LINDEIROS NOVEMBRO 2014

28 deportes
Lindeiros
Record de asistencia na XV Carreira Popular de Ames
Mais de 1.400 corredores participaron na proba
Centos de persoas participaron
na decimo quinta edición da
Carreira Pedestre Popular Concello
de Ames; un ano máis superouse
o número de participantes
respecto á edición anterior e
nesta ocasión alcanzáronse as
1.400 persoas, afeccionadas e
deportistas, unha cifra que é o
récord de participación en toda
a historia desta proba deportiva.
Este ano, os gañadores absolutos
da proba foron Abdelkader
Bouguerrougj e Marinela Mayo
Caamaño. O alcalde de Ames,
Santiago Amor, o vicepresidente
da Xunta de Galicia, Alfonso
Rueda, o delegado do Goberno
en Galicia, Samuel Juárez, e o
alcalde do Concello de Santiago,
Agustín Hernández, cortaron a
cinta inaugural coa que se daba
comezo á décimo quinta edición
desta proba e tamén participaron
na carreira.
Unha das novidades deste
ano foi o aumento da distancia
na proba absoluta, pasando dos
8.000 aos 10.170 metros, que
transcorreron integramente por
superficie asfaltada. Esta competición
iniciouse ás 10:45 horas
e nela participaron preto de 500
atletas. Nesta proba participaron
os atletas das categorías xuveniljúnior,
sénior e veteranos; as
12:00 horas, tras a competición
absoluta, realizáronse as probas
da categoría pitufo que correron
unha distancia de 200 metros. A
esta seguíronlle os grupos prebenxamíns
(350 metros), benxamíns
e alevíns (1.000 metros),
infantís (2.000 metros) e cadetes
(2.800 metros), é dicir. Estas
probas reuniron a máis de 900
participantes, feito que indica o
bo traballo que se está a facer
desde a base do deporte no concello.
Unha vez rematadas todas as
carreiras procedeuse á entrega
de trofeos no podio instalado
nos exteriores do Pazo da Peregrina.
O alcalde de Ames, Santiago
Amor, a concelleira de Deportes,
María Eugenia Martín, o
concelleiro de Educación, Bernardo
Moar, e varios representantes
das empresas colaboradoras
na XV Carreira Pedestre
Popular Concello de Ames, entregáronlle
os premios aos tres
primeiros clasificados de cada
categoría agás nos grupos de
prebenxamíns e pitufos nos que
todos os participantes levaron
unha medalla conmemorativa.
Fonte: concello de Ames, Lindeiros
O AC Ordes de Hockey participou na Eurockey Cup
O equipo participaba na categoría U17 e competía con outros 12 equipos europeos
A Eurockey Cup 2014 e unha
das competicións de Hóckey
máis importantes de toda Europa
e onde se dan cita os principais
equipos do continente . O
AC Órdenes, que participaba na
categoría U17, quedou en séptima
posición. O HC Braga de
Portugal proclamouse primeiro
do grupo, seguido do Hockey
UVP (Italia), o FC Barcelona e
o Manlleu.
Nesta ocasión o lugar escollido
para celebrar dita competición,
organizada pola Real
Federación Española de Patinaje
e a Federación Catalana de Patinatge,
foi a localidade gerundense
de Blanes. En total foron
13 equipos os que rivalizaron
contra os ordenses, procedentes
de España, Portugal, Italia,
Francia, Suíza e Reino Unido.
A súa chegada a Ordes os xogadores,
o corpo técnico e a di-
rectiva foron recibidos por moitos
afeccionados, seguidores e
familiares na Alameda de Órdenes.
Entre eles estaban tamén o
alcalde da vila e o actual concelleiro
de Cultura, Manuel Regos
e Ramón Vázquez, respectivamente.
Pancartas, bucinas, globos
e a tradicional molladura no
‘pilón’ era o que lles agardaba a
todos eles despois de ser un dos
mellores 16 equipos de Europa.
Este foi un bo ano para a institución
xa que no mes de maio
a sección infantil do AC Ordes
conseguía a cuarta posición con
campionato de España disputado
en Madrid, unha mágnifica
posición que sumado traballo do
sub17 augura mais triunfos no
futuro.