LINDEIROS NOVEMBRO 2014

More documents

Recommendations

Info

10 concellos Lindeiros Negreira Qué pensa facer polo seu concello? PSG-PSOE DE NEGREIRA “ DEVOLVERLLE A DIGNIDADE AOS NOSOS VECIÑOS, AO NOSO POBO “. Os veciños “ non se merecen líderes débiles de pactos de salón “. Esta frase pronunciada por Carlos Negreira, Presidente Provincial do Partido Popular, expresa á perfección o sentir do pobo de Negreira. Os nosos veciños non queren convivir catro anos mais cun goberno municipal xerado á forza nun pacto de salón, e formado por dúas forzas políticas unidas por un único interese. Manter o poder municipal ao prezo que sexa. O Psg/Psoe de Negreira quere devolver ao nosos veciños á dignidade perdida estes anos, quere conseguir que os nicrarienses se sintan orgullosos do seu ser. Os nosos esforzos irán dirixidos a potenciar os campos de actuación social. Cultura, educación, deportes, servizos sociais e por suposto o emprego. Nestes tempos tan difíciles que nos toca vivir, as administracións, sobre todo a mais próxima ao cidadán, a local, deben esforzarse en garantir una calidade de vida óptima aos seus administrados. Agora mais que nunca debemos estar ao lado dos cidadáns, agora mais que nunca debemos rexeitar e debemos mudar as políticas bandeira do PP. Seguiremos andando o camiño iniciado no anterior mandato socialista. Ese camiño tan necesario e tan xusto que consiga igualar a calidade de vida dos habitantes do rural coa dos habitantes do pobo. En temas de servizos ( saneamentos, auga,..) en temas de novas tecnoloxías ( internet, tv, radio, sinal de telefonía,..). Ese é o compromiso actual, esa será a realidade futura. O traballo máis duro que tivemos que afrontar o PP en estes anos foi a débeda do concello; asumimos o goberno a mediados de 2011 e estaba esgotado o presuposto dese ano e comprometido parte do seguinte e unha cola de xente reclamando o pago de facturas. Normalizar a situación foi un dos nosos logros.. Fomos quen de abrir un polígono industrial chamado a ser o pulmón económico e de desenrolo do noso concello e que xa agora está cumprindo esa función a pesares da crise e conta ata con unha empresa multinacional instalada nel. Vertebramos o espazo urbano coa apertura de novas rúas no centro e continuaremos o paseo fluvial ata ao pavillón de Pedra Mámoa, zona deportiva que tamén intervimos coa construción de duchas para o uso do club de tenis e pintado de todo o interior e arranxos no tellado. Rematamos a construción da piscina municipal e conseguimos equipala e pola en funcionamento sen recorrer a ningún crédito. Construímos un gran espazo público na zona de máis crecemento da vila que carecía dun espazo de esparcemento e que conta agora cunha praza pública de 7000 metros cadrados. Melloras en servizos sociais coa ampliación de programas xa en marcha como madrugadores,e posta en marcha de novos como o campamento urbano para favorecer a conciliación das familias durante o verán.Creación da marcha anual en contra da violencia de xénero, e novos servizos para a xente máis necesitada. Todo isto foi posible grazas ao entendemento de todos os membros do goberno municipal que dende o primeiro día tiñamos claro que o que eran dous partidos distintos era un só. Isto foi posible grazas e o empeño do alcalde Juan Rey en sacar adiante todos e cada un dos proxectos propostos;. Con esta actitude de traballo nos presentamos as municipais do 2015 e co aval do traballo ben feito. O PBN ( Partido Blanco de Negreira) declinou a nosa invitación a achegarse aos seus cidadans neste medio. Cara o 2015 Primarias a Secretaria provincial no PSdeG CxG xa ten candidato a Compostela Manuel Mirás Na bisbarra de Compostela dous son os candidatos a participar nas primarias a secretario provincial e con dous perfís moi distintos. Manuel Mirás e alcalde de Oroso e forma parte da executiva do partido en Galicia, cunha clara vocación veciñal nas conversas que está mantendo coas agrupacións da provincia fala de 3 bases para sacar a diante o partido, planificación, obxetivo e estratexia. Nunha recente visita a Ames falou dun traballo continuado para chegar a maioría silenciosa e alcanzar con forza as municipais do 2015; recoñece que no partido se traballa as veces de xeito desorganizado como o demostra que en case que ningunha agrupación exista un censo de simpatizantes e cree que hai que traballar todo o que se poida de cara as municipais. O outro precandidato é Jano Leis. Foi candidato a alcaldía de Teo acadando 5 concelleiros no 2007 quedándose na oposición e baixando a un so