P-00156501_9999978129

PLAN DE LECTURA
ESO E BACHARELATO
CURSO 2014/2015

PLAN DE LECTURA
ESO E BACHARELATO
CURSO 2014/2015
O profesorado ten xa á súa disposición en www.xerais.es
proxectos de animación á lectura dos libros sinalados co símbolo

Primeiro da ESO
LECTURAS RECOMENDADAS

Tamén en ePub
Booktrailer en www.asmeigasdelupa.com
As meigas de Lupa
Autora: María Solar
Xerais Fóra de Xogo
120 páxinas / 2ª edición / Contén CD con banda sonora
Código: 1365140
ISBN: 978-84-9914-375-0
P.V.P.: 11,60 €
ARGUMENTO
María colleu un avión a Santiago de Compostela, onde a
esperan os seus cur máns Pablo e Martiño, para pasar unha
semana de vacacións coa avoa Berta. Unha sorpresa agarda
aos tres rapaces na casa de Santa Cruz de Ribadulla: deberán
compartir a estancia con varias amigas da avoa, que veñen
participar nun congreso de meigas. Tras a desaparición dunha
vella chave da avoa e tras a presenza daquelas mulleres
agóchase a historia dun segredo milenario, que foi gardado
xeración tras xeración, que pasou de bocas a oídos, unha e
outra vez, e que nunca se contou a quen non era merecedor
de sabelo.
Unha emocionante novela de intriga no século XXI. Unha
trepidante viaxe no tempo á Galicia castrexa do primeiro
século, cando chegaron aos territorios da raíña Lupa uns
estranxeiros que traían o corpo do Apóstolo Santiago desde
a afastada Palestina.
NÚCLEOS TEMÁTICOS
Misterio, aventuras, historia.
XÉNERO
Novela.
CD
Novela con banda sonora composta por David Alonso Garzón.
Temas:
1. A casa da avoa 3’26’’
2. Os discípulos 2’59’’
3. O soño de Lupa 4’17’’
4. Ebora 5’03’’
5. As meigas baixo o pico 2’31’’

Primeiro da ESO
Os Megatoxos e o dragón de xade
Autor: Anxo Fariña
Xerais Os Megatoxos
192 páxinas / NOVIDADE
Código: 1384605
ISBN: 978-84-9914-733-8
P.V.P.: 13,00 €
ARGUMENTO
Nesta nova aventura dos Megatoxos, Ruxe, Ninfa, Faísca
e Lúa viaxan ao Xapón medieval na procura do Toxo para
evitar que Namuzu, unha aparición oriental, provoque un
terremoto devastador.
Alí comprenderán o importante que son a familia e os nosos
devanceiros, ao descubriren cousas do seu propio pasado.
Chegarán a tempo para impedir que unha moza case por
obriga cun sinistro nobre, e tentarán poñer a salvo unha alfaia
de gran poder. Iso, se unha perigosa banda de ninjas ou un
misterioso dragón, non aparecen para mudalo todo.
NÚCLEOS TEMÁTICOS
Loitas de poder entre samurais, seres mitolóxicos,
amor, traizón
XÉNERO
Novela.

Os Megatoxos e o aprendiz de druída
Autor: Anxo Fariña
Xerais Os Megatoxos
152 páxinas / 2ª edición / Código: 1384601
ISBN: 978-84-9914-357-6
P.V.P.: 13,00 €
Serie «Os Megatoxos»
ARGUMENTO
O día en que Ruxe, Faísca, Ninfa e Lúa comezaron o curso,
apenas se coñecían. Mais un accidente inesperado fará que as
súas vidas muden para sempre. Decataranse de que teñen algo
especial en común, máis aló de asistir ao mesmo instituto, e
que nas súas vidas hai preocupacións máis fondas que entregar
a tempo os traballos de clase. Estraños poderes, aventuras
sorprendentes e misteriosos encontros. Os catro mozos terán
que viaxar no tempo para procurar respostas na terra dos seus
antepasados, os celtas…
Os Megatoxos e a espada esmeralda
Autor: Anxo Fariña
Xerais Os Megatoxos
192 páxinas / 2ª edición / Código: 1384602
ISBN: 978-84-9914-271-5
P.V.P.: 13,00 €
ARGUMENTO
Ruxe, Lúa, Faísca e Ninfa están a vivir un emocionante
curso escolar. Desde que un accidente os dotara de estraños
poderes, os problemas non deixan de aparecer. Nun intento
por acadar unha cura para a súa mutación, os catro mozos
viaxarán ao Medievo. Alí, atoparán un antigo e misterioso
mosteiro onde nada é o que parece.

Primeiro da ESO
Os Megatoxos e os Templarios da Luz
Autor: Anxo Fariña
Xerais Os Megatoxos
192 páxinas / Código: 1384603
ISBN: 978-84-9914-533-4
P.V.P.: 13,00 €
ARGUMENTO
A vida de Ninfa, Lúa, Ruxe e Faísca mudou desde o
accidente que os converteu en mutantes. O que prometera ser
unha divertida viaxe de estudos a esquiar, vaise converter nun
pesadelo xeado nos Pireneos. Para complicar ma súa situación,
no medio dunha competición de snowboard descubrirán que
teñen máis en común cos xemelgos, Exeria e Ezbel, do que
lles gustaría. Veranse obrigados a viaxar ao pasado, á cidade
de París no medio da Revolución industrial, onde coñecerán
o poder dos Templarios da Luz. E alí terán que facer fronte
á terrible decisión: esco ller entre a vida dun ser querido ou a
dunha cidade enteira… Ti que escollerías?.
Os Megatoxos e a cara oculta de Lúa
Autor: Anxo Fariña
Xerais Os Megatoxos
192 páxinas / 2ª edición / Código: 1384604
ISBN: 978-84-9914-249-4
P.V.P.: 13,00 €
ARGUMENTO
O instituto dos Megatoxos cae en desgraza e unha horrible
transformación esténdesepoloalumnadoemaisoprofesorado.
Entrementres,en Venecia, unha misteriosa raíña trata de
dominar o mundo grazas ao poder do Toxo. Os dous escenarios
están intimamente ligados, e só os Megatoxos poden resolver
a crise que ameaza os dous mundos.

Tamén en ePub
Palabras de auga
Autor: Marcos Calveiro
Ilustrador: Ramón Trigo
PREMIO MERLÍN DE LITERATURA INFANTIL, 2012
PREMIO FERVENZAS LITERARIAS, 2012
LISTA DE HONRA DO IBBY, 2014
Xerais Merlín (de 11 anos en diante)
160 páxinas / 4ª edición
Código: 1343223
ISBN: 978-84-9914-441-2
P.V.P.: 11,50 €
ARGUMENTO
O xamán Mkebe ordenou a todos os membros do clan
dos Wakati da tribo dos Kimba que abandonasen o país
Lomba coa esperanza de atopar unha terra mellor con auga
abondosa. Dende entón, homes e mulleres camiñan, baixo un
sol abrasador, a sabana poeirenta sen saber que lles pode
deparar o futuro. Amadou aprenderá da súa nai a colleitar
o alimento agochado nos formiguei ros, mais tamén, como
afouto guerreiro, haberá de se enfrontar axiña cos peri gos da
caza e da procura de Numba, o seu irmán maior, desaparecido
no cam pamento dos nenos soldado.
Palabras de auga é unha viaxe cara ao interior do continente
africano e da súa cultura, mais tamén un camiño iniciático cara
á madurez. Un relato emocio nante, cativador e conmovedor.
NÚCLEOS TEMÁTICOS
Aventuras, cultura africana.
XÉNERO
Novela.

