galiza (rexistrouno
Alvar en Malpica, A Coruña, e Ríos Panisse en Bueu, Pontevedra), mais non para Glareola pratincola,
que unha ave sureña e accidental na nosa terra (12B). O termo común engádese ao nome,
normalmente, cando se está a falar tamén doutras especies que teñen o mesmo nome xenérico, aínda
que non se observaren na nosa xeografía, para diferenciala delas.
corredeira Cursorius cursor
● Bibliografía ornitolóxica especializada. Corredeira foi o nome proposto en 1999 no traballo de
M. A. Conde Teira (12B). Noutra publicación utilizouse corredor sahariano (22A, unha das guías de C.
Pedreira López e X. M. Penas Patiño). Na bibliografía ornitolóxica, o nome portugués é corredeira (2D
e 3D).
● Nomes populares. É unha especie de presenza rara ou accidental na Galiza, e non se teñen
rexistrado denominacións populares.
● Dicionarios consultados. Non se atoparon nomes para esta especie.
● Etimoloxía / motivación semántica. Tanto corredeira como corredor fan referencia ao seu
xeito de andar. O modificador sahariano alude á súa área orixinaria de distribución.
● Discusión / explicacións sobre a preferencia dalgunhas denominacións. Téndomos en conta o
grave proceso de asimilación que a lingua galega está a sofrer por causa da omnipresenza do español,
e seguindo as recomendacións da propia Real Academia Galega, que aconsella tomar o portugués como
referente cando non houber en galego nome de seu para unha realidade, ao noso ver, é máis acaída
para o galego a denominación corredeira, proposta por M. A. Conde, coincidente coa portuguesa, do
que é corredeor sahariano, empregada C. Pedreira e X. M. Penas, tirada do español. Para alén diso, o
criterio de converxencia co portugués parece ser tamén importante para o colectivo ornitolóxico galego.
115