LINDEIROS NOVEMBRO 2014

18 pasou
O observatorio da universidade impartiu
un curso de astronomía en Ames
Incluíuse no programa “A astronomía al alcance de todos”
O Observatorio Astronómico
Ramón María Aller, dependente
da Universidade de Santiago,
impartiu no mes de setembro
un curso de iniciación á Astronomía
no concello de Ames;
despois do interese mostrado
polos veciños nas observacións
astronómicas que se realizaron
nos últimos meses en Bertamiráns,
Milladoiro e no Alto de
San Marcos, o concello decidiu
solicitar ao Observatorio a realización
deste curso completo.
A Aula da Natureza de Ames
colabora co Observatorio da
Universidade de Santiago de
Compostela no desenvolvemento
do programa Todocosmos,
que pretende achegar o mundo
da astronomía a diferentes concellos
de Galicia; por medio
do programa os astrónomos da
USC desenvolven cursos de iniciación
como o que se impartiu
na Casa da Cultura de Bertamiráns.
Os participantes puideron
coñecer diversas nocións
sobre o funcionamento dun
planisferio e as coordenadas astronómicas
que permiten fixar
a posición dos astros no ceo e
aprenderon a empregar o programa
gratuíto Stellarium, unha
ferramenta informática coa que
se pode situar a posición dos astros
no nosos ordenador.
O programa de divulgación
ofertado polo Observatorio Astronómico
Ramón María Aller
(OARMA) da Universidade de
Santiago de Compostela (USC)
ten coma obxectivo levar a
Ciencia Astronómica a toda a
sociedade mediante diferentes
actividades para todos os segmentos
de idade: cursos, obradoiros,
observacións astronómicas,
presentacións, etc.
Fonte: concello de Ames, Lindeiros
Lindeiros
Ordes lembrou o día do
Cancro de mama
O balcón do concello lucíu un lazo rosa
O pasado 19 de outubro celebrouse
o día do Cancro de
mama que serve para render
homenaxe as vítimas de esta enfermidade
e lembrar a necesidade
de seguir loitando contra ela.
No concello de Ordes a delegación
local da Asociación
española contra o Cancro levou
a cabo unha actividade que consistiu
en colgar do antigo balcón
do concello unha pancarta cun
enorme lazo rosa; segundo as
estatísticas en España hai un to-
tal de 20.000 persoas que padecen
este tipo de cancro sendo na
súa maioría mulleres e estímase
que unha de cada oito a padecerá
o longo da súa vida.
Aínda que se avanzou moito
quedan tamén moito por facer
polo que este tipo de xestos axudan
a concienciar a poboación e
a animala a colaborar do xeito
que poidan ata que se consiga
erradicar por completo.
Fontes: concello de Ordes, Lindeiros
III Xornadas micolóxicas en Oroso
Participaron mais de 40 veciños
E época de cogomelos e por
terceiro ano o concello de Oroso
organiza unha saída para
recoller, seleccionar e degustar
unha das cousas que nos trae o
outono.
Un total de corenta veciños
e veciñas participaron en esta
terceira edición das Xornadas
nas que colaboran o concello e
a asociación cultural Tarandeira.
Tras unha breve introdución
teórica á micoloxía no centro
cultural de Sigüeiro a cargo de
Martín Souto, biólogo da Universidade
de Santiago de Compostela,
os participantes realizaron
unha saída aos bosques da
contorna para recoller cogomelos.
Unha saída na que estiveron
acompañados por voluntarios
da Agrupación de Protección
Civil de Oroso.
A pesar de algún que outro orballo
e logo de varias horas apañando
cogomelos, os veciños
trasladáronse ata o Restaurante
Mariñaos para participaren nun
xantar-degustación composto
principalmente por cogomelos.
Pola la tarde, xa de volta no centro
cultural Fernando Casas e
Novoa, os alumnos identificaron
os cogomelos apañados durante
a mañá e puxeron así en práctica
os coñecementos adquiridos.
Fonte: concello de Oroso, Lindeiros