LINDEIROS NOVEMBRO 2014

novembro 2014 deportes 27
Iván Raña, un
exemplo de
determinación
O triatlón é sin duda unha
das probas mais duras do
deporte;nas olimpiadas son 750
m. nadando, 20 km. en bicicleta
e 5 k. correndo pero na versión
Iron Man son 3.800 m a nado,
180 km. en bicicleta e 42 correndo
unhas cifras que asustan e as
que este ordense co que falamos
está moi acostumado xa que é
campion do mundo e diploma
olímpico da disciplina, sen contar
segundos, terceiros e cuartos
postos colleitados por todo o
mundo.
Falar con Iván Raña é falar
de determinación, persistencia,
esforzo, é un personaxe que non
deixa indiferente e cuxas palabras
serven de motivación faga
o que uno faga.
Os seus comezos chegan por
pura casualidade “escóitelle ao
meu pai dicir que había unha
proba en Coruña que combinaba
nadar, bicicleta e correr e a
partir de aí cada vez que ouvía
a palabra tríatlon puña a orella;
eu o que facía era nadar, correr
e bicicleta pero por separado,
a bici cando lla roubaba ao veciño,
correr como fan todos os
rapaces, e nadaba na piscina de
verán en Ordes que custaba 15
pesetas a entrada, era un luxo
alcanzable, e estabamos todo o
día na piscina, entrabamos pola
mañá e saïamos pola noite”.
Iván tiña claro que quería facer
deporte, para el era o máis
parecido a unha película de acción,
ás películas de vaqueiros,
a Rambo, a sentirse un heroe;
o seu primeiro tríatlon chegou
no 94 “foi en Celeiro e creo que
estaba preparado para facer un
tríatlon, foron 750 metros nadando,
20 quilómetros en bicicleta
e 5 a pé; recordo que non
podía nin correr, descansara os
días antes e a min o que me pasa
é que non podo parar, nese tríatlon
pasoume o que en Hawai,
custábame respirar ao correr; ao
día seguinte fixen outro e saíu
moito mellor polo que o medo
que sempre tiña de non ser capaz
supereino, hai xente que lle
vai ben descansar pero eu funciono
mellor cando o día antes
realicei un bo adestramento”.
1999 supuxo a dedicación
plena á competición, estudaba
no Xelmirez e lembra con
pena que as profesoras non entendían
o que facía e algunha
pensaba que estaba a actuar
para non estudar “algunha me
dicía que me estaba tirando da
burra porque quería dedicarme
ao tríatlon, lembro aquela
época con cero apoios, iso por
sorte cambiou; que un rapaz de
15 anos se levantáse ás 6 para ir
nadar, se coidáse nas comidas,
fóra a clase e ao saír collese a
bici e correra non se respectaba,
non se entendía, creo que os
meus éxitos axudaron a que iso
cambie e agora desde o profesorado
apóiaselle máis, se hai que
cambiar un exame para que poida
adestrar faise e é o que debe
ser”.
Iván pensa que Galicia está a
espertar cara o deporte e só espera
que as empresas descubran
como aproveitar os valores que
os deportistas transmiten “veño
da piscina e vexo a rapaces que
fan 7 quilómetros de piscina,
que corren, estudan, axudan en
casa... eses valores son os que
unha empresa necesita nos seus
empregados e no momento no
que o descubran será máis fácil
que patrocinen o deporte como
medio para transmitir os valores
dos seus negocios”.
Iván Raña pensa xa no Iron
Man 2015, o resaibo deste ano
polo seu posto 17 quedou atrás
e volve asomar esa determinación
que lle levou a ser campión
do mundo, seguiremos os seus
próximos éxitos porque seguro
que chegarán.