ramón suárez picallo escolma de textos en galego - Consello da ...

118 Ramón Suárez Picallo
Non importa que esteas en París, é sempre a capital de tódolos
grandes espritos. Por eso ningún esprito superior se sinte estranxeiro
en París. E menos ti, encarregada de ter relación permaente con
Corneille e con Racine, con Balzac e con Víctor Hugo, dándolles
carne, sangue e corazón, esprito ás súas criaturas de Arte.
Nós sabemos que envolvéndote, arrodeándote, dándoche
hálito, azos e pulos, vai a sombra proteitora e benfatoira, de Galicia,
a xeito de Musa e Fada. A lembranza de Rosalía e de Curros, a visión
da Patria ben amada van alumeando, cubrindo de aureola e de lus
os teus camiños. ¡Que eisí sexa sempre María Casares!
Pra que cando voltemos á Terra, en corpo físico ou en
esprito impapabel, atopémoste a ti, ou ao teu nome grorificado por
tódolos seus recunchos. Especialmente naqueles recunchos que
che son máis amados. A Cruña, Monelos, Perillo, Montrove, Santa
Cristina, Riazor, Batiagueiros. Porque eisí, na groria do teu nome,
atoparemos grorificada a Galicia.
Unión Gallega, outubro de 1957.