Primeiro da ESO
Tamén en ePub
Booktrailer en www.dragal.eu
Dragal I. A herdanza do dragón
Autora: Elena Gallego Abad
PREMIO FREI MARTÍN SARMIENTO, 2012
264 páxinas / 7ª edición / Código: 1365128
ISBN: 978-84-9914-134-3 / P.V.P.: 11,60 €
ARGUMENTO
Un antigo medallón de metal en estado vivo, herdanza do seu
pai, será achave que lle abrirá a Hadrián as portas para cumprir
co seu destino. Para atopar respostas, o mozo tamén deberá buscar
nos libros prohibidos da vella biblioteca do seu bisa vó e mergullarse
nos segredos que agochan as augas da Poza da Moura.
Dragal II. A metamorfose do dragón
Autora: Elena Gallego Abad
360 páxinas / 1ª edición / Código: 1365134
ISBN: 978-84-9914-221-0 / P.V.P.: 11,60 €
ARGUMENTO
Coa policía investigando o estraño roubo da igrexa de Sa Pedro,
Mónica prepárase para acudir á súa cita na Poza da Moura. A moza
non sabe aínda que a noticia da desaparición de Hadrián corre pola
vila coma un regueiro de pólvora ninque alguén vixía de preto os
seus pasos. Mentres agarda por ela, Dragal descobre, por primeira
vez na súa milenaria exis tencia, a limitación dos seus poderes.
Dragal III. A fraternidade do dragón
Autora: Elena Gallego Abad
320 páxinas / 1ª edición / Código: 1365134
ISBN: 978-84-9914-270-8 / P.V.P.: 11,60 €
Triloxía«Dragal»
ARGUMENTO
Os membros da Fraternidade de Dragal xa iniciaron o seu
regreso co fin de cumprir co xuramento de sangue que fixeron
os seus devanceiros na época medieval. Para que a profecía se
cumpra, os sete cabaleiros teñen que reunir as claves da Ciencia
Secreta na cripta do dragón e pechar o círculo da vida. Á media
noite da primeira lúa chea do equinoccio de primavera, a luz
da lúa penetrará na cripta do dragón para coller a súa barca
funeraria e descender ao reino dos mortos, brindando unha
promesa de resurrección co abrente.

Primeiro da ESO
Cidades
Autor: Fran Alonso
PREMIO RAÑOLAS Ó LIBRO INFANTIL E XUVENIL DO ANO 1997
PREMIO LAZARILLO (ACCESIT), 1997
Xerais Sopa de Libros
72 páxinas / 2ª edición
Código: 1384046
ISBN: 978-84-9914-191-6
P.V.P.: 9,00€
Poesía
Ficha de lectura
ARGUMENTO
Recoñecido e unanimamente aplaudido, Cidades converteuse
nestes anos nun referente da poesía infantil e xuvenil debido,
segundo a crítica, á súa vocación de actualizar temas e formas.
No libro, entrañable e intimista, a cidade convértese nun ser
vivo, o asfalto adquire vida, e a soidade e a rutina énchense
de cores, olores e sabores. A través dun alento poético fondo
e sincero, descúbrenos a emoción que latexa nas rúas e deita
unha ollada tenra e rebelde sobre a vida desde a óptica da
infancia e adolescencia. Cidades é unha porta para que os
máis novos entren na poesía.
XÉNERO
Poesía.

Segundo da ESO
LECTURAS RECOMENDADAS

Tamén en ePub
Recinto Gris
Autora: Ledicia Costas
Xerais Fóra de xogo
160 páxinas / NOVIADE / Código: 1365152
ISBN: 978-84-9914-608-9
P.V.P.: 11,60
Ficha de lectura
ARGUMENTO
Tras unha día de galerna, Cidade Vii foi invadida por un
exército adestrado para conseguir unha cidade perfecta. Aqueles
soldados altísimos de uniforme negro e cabeza de lobo peiteaban
o territorio, rexistraban cada casa, non deixaban nada ao chou.
Tiñan instrucións moi claras que cumprir: colleren aqueles
que perturbaban o equilibrio social, ás persoas consideradas
diferentes, metelas nos camións e trasladalas a Recinto Gris,
un lugar habilitado para aloxar os que non encaixaban no
seu deseño. Aqueles soldados lobos presentáronse na casa de
Nube, unha rapaza incapaz de mentir, coa intención de levala.
NÚCLEOS TEMÁTICOS
Abuso de poder, autoritarismo, liberdade, amizade.
XÉNERO
Novela.

Segundo da ESO
Tamén en ePub
Todos somos
Autor: Marcos Calveiro
Xerais Fóra de Xogo
160 páxinas / 3ª edición
Código: 1365150
ISBN: 978-84-9914-536-5
P.V.P.: 11,60 €
Ficha de lectura
ARGUMENTO
Dende a desaparición de Natalia os pais de Antón xa non
lle deixaban baixar o lixo á noitiña. Parecía incríbel que a súa
vida, a vida de todos eles, dese un xiro tan brusco e dramático
en tan pouco tempo.
As cousas andaran nas mans do demo dende que a nova da
desaparición de Natalia, compañeira de clase de Antón, correra
como a pólvora por toda a praza da Bichoca. O sábado, ao día
seguinte de desaparecer, xa o sabía todo o mundo. Mais foi o
domingo cando todos foron conscientes da brutal realida de e
de que a cousa ía en serio.
NÚCLEOS TEMÁTICOS
Escola, amizade, solidariedade, medios de comunicación.
XÉNERO
Novela.

O veleno da risa. Unha historia para Tintimán
en Lugo
Autor: Jaureguizar
Ilustrador: Matalobos
Xerais Un misterio para Tintimán
152 páxinas / NOVIDADE / Código: 1384504
ISBN: 978-84-9914-664-5
P.V.P.: 12,6 5
Serie «Un misterio para Tintimán»
ARGUMENTO
Os planos do século III que se usaron para construír a
muralla de Lugo aparecen nunha escavación arqueolóxica.
O misterioso Home da Máscara consegue facerse con eses
documentos e Tintimán, o reporteiro máis novo e espelido
de Galicia, terá que recuperalos e desenmascarar o malvado.
O delincuente está disposto a negociar: a cambio dos planos
quere unha xoia castrexa, O carneiro alado, que Tintimán
deberá roubar no Museo Provincial. Misterio, asasinatos e
amor, nunha nova aventura de Tintimán, esta vez na cidade
de Lugo.
NÚCLEOS TEMÁTICOS
Aventura, misterio, investigación.
XÉNERO
Novela.