concelleiro no 2011, resultados que o levaron a dimitir e renunciar a acta de concelleiro. fala de refundir o partido si é necesario e mostrase moi crítico co que deseñou o sistema de primarias. Opina que as primarias deben de celebrarse en todas as agrupacións agás as de pobos de menos de 20.000 habitantes onde as presións sobre os que participan e sempre moito maior. Nos últimos días reuniuse con afiliados de A Coruña e Ferrol. Os precandidatos en xeral son críticos co sistema de avales que fai que precisen 800 firmas de afiliados para entrar na votación final o que supón unha limitación que para moitos e falta de democracia. A finais de novembro celebraranse as votacións. Xosé Antón López Xosé Antón López gañou as primarias abertas que se converteron nas primeiras celebradas na cidade. O candidato, á espera de posibles diálogos con outras forzas, vén de anunciar que quere “unha nova Compostela que lidere o País”, cun concello que irremediablemente tense que “abrir a unha cidadanía farta de corruptelas e de corruptos”, e que se poida fiscalizar non só dende as propias institucións e dos seus representantes, senón que tamén “dende o movemento veciñal”. Para isto, López recordou as propostas da organización galeguista en materia de redención de contas da actividade política dos representantes públicos. Xosé Antón López lembrou que o PP “o único que fixo foi cambiar de alcalde durante esta lexislatura, ata tres, pero máis aló de iso non hai propostas novas nin un cambio nas formas”, e que Compostela non merece a un alcalde como Agustín Hernández, “que non quere selo”.
novembro <strong>2014</strong> concellos 11 O Pino Qué pensa facer polo seu concello? O Pino, un concello gobernado dende sempre polo PP, que ven podería collerse como exemplo da súa nefasta administración: un concello o servizo da especulación urbanística primeiro, e da política de recortes indiscriminada despois. Na súa última fase, a burbulla inmoviliaría chega a O Pino coa bendición da administración local, absolutamente complacente coas promotoras, mesmo cando estas tiveron unha forte contestación veciñal como é o caso do fallido polígono industrial. A benevolencia cos promotores leva a unha multiplicación da vivenda sen ir acompañadoa das necesarias infraestructuras básicas. Vaia como exemplo a ausencia de depuradora e de espacios públicos no núcleo urbano. Actuacións absolutamente imprescindibles son hoxe irrealizables cos medios propios dos que dispón o concello. O non ter un modelo de desenvolvemento que non fose a burbulla inmoviliaria, coa crise, a actividade económica queda paralizada, e no social o concello aplica sen paliativos os recortes. Non hai unha sola iniciativa pra favorecer os máis desprotexidos, non hai unha sola iniciativa económica pra aproveitar novos recursos dispoñibles, nin pra aproveitar mellor aqueles que son hoxe fundamentais, caso dos camiños a Santiago. Pero como temos denunciado en reiteradas ocasións esto non parece preocupar os gobernantes, e senón vexamos: mentres se fan recortes sociais este é o único concello do seu entrono que mantén catro adicacións exclusivas; en troques de banco de alimentos, eventos gastronómicos de custes disparatadas; en troques de escola de música, festexos absurdos (festa do cabalo, feira medieval,... etc.) Os Socialistas de O Pino, cualifican o balance da lexislatura, do goberno que preside Manuel Taboada, de catro anos de parálises, e recortes. Parálises crónica, dado que nestes últimos catro anos en O Pino, non se levou a cabo ningún proxecto que axude a dinamizar a economía do Concello, non se fixo nada en servizos sociais, nada en políticas activas de emprego. A única medida neste eido, a que nos ten acostumado o PP, un obradoiro de emprego planificado en tempo e forma na procura do rédito electoral. Seguimos cun polígono industrial paralizado e xudicializado, o cal e un grave problema, posto que, neste intre, ningún emprendedor/a que quixera asentarse en O Pino, o podería facer, o carecer de solo industrial urbanizado. Seguimos sen un parque público de vivenda, non conseguimos asentar poboación, e así poderíamos seguir con unha grade lista necesidades, ata chegar a CEN. CEN, eran as propostas do programa electoral do PP de O Pino, e desas cen non cumpriu nin dez. No que si cumpre o Sr. Taboada e no aumento da carga impositiva para os veciños/as de O Pino. Dedica, por primeira vez, a gasto corrente parte da dotación orzamentaria do POS, cando presume de contas saneadas. Pero non todo son sombras na lexislatura do Alcalde, o