LINDEIROS NOVEMBRO 2014

24 pasará
Ames programa en novembro magosto e
teatro para tódalas idades
A Gala do deporte será outra das actividades previstas
No mes de novembro continúa
en Ames a programación
teatral que comezou o mes pasado.
O venres 7, NNC Teatro
porá en escena na Casa da
Cultura de Bertamiráns a obra
“Santa Perpetua”, dirixida a
público adulto. Unha semana
máis tarde, o día 14, a compañía
EscénaTe porá en escena “Un
juguete para Margarita”, obra
dirixida a nenos e nenas de 5 a
12 anos da que se farán dúas representacións,
unha sesión para
escolares pola mañá e outra ás
18:30 dirixida a público infantil.
Remata o mes coa actuación do
Grupo Municipal de Ames que,
o venres 28, na Casa da Cultura
de Bertamiráns porá en escena
a obra “Tromparia” estreada o
pasado mes de xuño no Milladoiro
con éxito de público, dáse
a circunstancia de que a primeira
vez desde que se creou o grupo,
no ano 2007, que fan unha
estrea absoluta, en este caso do
autor Zé Paredes e baixo a dirección
de Mónica Camaño.
Durante este mes a música será
protagonista xa que se celebra
Santa Icia, patroa da música.
O venres 21 a Casa da Cultu-
ra do Milladoiro acolle a partir
das 21:00 horas, a actuación de
Odaiko Percusion Group con
“Galicia on Board”; O día 22,
día propio de Santa Icía, ás 19:00
horas celebrarase un concerto
co patrocinio da Deputación
Provincial de A Coruña e a colaboración
do concello, no que se
xuntará á Coral Polifónica Atalaia
de Laxe, Grupo de Música
Tradicional Arnela de Carral e
a Coral Polifónica de Bugallido.
Ames inclúe dous clásicos en
este mes, por unha banda a tradicional
Festa do Magosto que
este ano será en Bertamiráns e
para a que se está elaborando un
amplo programa que inclúe as
actuacións da Requinta da Laxeira
e da Requinta da Maia e
un obradoiro de xoguetes sonoros
e instrumentos que leva por
título “Xoguetes vellos... parta
tempos novos” e que organiza
a Asociación educativa cultural
Musicrearte; e por outro lado a
Casa da Cultura do Milladoiro
acollerá a IX Gala do Deporte
Municipal na que se premia os
deportistas mais destacados do
concello.
Lindeiros
Este mes en Compostela
Santiago(e)tapas
A preselección fíxose nos últimos días de
outubro alcanzando un gran nivel
O concurso de tapas que organiza
a Asociación de Hostalería
de Santiago e Comarca chega a
súa sétima edición; desde que
comezara no 2008 leva repartidas
mais de 170.00 creacións
e este ano a organización conta
con superar a cifra das 200.000.
No ano 2013 repartíronse 37.000
petiscos nos 66 locais participantes
dun total de 109 creacións
distintas; todo isto complementado
polo Santiago(e)
noite no que os locais nocturnos
da cidade ofreceron tamén os
mellores cócteles.
Dende o 14 ao 30 de novembro
os clientes poderán decidir
que tapas son as súas favoritas
votando nas urnas situadas
nos distintos establecementos
participantes e aspirar a distintos
premios selando o seu
tapasporte, a pequena e carismática
“biblia” do concurso.
Ademais, a través da interacción
nas redes sociais twitter@
santiagoetapas e facebook.com/
santiagoetapas, os internautas
poderán optar a ser parte do xurado
do concurso.
Os distintos establecementos
hostaleiros de Compostela
presentaron a finais de outubro
as súas propostas, ata 3, a un
equipo de preselección, que foi
o encargado de asegurar a súa
calidade e máis adecuación aos
criterios do concurso. Esta fase
previa busca a excelencia do
concurso e os petiscos presentados
permiten albiscar que o
nivel é moi alto.
A sétima edición do
Santiago(e)Tapas espertou unha
grande expectación no sector
e son numerosos os locais que
entraran por primeira vez neste
certame. Malia que as cifras
aínda non estaban pechadas, no
momento de escribir esta nova,
superaranse os 65 participantes
dos que cando menos 10 estrearanse.
Será unha nova ocasión para
percorrer distintas (é)tapas pola
cidade, tanto na súa zona nova
como vella, propoñendo unha
peregrinación moi particular
pola mellor da gastronomía en
miniatura na que sempre se descobren
novos sabores e ambientes.
Leo Harlem e Sergio Olalla en Santiago
A cita será o próximo 21 de novembro no Auditorio
#Trending (tendencia, recomendación)
Tronching (que te
vas esmendrellar de risa). Estas
son as dúas premisas coas que
nace #trendingtronching, o último
espectáculo de Cómicos
que presentarán Leo Harlem e
Sergio Olalla en Falabaratos.
#trendingtronching é máis que
un espectáculo de humor. É
unha forma de ver e entender a
vida que nos mostra a eterna loita
entre o clásico e o moderno, o
eterno e o pasaxeiro.
A través dos seus monólogos
e gags, os dous humoristas
farannos reflexionar acerca do
que fomos, o que somos e o que
podemos chegar a ser.
Coñecido pola súa participación
en programas de televisión
de gran audiencia como
‘El Club del chiste’, ‘El Club de
la Comedia’, ‘La Hora de José
Mota’ ou ‘Sé lo que hicisteis’,
Leo Harlem compartirá escenario
co mozo Sergio Olalla,
guionista de programas de moito
éxito como ‘Cruz y raya’ ou
‘SQP’.
Ambos conforman unha parella
formidable, capaz de facer
esmendrellar de risa ao público,
como xa demostraron co anterior
espectáculo ‘Que hay de
nuevo?’ que esgotou as localidades
de múltiples teatros en todo
o país.