Segundo da ESO
Corazón de chocolate. Un misterio para Tintimán
en Compostela
Autor: Jaureguizar
Ilustrador: Matalobos
168 páxinas / 4ª edición / Código: 1384504
ISBN: 978-84-9914-110-7 / P.V.P.: 12,65 €
ARGUMENTO
Tintimán, un rapaz de dezaseis anos arrichado e algo insolente, herdou
do seu pai a paixón por investigar misterios, o amor pola aventura e
un axitado traballo de xornalista. En Corazón de chocolate, a cidade de
Santiago de Compostela é un escenario emocionante e arriscado para o
primeiro misterio que ten que descubrir.
A coroa de Napoleón. Un misterio para Tintimán
na Coruña
Autor: Jaureguizar
Ilustrador: Matalobos
128 páxinas /3ª edición / Código: 1384502
ISBN: 978-84-9914-111-4 / P.V.P.: 12,65 €
ARGUMENTO
Esta segunda entrega está ubicada na Coruña, cidade que asiste a un
incidente de consecuencias internacionais: desapareceu unha coroa de
Napoleón que o goberno francés lle emprestara á cidade para conmemorar
o bicentenario da Batalla de Elviña. Soamente un reporteiro coa coraxe
de Tintimán, axudado por Señor Grozni, o seu gato torto, e por Mónica,
unha compañeira de clase que asegura ser a súa moza, poderá descubrir o
acontecido.vez na súa milenaria exis tencia, a limitación dos seus poderes.
Amor de serea. Un misterio para Tintimán en Vigo
Autor: Jaureguizar
Ilustrador: Matalobos
128 páxinas / Código: 1384503
ISBN: 978-84-9914-485-6 / P.V.P.: 12,65 €
Serie «Un misterio para Tintimán»
ARGUMENTO
Os galeóns de Rande desapareceron. Non hai rastro deles en toda a
ría de Vigo. O Amor de Serea toleou os malvados, que están dispostos a
calquera ruindade para facerse con el. Soamente o reporteiro máis valente e
espelido de Galicia, Tintimán, poderá combatelos malia ter apenas 16 anos.
O afouto investigador porá en risco a súa vida, pero non está só na loita
contra o mal: axúdao Mónica, unha compañeira de clase que presume de ser
a súa moza, e Señor Grozni, un gato torto con supostos poderes telepáticos.

Tamén en ePub
A expedición do Pacífico
Autora: Marilar Aleixandre
PREMIO MERLÍN, 1994
PREMIO DA CRÍTICA GALEGA (Creación), 1995
Xerais Fóra de Xogo
160 páxinas / 12ª edición
Código: 1365047
ISBN: 978-84-9782-501-6
P.V.P.: 11,60 €
ARGUMENTO
A expedición do Pacífico é unha novela de aventuras que
conta as peripecias dunha nena de doce anos, Emilia, que se
agacha como polisón nunha expedición científica que parte
para explorar o Pacífico. A acción que se desenvolve no século
XIX, non renuncia a estar escrita desde a actualidade. As ideas
feministas, a polémica entre o darwinismo e o creacionismo a
paixón polo coñecemento están nas páxinas desta excepcional
novela.
NÚCLEOS TEMÁTICOS
Aventura, ciencia, igualdade.
XÉNERO
Novela.

Segundo da ESO
A illa de todas as illas
Autor: Xabier P. DoCampo
Ilustrador: Xosé Cobas
Xerais Milmanda
168 páxinas / NOVIDADE
Código: 1334516
ISBN: 978-84-9914-591-4
16,00 €
ARGUMENTO
A illa de todas as illas narra a aventura de tres rapaces,
nunha illa deserta que non ten nome, pero a que todos chaman
Navalleira. Puxéranlle ese nome os mariñeiros, porque nela
había moitas navallas; pero agora, segundo lles conta o
patrón do barco que os leva alí, só quedan brétemas mestas
e espíritos. Algúns mariñeiros que chegaran á illa buscando
navallas volveran a terra dicindo que escoitaran voces e que
viran xentes que lles falaban en todas as linguas do mundo e
que vestían como os que veñen nos libros antigos.
Xabier P. DoCampo quixo render tributo con esta historia
a todos aqueles fermosos libros de aventuras cuxas historias
sucedían nunha illa deserta ou aparentemente inhabitada, obras
que mantiveron, como di no epílogo, «o meu corazón alterado,
as miñas emocións abrollando coma fontes da alma e moitas
horas entregadas á lectura cando llelas tiña prometidas ao
sono ou ao estudo».
NÚCLEOS TEMÁTICOS
Aventura, lectura
XÉNERO
Novela.

Segundo da ESO
Poetízate. Antoloxía da poesía galega.
Autor: Fran Alonso
Xerais Fóra de Xogo
224 páxinas / 11ª edición
Código: 1365889
ISBN: 978-84-9914-250-0
P.V.P.: 11,60 €
Poesía
Ficha de lectura
ARGUMENTO
A POESÍA non morde. E, aínda que haxa quen pense o
contrario, non é aburrida, romanticona nin difícil. Esta
divertida antoloxía poética demostra o contrario. De Rosalía
de Castro ás poetas novas, propoñémosche unha viaxe polos
poemas máis próximos, divertidos e desenfadados da poesía
galega. Poetízate é un libro pensado para as persoas que non
están afeitas a ler poesía. ¿Para que? Para cantar, berrar, recitar,
rapear, musicar, rebelarse contra o mundo ou só para falar
suave na orella. Este é un libro para sentir, gozar e intuír a
poesía. Así que, xa o sabes: poetízate.
Espírito e contidos do libro Poetízate –que consta do
propio corpus poético, un limiar e unha «visita guiada» a
xeito de epílogo– é obra do escritor Fran Alonso e nace coa
vocación de levar a poesía ás aulas dun xeito desenfadado e
buscandosempre a complicidade e a proximidade co lector
ou lectora adolescente.
O corpus de Poetízate percorre toda a poesía galega desde
Rosalía de Castro até a actualidade e consta de arredor de
200 poemas seleccionados de perto de 80 autoras e autores.
Nova edición ampliada e actualizada, con prólogo de Carlos
Negro.
XÉNERO
Poesía.