seu equipo goza de boa saúde financeira, proba delo son as catro dedicacións exclusivas que mantén, cando o concello non acada nin os 5.000 habitantes. O cal choca ca súa negativa a facerse cargo do custo do conserxe, a xornada completa, no CPI Camiño de Santiago escudándose na falta de presuposto. Resumindo, parálises, recortes, e aumento da carga impositiva, en definitiva, vergonzoso balance. O PP de O Pino declinou a nosa invitación a achegarse aos seus cidadans neste medio. Cara o 2015 Máis liortas no PP de Santiago Cando parecía que o Partido Popular conseguira estabilizar a situación na Capital de Galicia nos últimos días aparecen de novo os problemas na formación a conta do anterior alcalde Ángel Currás. O ex rexedor era unha das pezas que quedaban por amañar xa que ninguén entendía o papel que xogaba no novo equipo de goberno de Agustín Hernández; a finais de outubro xurde a nova de que Ángel Currás deixará o cargo de concelleiro e se incorporará a presidencia de Tragsa o que, como era de esperar, motivou críticas da oposición, dos sindicatos da empresa e o socialista Méndez Romeu chegou a preguntarlle no parlamento pola cuestión a Alberto Núñez Feijoo quen desmentiu ese presunto cambio de posto. Non se sabe si a presión social fixo que se parara o cambio de traballo de Ángel Currás pero no momento de pechar edición segue de concelleiro en Santiago sen que polo momento se saiba nada mais; a dicir do alcalde, Agustín Hernández, cando Currás decida que quere facer da súa vida llo dirá e será entón cando él tome as súas decisións. Algúns dos rumores tamén apuntaron a posibilidade de que Ángel Currás retomara a actividade como profesor de instituto; o que si parece claro e que moita xente o quere ver fora do seu posto de concelleiro en Santiago. Esquerda Unida desenrola actos por toda Galicia A formación comezou esta serie de accións o pasado día 23 en Compostela e continuou o 25 na Coruña. Na carta aberta presentada polo coordinador Xabier Ron o partido di que “Chegou o momento de traballar con honestidade, con xenerosidade e con sinceridade para avanzarmos na conformación de procesos de confluencia, de converxencia das diferentes forzas políticas, sociais e cidadás desexosas de artellar un programa de acción destinado a debuxar no futuro a esperanza da transformación desta sociedade e deste sistema de vida. Todo desde un dobre enfoque: reducir as diferenzas que nos separan ao mesmo tempo que as respectamos no esencial”. Nas asembleas Esquerda Unida quere conseguir a participación cidadá de cara a elaborar o programa das municipais do vindeiro maio. Según Ron “Xa hai un lustro que nos dimos conta de que sós non se vai a ningures. Que o rival é demasiado poderoso como para que pequenos átomos acudan a loitar contra ese xigantesco Goliat”. O coordinador lembra o proceso da Refundación da Esquerda en EsquerdaUnida que fraguou no 2012 na conformación da coalición Alternativa Galega de Esquerda, con representación no Parlamento de Galicia. Para esquerda Unida Chegou o momento de traballar para avanzar na conformación de procesos de confluencia, de converxencia das diferentes forzas políticas, sociais e cidadás desexosas de artellar un programa de acción destinado a debuxar no futuro a esperanza da transformación desta sociedade e deste sistema de vida. Todo desde un dobre enfoque: reducir as diferenzas que nos separan ao mesmo tempo que as respectamos no esencial. Un programa de acción que, según Xabier Ron, debe asentarse no principio primordial de devolver a democracia á cidadanía. Con vistas a elaborar as liñas mestras deste programa nacen estos actos públicos baixo o lema #ENCONTRO PARA UN NOVO PAIS.
Page 1 and 2: LINDEIROS O xornal gratuíto da bis
Page 3 and 4: novembro 2014 novas da bisbarra 3 E
Page 5 and 6: novembro 2014 novas da bisbarra 5 A
Page 7 and 8: novembro 2014 novas da bisbarra 7 F
Page 9: novembro 2014 novas da bisbarra 9 P
Page 13 and 14: novembro 2014 empresa 13 Olga Mart
Page 15 and 16: novembro 2014 e ti de quén ves sen
Page 17 and 18: novembro 2014 e ti de quén ves sen
Page 19 and 20: novembro 2014 pasou 19 A parroquia
Page 21 and 22: novembro 2014 pasou 21 O premio Mar
Page 23 and 24: novembro 2014 pasará 23 Touro prep
Page 25 and 26: novembro 2014 pasará 25 “Os teso
Page 27 and 28: novembro 2014 deportes 27 Iván Ra
Page 29 and 30: novembro 2014 deportes 29 O Oroso T
Page 31 and 32: novembro 2014 31 TELÉFONOS DE INTE

LINDEIROS NOVEMBRO 2014

You also want an ePaper? Increase the reach of your titles

Delete template?

Save as template?