LINDEIROS 0004.pdf

22
setembro 2013
Lindeiros
Brión acolle o 22 a XXXI Festa do cabalo
O ano pasado participaron máis de 300 xinetes entre a ruta cabalar e as probas
É a festa do cabalo por excelencia,
31 anos convertérona
na cita ineludible para os
amantes do mundo equino.
Celebrarase o próximo día 22
e como sempre será nos montes
de Raña Longa, alí terán
lugar as actividades e de alí
partirá a tradicional ruta cabalar.
A ruta sairá as dez da
Un dos momentos da Festa do Cabalo 2012
Foto: Concello de Brión
mañá para percorrer as marxes
do Tambre, será o inicio
dunha xornada cargada de
actos; a ruta conta co aliciente,
ademais do de gozar dun
percorrido único, da entrega
de trofeos ao xinete máis veterano
e ao máis novo.
Pero a Festa do Cabalo distínguese
por un programa
de actividades do que gozan
tanto os que as contemplan
como os que participan nelas;
no 2012 a estrela da xornada
foi a embretada de xovencas,
na que unha decena de equipos
da comarca de Santiago,
formados por tres xinetes, tiñan
que conseguir meter no
curral ás tres vacas que levaban
o lazo da mesma cor;
os gañadores foron o equipo
de Macedos (Urdilde-Rois),
que completaron a proba en
1 minuto e 31 segundos. A
tan só 5 segundos quedaron
os locais do Curro da Graña
(Brión) e a 10 segundos os
Cabaleiros do Sar (Santiago).
Este ano as probas comezan
o mediodía coa de arrastre.
As dúas da tarde o protagonismo
terao a comida, os ha-
bituais postos de polbo á feira
encheranse de visitantes, os
participantes terán unha zona
acotada para eles.. Tras o descanso
chegará o momento do
resto de probas; carreiras nas
que as distintas razas competirán
por coñecer o mellor en
cada unha delas, saltos a distintas
alturas, ou unha exhibición
de doma son algunha
delas pero sen dúbida as máis
esperadas polo público son as
dúas últimas: a carreira de
burros e a rapa dás bestas .
A xornada terminará coa
entrega de trofeos aos equipos
e xinetes participantes. A
organización espera superar a
cifra de 300 xinetes anotados
no 2012, as inscricións poderán
realizarse no propio lugar
desde primeira hora da mañá
.
Fonte: Concello de Brión,
Asociación Festa do Cabalo
de Brión, Lindeiros.