Terceiro da ESO
LECTURAS RECOMENDADAS

Tamén en ePub
Silencio
Autor: Fran Alonso
Xerais Fóra de Xogo
96 páxinas / NOVIDADE /
Código: 1365153
ISBN: 978-84-9914-635-5
P.V.P.: 11,60 €
ARGUMENTO
Un xornalista galego duramente castigado polo poder ten
que emigrar a Madrid na procura de traballo. Nesa cidade aluga
un piso vello e enigmático e, sen querelo, vese envolto nunha
situación kafkiana. Da vivenda do lado proceden os estraños
ruídos do silencio. A través dunha atmosfera intrigante,
Silencio configúrase como unha novela de suspense, suspense
que se intensifica de forma vertixinosa para presentarnos unha
historia próxima ao misterio e ao desacougo urbano. Con
esta novela descubrimos o arrepío que habita no ser humano
contemporáneo con só rañar uns centímetros na cotra do
cotián, na nosa vida doméstica. Coa súa capacidade habitual
para transportarnos aos lugares máis sorprendentes e cun
estilo directo, breve e conciso, en Silencio Fran Alonso non
deixa lugar para o respiro.
NÚCLEOS TEMÁTICOS
Intriga, suspense, fracaso.
XÉNERO
Novela.

Terceiro da ESO
O pintor do sombreiro de malvas
Autor: Marcos Calveiro
PREMIO LAZARILLO, 2009
PREMIO FERVENZAS LITERARIAS, 2010
LISTA THE WHITE RAVENS, 2011
PREMIO DA ASOCIACIÓN DE ESCRITORES EN LINGUA GALEGA, 2011
Xerais Fóra de Xogo
184 páxinas / 7ª edición
Código: 1365929
ISBN: 978-84-9914-216-6
P.V.P.: 11,60
ARGUMENTO
Un adolescente é enviado pola súa nai dende París a pasar
cunha tía unha boa tempada na vila de Auvers. Durante
aqueles días do verán de 1890, coñecerá a Vincent, un pintor
que semella beberse a vida con cada violenta pincelada
sobre o lenzo e do que durante sesenta e nove días se fará
inseparable, acompañándoo no seu deambular polos trigais e
na súa infatigable loita contra os convencionalismos da vida
provinciana. Mais o mozo tamén descubrirá o amor, coñecerá
algúns misterios sobre o seu pasado e se enfrontará por vez
primeira á morte, o que o obrigará a tomar unha decisión sobre
o futuro que lle agarda.
NÚCLEOS TEMÁTICOS
Amizade, amor, misterio, pintura.
XÉNERO
Novela.

Tamén en ePub
Corredores de sombra
Autor: Agustín Fernández Paz
PREMIO FREI MARTIN SARMIENTO, 2007
Xerais Fóra de Xogo
232 páxinas / 15ª edición /
Código: 1365091
ISBN: 978-84-9782-425-5
P.V.P.: 11,60 €
Ficha de lectura
ARGUMENTO
Verán de 1995. No pazo dos Soutelo, ao facer unhas
obras de restauración, descúbrese un esqueleto dentro dunha
alfombra enrolada, oculto entre dous tabiques. Un cadáver
emparedado hai máis de cincuenta anos, cun furado de bala
na cabeza. Quen é o morto? Que man empuñou a pistola
que o asasinou? Clara Soutelo, testemuña involuntaria da
descuberta, asume o reto de desvelar o misterio que se agocha
tras as dúas preguntas. Unha investigación complexa, que
a levará a indagar no pasado da súa familia. Moito tempo
despois, cando xa é maior, decídese a contar os sucesos daquel
verán dos seus dezaseis anos, cando descubriu a plenitude
do primeiro amor e mudou para sempre a súa forma de
entender a vida. Corredores de sombra de Agustín Fernández
Paz é un thriller moral onde se pretende desvelar un dobre
misterio (quen é o morto, quen o asasinou?) que conleva
unha investigación, con momentos de grande tensión, e unha
resolución na liña das mellores novelas negras. Mais tamén é
unha novela sobre a progresiva toma de conciencia da xove
protagonista obrigada a elixir o camiño polo que quere facer
a súa vida, mesmo se iso implica opoñerse a súa familia e todo
o que significa.
NÚCLEOS TEMÁTICOS
Investigación, misterio, amor.
XÉNERO
Novela.

Terceiro da ESO
A Pomba e o Degolado
Autora: Fina Casalderrey
Xerais Fóra de Xogo
176 páxinas / 8ª edición /
Código: 1365100
ISBN: 978-84-9782-559-7
P.V.P.: 11,60
Ficha de lectura
ARGUMENTO
A André foron demasiadas cousas ás que non lle sentaron
ben nos tres anos que leva no instituto, onde nin sequera
podía refuxiarse no aseo para coller alento. Os recreos
estaban tomados por Héctor Solla e Raúl Pernas, unha sorte
de matóns clandestinos que lle facían a vida imposible a el e a
súa compañeira Halima Atif. Por fortuna na casa, onde tamén
se viven tempos moi difíciles, atopará acougo ás súas coitas
facéndose cargo dos paxaros do seu avó e chateando, baixo
o nick de «Degolado», con «Pomba», unha amiga cibernética
que o axudará a descubrir que paga a pena confiar na xente.
NÚCLEOS TEMÁTICOS
Amizade, relacións persoais, redes sociais.
XÉNERO
Novela.

Terceiro da ESO
Makinaria
Autor: Carlos Negro
Xerais Fóra de Xogo
80 páxinas / 3ª edición /
Código: 1365120
ISBN: 978-84-9782-553-5
P.V.P.: 11,60 €
Poesía
Ficha de lectura
ARGUMENTO
Makinaria de Carlos Negro é unha aceleración poética de
cero a cen en tres segundos. Se tes arredor de quince anos,
vas de malote e mallas na música, este pode ser o teu libro;
un libro de versos co depósito cheo de gasolina, testosterona
e alcohol; un libro de versos tuneados, maqueados de furia
xuvenil, sen máis límite que o do contaquilómetros que sinala
unha ruta suicida; un libro de versos sen final feliz: porque a
Morte converte a euforia en chatarra, porque só admite como
meta o destino cemiterio.
XÉNERO
Poesía .

Cuarto da ESO
LECTURAS RECOMENDADAS

Tamén en ePub
Nubes de evolución
Autora: Andrea Maceiras
PREMIO FERVENZAS LITERARIAS, 2014
Xerais Fóra de Xogo
192 páxinas / 3ª edición /
Código: 1365147
ISBN: 978-84-9914-463-4
P.V.P.: 11,60 €
Ficha de lectura
ARGUMENTO
Sempre vai frío na estación de autobuses. Aquel frío que
xea a Amanda, a rapazade de zanove anos que traballa de
limpadora, que todas as noites lle conta a Ánxela, a súa filla
dun ano, todo o que alí lle aconteceu. Aquel frío que persegue
a Uxío, o rapaz louro, que pasa camiño do adestramento,
desacougado tras a perda da moza e o divorcio dos seus
pais. Aquel frío que atenaza a Luís, o home do paraugas, o
profesor de instituto, afundido na soidade, que agarda polo
seu autobús. As vidas dos tres cruzaranse cando Amanda teña
que limpar unha pintada nunha das plataformas de chegadas:
«WHEN WILL THOSE CLOUDS ALL DISAPPEAR?».
NÚCLEOS TEMÁTICOS
Conflitos sociais, soidade, familia.
XÉNERO
Novela.

