1kYBRBWHf

portugueses son franga-d’água-grande e franga-d’água-malhada (2A, 10A, 1D, 2D e 3D; con máis
frecuencia o segundo).
● Nomes populares. É unha especie rara na Galiza e non se teñen rexistrado denominacións
populares.
● Dicionarios consultados. No Dicionário da língua galega de I. Alonso Estravís (1995), da
editorial Sotelo Blanco, aparece a entrada galiñola, que nunha das acepcións identifica con Porzana
porzana, Porzana pusilla e Porzana parva (noutra, con Gallinula chloropus; noutra, con Botaurus
stellaris).
● Etimoloxía / motivación semántica. Semanticamente, os nomes galegos poliña e galiñola,
ou tamén o portugués franga, indican a súa semellanza física cunha pola, franga ou galiña nova. Os
modificadores pinta, pintada ou o portugués malhada aluden ás pintiñas que ten esta especie na
plumaxe.
poliña pequena Porzana pusilla
● Bibliografía ornitolóxica especializada. Galiñola común foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
nas primeiras guías de aves destes autores (1A e 5A), no Atlas de vertebrados de Galicia (7A) e
recolleuse ou utilizouse tamén nalgunha outra publicación (2A, 4A). En 1991, T. A. Vidal Figueroa e M.
A. Conde Teira propuxeron o nome de galiñola pequena (10B); empregouse nalgunha publicación
(12A). Poliña pequena foi posteriormente proposto en 1999 no traballo de M. A. Conde Teira (12B);
utilizouse nalgunha publicación (13A). Noutras publicacións empregouse o nome de galiñola miúda
(8A, 10A e 14A). Galiñola anana foi utilizado na terceira guía de aves de Pedreira López e Penas
Patiño (22A). Na bibliografía ornitolóxica, recibe o nome portugués de franga-d’água-pequena (2A,
10A, 1D, 2D e 3D).
● Nomes populares. A. Villarino Gómez rexistrou para esta especie os nomes de millarenga,
pita cega e pita de auga pequena na Limia (9A).
● Dicionarios consultados. No Dicionário da língua galega de I. Alonso Estravís (1995), da
editorial Sotelo Blanco, aparece a entrada galiñola, que nunha das acepcións identifica con Porzana
porzana, Porzana pusilla e Porzana parva (noutra, con Gallinula chloropus; noutra, con Botaurus
stellaris).
● Etimoloxía / motivación semántica. Semanticamente, os nomes galegos poliña e galiñola ou
o portugués franga indican a súa semellanza física cunha pola, franga ou galiña nova. Os
modificadores pequena, miúda ou anana salientan o seu reducido tamaño. O nome millarenga, que
está relacionado con millo ou milleiral, non parece moi lóxico para esta especie, que vive á beira das
lagoas e das charcas. Non se encontrou unha expliación semántica clara para a denominación popular
pita cega.
● Discusión / explicacións sobre a preferencia dalgunhas denominacións. M. A. Conde Teira
propón o nome xenérico de poliña para as especies do xénero Porzana, de menor tamaño, e reserva o
de galiñola para o xénero Fulica e mais para Gallinula chloropus, de maior tamaño (12B). O mesmo
autor explica que a denominación popular de millarenga confundiríase con millarengo, que é unha voz
empregada noutros lugares da Galiza para outros paxaros (Carduelis cannabina e Emberiza cirlus);
pita cega é un nome pouco definitorio para a especie e pita de auga pequena resultaría longo de
máis (12B).
poliña da Carolina Porzana carolina
● Bibliografía ornitolóxica especializada. Poliña americana foi o nome proposto en 1999 no
traballo de M. A. Conde Teira (12B); empregouse nalgunha publicación ornitolóxica (14). Noutras
publicacións utilizouse galiñola de Carolina (12A e 14A) e galiñola da Carolina (22A, terceira guía
de C. Pedreira López e X. M. Penas Patiño). Na bibliografía ornitolóxica, o nome portugués é frangad’água-americana
e franga-d’água da Carolina (14A, 1D e 3D, dúas veces o primeiro e unha o
segundo).
● Nomes populares. É unha especie que chega como divagante desde América, de aparición
extremadamente rara na Galiza, e non se teñen rexistrado denominacións populares.
● Dicionarios consultados. Atopáronse as denominacións apuntadas nas outras especies do
xénero Porzana.
● Etimoloxía / motivación semántica. As motivacións semánticas dos nomes galegos poliña e
galiñola ou do portugués franga xa se comentaron en P. pusilla. Os modificadores americana ou da
Carolina aluden á súa área orixinaria de distribución.
106