LINDEIROS NOVEMBRO 2014

novembro 2014 pasará 25
“Os tesouros da illa de Granellandia” na
Fundación Granell
A exposición mostra as ilustracións feitas por Fausto Isorna para a
obra de Paco López Barxas inspiradas no traballo de Granell
Paco López-Barxas inspirouse
na figura e na obra de
Granell á hora de escribir o seu
libro, editado en 2012 polo Consorcio
de Santiago e “El Patito
Editorial” para conmemorar
o centenario do nacemento do
ilustre artista. O protagonista
desta historia é o pequeno Granell,
que vive nun mundo onde
todo é de cor negra, en alusión
á época escura que viviu o pintor.
Un día o rapaz atravesa o
encerado da súa clase e chega
a unha illa onde se atopa cun
universo de cor, unha referencia
á chegada de Granell ao Caribe
exiliado trala Guerra Civil. Esta
illa chámase Granellandia e alí
descobre unhas cuncas con tintas
nunca vistas, coas que volve
visibles formas invisibles. Antes
de voltar de novo ao seu país
mete nun cofre todos os tesouros
que atopou na illa.
As pezas que se poden ver
na exposición ilustran o conto,
xunto cos debuxos do protagonista,
realizados polo deseñador
Fausto Isorna e que se integran
coas pezas orixinais de Granell.
Son trazos feitos con xiz de cor
branca con fondo en negro que
contrastan co colorido dos cadros
do pintor surrealista. Así,
a exposición reúne as diferentes
ilustracións que compoñen o libro
e, ao lado de cada unha delas,
móstrase unha reprodución
dos cadros orixinais de Granell
que apoian esta historia. Poderá
visitarse ata o 23 de novembro
na Fundación Granell na Praza
do Toural en Compostela.
Brión pon en marcha as
actividades do Outono
Cultural
Comezaba o pasado día 31 cunha exposición
colectiva da Asociación galega de Arte
e Cultura
O Concello de Brión pechou
a programación do “Outono
Cultural”, que inclúe unha ducia
de actividades de acceso libre
e totalmente de balde para
os veciños e veciñas. Unhas
propostas que combinan arte,
literatura, teatro e música, sen
esquecer a celebración do tradicional
Magosto, unha das festas
populares máis característica
destas datas que terá lugar o
venres 28.
Co mes de novembro chega
o teatro no que participarán un
total de tres compañías profesionais
e unha compañía de
teatro afeccionado que encherán
de cultura o centro social
polivalente de Pedrouzos os
sábados pola noite. O primeiro
en actuar será o coñecido dúo
Mofa e Befa, que o sábado 8
de novembro presenta “Shakespeare
para ignorantes”, a partir
das 20:30 horas.
Unha semana despois, o sábado
15 de novembro, ás 21:00
horas, será a quenda e Teatro de
Cámara DITEA, que representarán
“Animaliños”, de Roberto
Vidal Bolaño. E o sábado 22 de
novembro máis teatro profesional
con Teatro do Morcego, que
porán en escena a obra “Misterio
Cómico” a partir das 20:30
horas.
A programación do “Outono
Cultural” para o mes de novembro
complétase cunha exposición
de Anselmo Lamela,
que poderá visitarse entre o 21
de novembro e o 12 de decembro
na sala de exposicións de
Brión, e co tradicional Magosto
na Carballeira, que este ano
terá lugar o venres 28, dende as
19:00 horas, e contará coa actuación
da charanga tradicional
“Vai de Roda”.
A Casa das Crechas presenta distintas propostas para este mes
Poesía, catas e músicas de distintos estilos forman un interesante programa
A das Crechas é unha das programacións
culturais mais consolidade
da bisbarra compostelá
e en novembro reforzase con
mais actividades periódicas.
O grupo de jazz mais lonxevo
de Galicia, Sumrrá, estará en
concerto tódolos domingos do
mes as 9 da noite , unha aposta
forte por unha programación
mais estable si cabe; hai que
engadir aquí as foliadas que
se seguen a programar tódolos
mércores no que xa é unha cita
ineludible para moita xente, hai
que engadir que o mércores 19
haberá ademais magosto con viños
e castañas.
O martes 18 chega as Crechas
o cabaret da man de ALDAO/
LADO; “Con dez poemas por
barba” pretende chamar a atención
dos mais reticentes a escoitar
poesía, Lucía Aldao e María
Lado cren que a lectura da poesía
non pode adormecer o espectador
e están dispostas a demostralo
con música en directo,
xogos, historias, momentos de
reflexión... pero sobre todo con
comunicación poética pura e
verdadeira.
O xoves 20 Talabarte ofrece
un novo concepto de formación
artística. unha posta en escea
estrictamente acústica e baseada
na música tradicional; unha idea
na que estarán inmersos o violino
de Quim Farinha, o acordeón
diatónico de Pedro Pascual
e o contrabaixo de Kin Garcia,
xuntos propoñen unha viaxe a
través das músicas populares de
Galicia e doutras latitudes.
Unha programación que garante
que nas Crechas en novembro
sempre haberá algo que
facer ou que escoitar.
Academia
Personal nativo
COMPRA
VENTA
DE ORO
Iniciación
Nivel medio
Perfeccionamiento
Preparación de exámenes
Cursos intensivos
Servicio de traducción
ERASMUS
Goethe Institut
EOI
Clases particulares
niños y adultos
Aprende alemán
fácilmente
e-mail: academiahannover@gmail.com
www.academiaalemansantiagodecompostela.com
C/ Santa Marta de Arriba, nº 18-bajo
15706 Santiago de Compostela
Teléfonos: 881 973 893
690 072 464
Artesanos del tiempo
relojes antiguos
Reparación y venta de pared,
sobremesa y pulsera.
(Recogida a domicilio)
Fabricación y diseño de joyas a medida,
reparaciónes rápidas, restauración
y transformación de Joyas Antiguas.
Avda. Rosalía de Castro, 38 MILLADOIRO
Tfnos: 981 536 562 - 981 530 028