Cuarto da ESO
Tamén en ePub
O Gran Reino
Autor: Eduardo Santiago
PREMIO JULES VERNE, 2014
Xerais Fóra de Xogo
páxinas / NOVIDADE /
Código: 1365155
ISBN: 978-84-9914-738-3
P.V.P.: 13,60 €
Ficha de lectura
ARGUMENTO
Gala, unha rapaza de catorce anos brillante nos estudos
e cunha imaxinación portentosa, é a protagonista d’O
Gran Reino. O carácter especial de Gala, o seu exacerbado
narcisismo e unha marcada competitividade, acaban por
condenala ao abandono por parte das súas amigas. Ante esta
situación de soidade e de infelicidade, mergúllase na lectura de
forma compulsiva, sobre todo de obras que ela mesma definía
como de «mundos paralelos», e asemade vai diminuíndo a súa
necesidade de inxerir alimentos: dous factores que, unidos,
provocan en Gala un afastamento da razón e a convicción de
que o reino de Margonia está agardando por ela.
En O Gran Reino mestúranse os capítulos da realidade
literaria cos fantasiados pola protagonista nos momentos de
vulnerabilidade. As entradas e saídas nese mundo fantástico
creado pola protagonista concédenlles ás lectoras e aos lectores
un respiro na intensa narración dunha vida adolescente
marcada pola anorexia, a loucura e a falta de cariño dos pais.
NÚCLEOS TEMÁTICOS
Relacións persoais, fantasía, anorexia, lectura.
XÉNERO
Novela.

Tamén en ePub
Ámote Leo A. Destino xalundes
Autora: Rosa Aneiros
PREMIO IRMANDADE DO LIBRO, 2014
312 páxinas / 2ª edición / Código: 1334513
ISBN.: 978-84-9914-558-7 P.V.P.: 14,00 €
ARGUMENTO
Catro amigos e unha gran viaxe. Este era o plan de Leo ao
rematar os estudos universitarios. En cambio, todo se esborralla
uns meses antes de partir, cando os seus colegas se botan atrás e
Leo debe afrontar unha decisión transcendental: desistir ela tamén
ou marchar soa.
Triloxía«Amote Leo A.»
Ámote Leo A. Estación de tránsito
Autora: Rosa Aneiros
PREMIO IRMANDADE DO LIBRO, 2014
288 páxinas / 1ª edición / Código: 1334514
ISBN.: 978-84-9914-623-2 P.V.P.: 14,00 €
ARGUMENTO
Abril de 2011. Un autobús percorre lentamente a Anatolia. No
seu interior, Leo sente que lle ferve a cabeza nunha dura batalla
entre os medos, as esperanzas e as dúbidas. Vai para tres meses
que abandonou a súa casa coa intención de facer unha viaxe polo
mundo adiante.
Ámote Leo A. Terminal de... chegadas?
Autora: Rosa Aneiros
PREMIO IRMANDADE DO LIBRO, 2014
336 páxinas / NOVIDADE / Código: 1334515
ISBN.: 978-84-9914-683-6 P.V.P.: 14,00 €
ARGUMENTO
Mamá, volvo á casa. Xa.» Así lle escribe Leo á súa nai
unha noite de primavera, catro meses despois do inicio da súa
fascinante viaxe polo mundo. A moza non ten gana de máis. Pero
non se trata dunha rendición, velaquí unha auténtica arroutada
sentimental, rosma Leo ao tempo que centos de imaxes golpean
a súa cabeza.

Cuarto da ESO
Tamén en ePub
O corazón de Xúpiter
Autora: Ledicia Costas
PREMIO NEIRA VILAS (AGE), 2012
PREMIO AELG, 2012
Xerais Fóra de Xogo
224 páxinas / 5ª edición
Código: 1365143
ISBN: 978-84-9914-433-7
P.V.P.: 11,60 €
ARGUMENTO
Non foi doado para Isla mudar de cidade e empezar de cero
nun novo institu to. Devecía por dar un paseo polo espazo,
avistando planetas a través do teles copio, mergullada no ventre
do universo. Casiopea, o nome da tartaruga máxi ca de Momo,
era o nick que empregaba nos foros sobre astronomía nos que
participaba adoito. Alí coñeceu a Xúpiter, alguén que semellaba
saber moito de estrelas. As longas conversas até ben entrada
a madrugada prenderan unha luz, entre os dous existía unha
maxia que traspasaba as fronteiras do ciberespazo. Isla sentiu
a necesidade de sabelo todo sobre Xúpiter: onde vivía, a que
insti tuto ía, o seu nome real… Quedaron para se coñecer
nunha noite de San Xoán de cacharelas e mar embravecido.
Foi entón, despois de despedirse da súa amiga Mar, cando
Isla se precipitou na escuridade. A súa vida estaba a piques de
cambiar para sempre.
NÚCLEOS TEMÁTICOS
Astronomía, Internet, adolescencia.
XÉNERO
Novela.

Cuarto da ESO
Penúltimas tendencias
Autor: Carlos Negro
Xerais Fóra de Xogo
80 páxinas / 2ª edición /
Código: 1365151
ISBN: 978-84-9914-607-2
P.V.P.: 11,60 €
Poesía
Ficha de lectura
ARGUMENTO
Este é un libro de versos que rompen as costuras do silencio;
un álbum secreto para todas aquelas mozas que procuran
una fenda nos valos, máis alá da gaiola rosa dos contos de
princesas; un diario onde unha adolescente convulsa e opaca
atopa a voz que nunca tivo. Porque medrar é aprender a
fuxir da ditadura dos espellos. Non agardes máis: entra nun
universo onde non todo vai ser fashion & cool & chic & sexy..
XÉNERO
Poesía .

BACHARELATO
LECTURAS RECOMENDADAS

Tamén en ePub
A viaxe de Gagarin
Autor: Agustín Fernández Paz
Xerais Narrativa
280 páxinas / 2ª edición /
Código: 1331353
ISBN: 978-84-9914-668-3
P.V.P.: 18,00 €
ARGUMENTO
Doce de abril de 1961: o cosmonauta Iuri Gagarin
convértese no primeiro ser humano en viaxar ao espazo
exterior. Comezaba a era espacial, e tamén unha década que
traería grandes cambios. Cincuenta anos despois, Miguel
Mendiguren, un home na fronteira dos sesenta anos, mentres
vela os días derradeiros da súa nai nun cuarto de hospital,
lembra a proeza do cosmonauta ruso. Daquela el tiña dez
anos e gañara un concurso escolar de redacción cun traballo
sobre esa primeira viaxe espacial. A raíz diso, os outros nenos
pasan a chamarlle Gagarin, un sobrenome que o acompañará
durante toda a súa infancia e adolescencia. Mentres se apaga
a vida da nai, Miguel lembra os seus anos mozos, na Coruña
da década dos sesenta. Os seus rexentan unha imprenta e
unha libraría de barrio, aparentan ser unha familia coma as
outras. Mais esconden perigosos segredos que Miguel irá
desvelando a medida que se abre á complexidade da vida.
Unha vida na España desa época, coa ditadura de Franco e a
represión das liberdades máis básicas, coa ameaza permanente
da Brigada Político Social, a policía secreta do Réxime. E
tamén coa oposición clandestina, barreira imprescindible
contra a barbarie. Naquel tempo de mocidade, Miguel tamén
experimenta a revolución interior que supón namorarse.
O arrebato da paixón e a dor da ausencia, nunha relación
marcada polas diferenzas de clase.
NÚCLEOS TEMÁTICOS
Memoria, historia, amor, carreira espacial.
XÉNERO
Novela.

