LINDEIROS NOVEMBRO 2014

26 pasará
Lindeiros
Un ano mais chega Cineuropa a Compostela
Na 28 edición poderanse ver 227 películas de todo o mundo nos diferentes espazos da cidade
Cineuropa celebrarase na cidade
do 9 o 30 de novembro
sendo unha das citas mais esperadas
polo amantes do cine.
Poderemos ver un total de 227
películas no Teatro Principal,
Salón Teatro, CGAC e A fundación
de Abanca.
Unha das marcas de identidade
do festival, os premios
Cineuropa, recaeron este ano
na actriz Bárbara Lennie, o
realizador danés Nils Malmros
e o produtor de cinema independente
Paulo Branco que
visitarán Compostela para recibir
o galardón. As proxeccións
complétanse con Cineuropa
Concerto, un programa musical
no que poderemos asistir a oito
actuacións con propostas especiais
arredor do cinema da man
da Banda Municipal de Música
e da Real Filharmonía de Galicia.
Desde que no ano 1987 unhas
vinte películas se agruparan na
que foi a primeira edición de
Cineuropa, en Compostela chegase
este ano a máis de duascentas
películas que farán que
se poida ver o máis comentado
do proxectado nos festivais internacionais:
Cannes, Berlín,
Venecia, Locarno... Trátase, na
súa maioría, de películas que
aínda non se puideron ver no
resto de España.
Esta edición de Cineuropa
abre o telón coa proxección
de ‘Une nouvelle amie’, a obra
recen filmada por François
Ozon, un dos habituais do festival.
Esta será a primeira das
35 películas que competirán
na Sección Oficial polo premio
do público. Entre elas, pratos
fortes como os últimos filmes
de Bonello, os irmáns Dardenne,
Mike Leigh… ou o recente
León de Ouro en Venecia, e
filmes galardoados en Cannes,
na Berlinale, na Seminci, en
Locarno ou en San Sebastián,
entre outros.
Ademais das seccións habituais,
Sección Oficial, Panorama
Internacional, DOCS-
Cineuropa, Fantastique
Compostela, Panorama Audiovisual
Galego ou DOCS-Music
(este ano para Neil Young) o
programa complétase con outras
seccións. Cinefilias con
tributos específicos a Lauren
Bacall, James Garner, Robin
Williams, Eli Wallach, Mario
Monicelli e Philip Seymour
Hoffman; unha Retrospectiva
a Nils Malmros e un apartado
específico para os Premios
Lux. Farase tamén un repaso
ao cinema do Novo Hollywood
coa proxección de 60 filmes
en ‘Cando o tiburón devorou
o cine; ascenso e caída do
Novo Hollywood’ e, con motivo
do 25 aniversario da caída
do muro de Berlín o cinema
alemán nas seccións ‘Berlín;
25 anos sen muro’ e ‘Ao outro
lado do muro: o cine na RDA’.
Tamén seccións especiais dedicadas
a Cole Porter, Alain Resnais,
Roy Anderson e Bertrand
Bonello, así como unha sección
de ‘Disidencias’ cun especial
‘Foco asturiano’ e o tradicional
Maratón.
Bárbara Lennie, Nils Malmros
e Paulo Branco, premiados
desta edición:
Bárbara Lennie, a definida
por algúns como musa do cine
indie español, presente nos últimos
meses en “Stella Cadente”
e en “El Niño”, acaba de obter
un triunfo maiúsculo en San
Sebastián coa Concha de Ouro
para “Magical Girl”.
Nils Malmros, o gran clásico
do cine danés, é candidato este
ano ao Oscar coa súa obra mestra
“Sorrow and Joy”, filme que
poderemos ver en Cineuropa.
Malmros foi este ano protagonista
dunha retrospectiva no
Festival de Rotterdam, un repaso
ao seu cine que se celebrará
igualmente en Cineuropa como
primicia absoluta en España.
Paulo Branco é o produtor
europeo máis relevante do último
medio século dentro do
cinema independente. Produtor
de Wim Wenders, de Paul
Auster, de David Cronenberg
ou de Manoel de Oliveira, entre
outros.
A todo esto hai que engadir
o programa de Cineuropa Concerto
con xente como Arizona
baby, Guitar Crusher que estará
acompañado polo compostelán
Marcos Coll ou as especiais colaboracións
da Banda Municipal
e a Real Filharmonía en tor
a música de cine.
Un mes para disfrutar do mellor
cine en Compostela.