LINDEIROS NOVEMBRO 2014

novembro 2014 pasou 21
O premio María Moliner
para a biblioteca de Ordes
De 400 bibliotecas en Galicia so 16
conseguiron esta distinción
A biblioteca de Ordes vén de
acadar o premio María Moliner
de animación á lectura realizada
por bibliotecas públicas de
municipios de menos de 50.000
habitantes. Este prestixioso recoñecemento
é outorgado pola
Secretaría de Estado de Cultura,
e traducirase nun premio
consistente nun amplo lote de
libros.
Baixo o título ‘A biblioteca
énchese de vida’ nestes meses
desenvolveuse unha dinámica
orientada a xente de todas as
idades. Clubs de lectura, contacontos
e actividades lúdicas
para disfrutar en familia, ; foi
esta incesante actividade a que
fixo que a biblioteca municipal
fixérase acredor a distinción.
O alcalde de Ordes, Manuel
Regos, destacou que “para nós é
unha prioridade o mantemento
dos servizos públicos que contribúan
a facer do noso municipio
un lugar que se caracterice
pola súa calidade de vida”.
A nivel galego de máis de
400 bibliotecas tan só 16 delas
foron recoñecidas cun “María
Moliner” nesta última edición.
No caso da provincia da Coruña
foron as de Boiro, Cariño,
Cerceda, Culleredo, Oleiros,
Rianxo e Ordes.
Fontes: concello de Ordes, Lindeiros
Comeza a restauración do retablo
barroco da igrexa de San Roque de
Sabugueira en Lavacolla
Ten un orzamento de mais de 14.000 € e contase con que remate antes
de final de ano
A Oficina Técnica do Consorcio
de Santiago está a promover
a conservación e restauración do
retablo maior da capela de San
Roque de Sabugueira, na Lavacolla,
que se atopa en moi mal
estado; Ten sufrido cambios ao
longo do tempo que se reflicten
nos engadidos posteriores ao seu
núcleo central, obsérvanse mutilacións,
diversidade de elementos
estruturais engadidos, desaparición
dalgúns elementos, xunto
cunha incidencia importante da
humidade e dos xilófagos, todo
isto ten provocado que a súa estrutura
se atope moi debilitada e
que teña o corpo superior desprazado
cara ao muro.
A finalidade da intervención é
aplicar todos os tratamentos necesarios
que permitan recuperar
a solidez estrutural do retablo e
o seu saneamento, garantindo a
súa conservación futura. Ademais,
restaurarase a policromía
do conxunto, mantendo a súa coherencia
estilística.
A capela de San Roque de
Sabugueira, en Lavacolla, é de
traza barroca de finais do século
XVIII, aínda que a súa fundación
pode ser do XVI, e forma
parte do conxunto arquitectónico
do Camiño Francés a Santiago.
Só se abre ao culto unha vez ao
ano, coincidindo coa festividade
de San Roque. A arquitecta
do Consorcio que coordina este
proxecto é Idoia Camiruaga quen
explica que a capela ten unha soa
nave de planta rectangular, en
cuxa cabeceira se sitúa o retablo,
composto de dous corpos, aos
que no século XIX se lles engadiron
tres horrnacinas, o frontal
do altar e, aos lados deste, sendas
credencias; as restauradoras encargadas
dos traballos son María
Dolores Lago Arce e María Isabel
Vázquez Rodríguez e cóntase
con que os traballos poidan estar
rematados antes de final de ano.
Fonte: Consorcio de Santiago,
Lindeiros
Restauradoras traballando no retablo. Foto: Consorcio de Santiago