Bacharelato
Tamén en ePub
A memoria da choiva
Autor: Pedro Feijoo
Xerais Narrativa
472 páxinas / 2ª edición /
Código: 1331342
ISBN: 978-84-9914-570-9
P.V.P.: 22,00 €
ARGUMENTO
Cando Xosé Carneiro, coñecido psicanalista e polémico
colaborador televisivo, aparece co peito aberto no seu piso da
compostelá rúa República do Salvador, son dúas as cousas que
chaman a atención do xornalista Aquiles Vega e da profesora
Sofía Deneb. A primeira é a brutalidade, a violencia extrema
con que o crime foi levado a cabo. A segunda, ese detalle que
non encaixa na escena: unha estraña peza de ferro chantada
no corazón. En realidade, a de Carneiro non é máis que a
primeira dunha cadea de mortes en serie, unha carreira contra
o reloxo na que Aquiles terá non só que comprender que é o
que está pasando, senón cal é o papel que en toda esta historia
xoga un dos nomes máis importantes da nosa literatura, aquel
sempre rodeado de misterio e escuridade. E, sobre todo, terá
que saber quen é Adriano... Logo do éxito recibido pola súa
primeira novela, Os fillos do mar, regresa Pedro Feijoo cunha
nova aventura, desta volta chea de versos, de sangue, de amor
e de odio, pero mantendo intacta a súa máxima por bandeira:
ante todo, o entretemento e o pracer de lectores e lectoras.
NÚCLEOS TEMÁTICOS
Intriga, misterio, literatura.
XÉNERO
Novela.

Tamén en ePub
A voz do vento
Autor: Pemón Bouzas
Xerais Narrativa
400 páxinas / NOVIDADE /
Código: 1331351
ISBN: 978-84-9914-636-2
P.V.P.: 20,00 €
ARGUMENTO
A principios do século XVII a vila de Cangas do Morrazo
faise célebre porque varias das súas veciñas son levadas diante
do tribunal da Santa Inquisición en Santiago de Compostela
acusadas de bruxaría. Entre elas está María Soliño, unha
muller con facenda e negocios que andaba polos sesenta anos
cando foi xulgada. Cangas gozaba dunha economía boiante
baseada na pesca e no comercio local e internacional, até que
no ano 1617 sufriu o ataque dunha frota de piratas berberiscos
que cambiou a súa historia. Reunións de bruxas en lascivos
aquelarres nas praias, delacións entre veciños ou abusos de
poder, alimentaban sermóns moralizantes dende os púlpitos e
ansias xusticeiras en boa parte da sociedade. María Soliño, ou
Soliña, converteuse nunha personaxe lendaria para a sociedade
galega, difuminada polo paso do tempo e cantada polo gran
poeta Celso Emilio Ferreiro.
NÚCLEOS TEMÁTICOS
Historia, clases sociais, relixión.
XÉNERO
Novela.

Bacharelato
Tamén en ePub
Matarte lentamente
Autor: Diego Ameixeiras
Xerais Narrativa
168 páxinas / 2ª edición /
Código: 1331345
ISBN: 978-84-9914-567-9
P.V.P.: 16,65 €
ARGUMENTO
Na reunión de preferentistas o avogado explica aos afectados
que as participacións preferentes son emisións perpetuas cuxo
problema é a falta de liquidez inmediata. Dilles que estamos
falando de produtos comercializados de xeito enganoso nun
momento no que os bancos, durante os primeiros anos da
crise, tentaron reforzar o seu capital indiscriminadamente.
«Todo respondeu –continúa–, a unha estratexia planificada.
A maioría de vostedes pensou que se lles estaba vendendo un
prazo fixo, sen ningún tipo de risco. Pero non foi así». Unha voz
crebada interrompe desde a porta ao avogado: «Aquí vai haber
sangue.» Matarte lentamente consolida a liña de modernización
radical da novela negra que Diego Ameixeiras abriu en novelas
anteriores como Dime algo sucio, Historias de Oregón e Todo
OK. Dosificación da información, economía expresiva, coidada
estrutura de tramas e vidas que van encaixando coma un puzzle
son características desta novela impactante e inesquecible que
presenta con claridade problemas claves do noso tempo.
NÚCLEOS TEMÁTICOS
Investigación, conflitos sociais.
XÉNERO
Novela.

Tamén en ePub
Sete Caveiras
Autora: Elena Gallego Abad
Xerais Narrativa
200 páxinas / 2ª edición /
Código: 1331347
ISBN: 978-84-9914-569-3
P.V.P.: 16,65 €
ARGUMENTO
Cando a xornalista Marta Vilas descobre o cadáver dun
motorista aboiando en augas do porto vigués do Berbés, non
pode imaxinar que o pequeno xoguete que o seu asasino
agochou no peto do morto está a piques de mudarlle a vida.
Aquel click, das primeiras series da desaparecida Famobil, é
o único fío que parece unir este asasinato co do garda civil
rescatado por un pesqueiro de Cangas. E cos cadáveres que, ao
longo dos días seguintes, irán aparecendo na ría de Vigo. Pero
ninguén máis o sabe. Sobre a mesa de Marta Vilas comezan
a amorearse os xoguetes de colección. Un click motorista
roubado do peto dun motorista, un click garda civil atopado
preto do corpo dun membro da benemérita, un click pirata
esquecido no coche dun informático asasinado... Para a
xornalista, apartada da sección de Sucesos por diferenzas co
redactor xefe do seu diario, descubrir a identidade do criminal
convértese nunha obsesión. Aínda que nunca poderá contar
todo o que sabe. Trepidante e por momentos divertida, Sete
Caveiras fía unha serie de asasinatos en escenarios reais con
sinalados acontecementos dos anos oitenta. Esta novela,
tamén homenaxe da autora á profesión xornalística, tece unha
engaiolante trama de intriga con banda sonora da Movida.
NÚCLEOS TEMÁTICOS
Intriga, investigación, xornalismo.
XÉNERO
Novela.

Bacharelato
Tamén en ePub
Os televisores estrábicos
Autor: Ramón Vilar Landeira
Xerais Narrativa
144 páxinas / NOVIDADE /
Código: 1331354
ISBN: 978-84-9914-717-8
P.V.P.: 16,65 €
ARGUMENTO
Os televisores estrábicos emiten historias dun mundo tan
cotián e á vez tan estraño que por veces parecen tatuaxes
da realidade que vivimos. Na programación atopamos un
atracador que ao saír do banco bate co único policía local
de garda; comprobamos como unha tarde de pesca nun río
pode rematar en ataque de pánico; sabemos que as mantas
eléctricas espantan a friaxe dos pés, pero non a soidade;
coñecemos a historia de F, un alcohólico que puido xogar no
Deportivo e aprendeu que a vida é unha partida de futbolín;
que as empresas saben ben máis ca nós dos seus negocios; que
as noticias son as que son porque os xornalistas beben cocacola
light; ou que os caramelos de café con leite poden ser ben
amargos... Os televisores estrábicos é a ollada bidireccional
dun home que deixa todo atrás para escribir un libro de
relatos cos cartos dunha indemnización por despedimento. É
a loita radicalmente optimista por sobrevivir a un tempo de
desesperanza, conscientes de que aquí é obrigado vivir de pé,
basicamente porque a vida queima.
NÚCLEOS TEMÁTICOS
Sociedade, relacións persoais.
XÉNERO
Relato.

A vitoria do perdedor
Autor: Carlos G. Reigosa
PREMIO SAN CLEMENTE, 2014
Xerais Narrativa
240 páxinas / 2ª edición/
Código: 1331324
ISBN: 978-84-9914-398-9
P.V.P.: 17,50 €
ARGUMENTO
Arcadio Macías, perdedor dunha guerra e dunha posguerra,
prepara a súa saída de España. Está seguro de que a loita
terminou. Mais a realidade –en forma dunha represión que non
cesa– axiña lle vai demostrar o contrario. Isto des atará a súa
rebeldía e impediralle fuxir. Converterase así nun combatente
soli tario e vingador que cambiará a realidade dunha bisbarra.
Un home atrapado nun recuncho da Historia que axusta
contas co mundo fratricida en que lle tocou vivir. Carlos G.
Reigosa constrúe con axilidade narrativa unha acción vigorosa
e arrepiante que retrata a dialéctica embrutecedora entre a
perversión da vitoria e o desvalemento da derrota. A crueldade
resultante desborda a dimensión política para ser só ferocidade
e desquite. A vitoria do perdedor é a memoria fera e doente
dun tempo de posguerra dominado polo terror e a vio lencia.
NÚCLEOS TEMÁTICOS
Posguerra, represión.
XÉNERO
Novela.

Bacharelato
Enderezo descoñecido
Autora: Kressmann Taylor
Traductora: Emma Lázare
Xerais Narrativa
72 páxinas / 5ª edición /
Código: 1331970
ISBN: 978-84-9782-605-1
P.V.P.: 12,85 €
ARGUMENTO
Cando Enderezo descoñecido se publicou por primeira vez en
1938 causou gran sensación pola crueza coa que expoñía diante da
opinión pública norteamericana o veleno do nazismo dende os seus
inicios. Axiña obtivo vendas espectaculares e foi editada en Inglaterra
e traducida a outras linguas, sendo considerada como unha obra
perfecta. En 1939, a tradución holandesa desapareceu das librerías
e, coincidindo coa ocupación nazi, a única presenza da novela en
Europa foi na lista de libros prohibidos do Reichskommisar. A historia
permaneceu descoñecida no continente durante sesenta anos máis,
malia o impacto e o gran éxito que acadara nos Estados Unidos e
Inglaterra. Trala súa reedición en 1995, para conmemorar o cincuenta
aniversario da liberación dos campos de concentración, chegou ás
mans de Henri Dougier, o editor francés da revista Autrement, quen
decidiu publicala convencido da súa importancia para as vítimas do
nazismo e para toda a comunidade europea. A partir de entón, a novela
foi traducida ao italiano, hebreo, alemán, grego, noruegués, sueco,
danés, portugués, español, galego e catalán. Escrita en forma epistolar
pola norteamericana Kressman Taylor, Enderezo descoñecido conta
a sorprendente historia de dous amigos e socios propietarios dunha
galería de arte en California, Max Eisenstein, xudeu estadounidense, e
Martin Schulse, alemán, que retorna ao seu país en 1932, coincidindo
co ascenso do partido nazi. Esta obra, breve e intensa, representa
un dos máis estarrecedores alegatos contra o nazismo, cuxo rostro
perverso se nos fai patente ao longo da correspondencia entre os dous
personaxes. Aclamada pola crítica de todo o mundo, foi considerada
polo The New York Times Book Review como «a denuncia máis
efectiva que se pode facer contra o nazismo en literatura de ficción.
É a perfección mesma».
NÚCLEOS TEMÁTICOS
Historia, nazismo.
XÉNERO
Relato.

Tamén en ePub
Os fillos do mar
Autor: Pedro Feijoo
PREMIO SAN CLEMENTE, 2013
PREMIO FREI MARTÍN SARMIENTO, 2014
Xerais Narrativa
432 páxinas / 7ª edición
Código: 1331317
ISBN: 978-84-9914-346-0
P.V.P: 21,00 €
ARGUMENTO
Simón Varela é un mediocre arquitecto residente en Vigo.
Un día recibe unha chamada dunha señora da alta sociedade
viguesa, Isabel Llobet, para que lle faga unha reforma nunha
fonte da súa propiedade, nun pazo de Canido. Aos poucos
días de comezar a reforma, Simón atopa un cofre pechado.
Simultaneamente, a señora, xa maior, morre en estrañas
circunstancias. A par tir de aquí, o arquitecto vese involucrado
nunha intrigante trama na que tamén parece estar envolta
a familia da muller morta. Novela de aventuras, novela de
intriga, escrita con ton humorístico, a acción de Os fillos do
mar condúcenos detalladamente a través do Vigo de hoxe,
cidade que en boa medida protago niza tamén a novela. Ao
tempo, a trama cóbrese cun atractivo pano histórico que nos
conduce ata 1702, na Batalla de Rande, aínda que deixa tamén
os seus elos na Guerra Civil española e nos tempos do nazismo
alemán.
Os fillos do mar é unha novela trepidante, que viaxa
constantemente no tempo para atopar as claves dun presente
que o protagonista precisa desvelar.
NÚCLEOS TEMÁTICOS
Aventura, intriga, investigación, historia.
XÉNERO
Novela.

Bacharelato
Tamén en ePub
As voces baixas
Autor: Manuel Rivas
PREMIO FERVENZAS LITERARIAS, 2012
Xerais Narrativa
208 páxinas / 3ª edición
Código: 1331329
ISBN: 978-84-9914-440-5
P.V.P: 17,00 €
ARGUMENTO
Esta obra é unha construción de humor e dor. Unha novela
da vida para cho rar e rir. Quen son as voces baixas? Son as
criaturas, os nenos e nenas, as mulle res que falan soas, os
mortos, os animais… É a ironía a que sostén as palabras, a
que terma das «voces baixas» para que non se afundan, para
que resistan e mesmo procuren unha segunda vida á marxe
das relacións de dominio e poder, nun entroido existencial.
En As voces baixas o eu anda á procura do nós. É un libro no
que se entrelazan a memoria persoal e a colectiva. Dende o
primeiro medo, o que lle provocan uns cabezudos que resultan
ser figuras dos Reis Católicos, o narrador asiste á descuberta
da vida por mor da existencia extraor dinaria da xente do
común.
O barrio de Monte Alto, a aldea urbana de Castro de
Elviña, o lugar de Corpo Santo, coa luz do faro de Breogán,
a prisión provincial, o cemiterio de Santo Amaro, o poboado
céltico, o Monte Xalo onde as nenas pastoras pisan o sol, a
escaleira onde os nenos clandestinos escoitan os murmurios da
imaxinación… Unha xeografía real para un pobo marabilloso:
as «voces baixas» que non que ren dominar e que se alimentan
de contos.
NÚCLEOS TEMÁTICOS
Memoria, familia, infancia, adolescencia, mocidade.
XÉNERO
Novela.

Tamén en ePub
Cantares Gallegos
Autor: Rosalía de Castro (Ed. Anxo Angueira)
Xerais Clásicos
472 páxinas / 2ª edición /
Código: 1333118
ISBN: 978-84-9914-504-4
P.V.P: 20,00 €
Poesía
ARGUMENTO
Rosalía de Castro contribuíu como ningún outro autor ou
autora do seu tempo na xénese e afirmación do sistema literario
galego contemporáneo. A publicación de Cantares gallegos en
1863 supuxo un remuíño decisivo na súa obra, pero tamén
un golpe estratéxico de enorme transcendencia para o futuro
das letras galegas. Era o primeiro libro escrito integramente
en galego e nel se contiñan as claves da alegoría nacional
da Galicia contemporánea, logo redimensionadas en Follas
novas, obra coa que acabou por selar o vigor e a fortaleza
do incipiente sistema. A importancia deste libro e desta data
é subliñada historicamente cando a Real Academia Galega
decide escoller o 17 de maio, en coincidencia co centenario
da súa publicación, para instaurar o Día das Letras Galegas.
Anxo Angueira, profesor da Universidade de Vigo, escritor
e ensaísta, ademais dos seus estudos sobre Méndez Ferrín (A
espiral no espello. Bretaña, Esmeraldina e o sistema literario
galego) vén centrando as súas investigacións no Rexurdimento
(Rosalía de Castro, Curros Enríquez e Fernández Morales) e
nas súas orixes (o Padre Sarmiento). Esta edición de Cantares
gallegos ofrece, ademais dun longo estudo introdutorio, un
detallado repertorio de notas sobre os textos e pormenorizados
comentarios de cada un dos poemas.
XÉNERO
Poesía.

Bacharelato
O Gabinete das Marabillas de Arxentino
da Rocha Alemparte
Autores: Irene Pérez Pintos e Rodrigo Pérez Pintos
Xerais Referencia
384 páxinas / NOVIDADE /
Código: 1334038
ISBN: 978-84-9914-628-7
P.V.P: 29,50 €
ARGUMENTO
Ernest Hemingway dixo do galego universal Arxentino da
Rocha Alemparte (Xunqueira de Ambía, 1886-Camagüey,
1959) que «de non ser galego, só sería crible como personaxe
literario». Xeneroso filántropo, como tantos outros indianos,
o proxecto persoal para el máis querido foi o seu museo
de Xunqueira de Ambía, coñecido informalmente como O
Gabinete das Marabillas de Arxentino da Rocha Alemparte
polas súas indiscutibles similitudes coas renacentistas coleccións
de curiosidades –chamadas wunderkammers, gabinetes de
curiosidades, cuartos de marabillas…–, xerme dos museos
actuais. Destinado a instituírse como un espazo pedagóxico
único e posiblemente irrepetible, estaba repleto de pezas
singulares, obxectos fabulosos, espécimes exóticos, seres
monstruosos…, pero o soño viuse truncado polo estalido da
Guerra Civil española de 1936-1939. Sen chegar a ter visita
ningunha, o museo ficou pechado como un paquete de agasallo
que nunca vai ser aberto. Só un reducido grupo de persoas tivo
acceso dende entón aos seus intactos tesouros, respectados
polas autoridades fascistas a causa da fonda relixiosidade das
irmás de Arxentino e das súas xenerosas doazóns á diocese
ourensá, que fixo o museo inmune a calquera intervención ou
mesmo expropiación, mentres as súas salas se seguían nutrindo,
ata a súa doce morte, dos incesantes envíos do xunqueirán.
Grazas ao presente volume, produto de máis dunha década
de erudita investigación por parte dos irmáns Pérez Pintos, o
Gabinete das Marabillas de Arxentino da Rocha Alemparte
amósase agora en todo o seu esplendor aos nosos ollos atónitos,
saldando a débeda da sociedade galega coa arela educadora do
noso ilustre compatriota.

Bacharelato
Historia de Galicia
Autor: Anselmo López Carreira
Xerais Referencia
304 páxinas / 2ª edición
Código: 1327136
ISBN: 978-84-9914-532-7
P.V.P: 22,00 €
Historia
ARGUMENTO
A dialéctica social do ser humano, actuando secularmente
no seu contorno, foi creando as comunidades nacionais,
que se procuran e se recoñecen na expe riencia da súa propia
historia. O nacemento da moderna conciencia nacional
galega, no século XIX, está estreitamente vinculado á
elaboración do discurso histórico, que ao mesmo tempo
é resultado da existencia da nación e elemen to axente da
súa configuración. Desde aquela altura ata hoxe o acervo
histo riográficofoiseincrementandoencantidadeecalidad
ecientífica,tantoen obras globais como en monografías,
de divulgación ou especializadas. Focalizada desde unha
perspectiva na que Galicia constitúe o seu propio cen tro, e
cunha clara intención divulgativa, esta Historia de Galicia
de Anselmo López Carreira recolle e sintetiza as achegas
proporcionadas polo conxunto de historiadores que
ofrecen ao país unha imaxe coherente de si mesmo e pretende
ser un elemento útil na construción desta comunidade
de convivencia que é a nación galega.

Pedidos a
Comercial Grupo Anaya
Polígono Pocomaco
Avenida 3 Edifi cio Diana
Nave 4 Baixo • 15190 A Coruña
Tel.: 981 171 641 / Fax: 981 171 647
XERAIS
Doutor Marañón, 12 • 36211 Vigo
Tels.: 986 214 888 / 986 214 880
Fax: 986 201 366
xerais@xerais.es
http://xerais.es
http://blog.xerais.es