Реформа и конверзија на одбраната во Албанија ... - DCAF

Невладини организации и медиуми
Невладиниот сектор во Албанија се потпира на странски донатори и се фокусира повеќе на
прашања поврзани со демократизацијата, човековите права и економските прашања,
отколку на воени. Мошне мал број НВО се инволвирани во прашањата на безбедноста и на
одбраната, од кои ниту една сè уште не презентирала сериозна проценка на безбедносните
предизвици за Албанија. 74 Поради недостигот на експертиза за безбедносните прашања
меѓу членовите на политичките партии, стереотипните цели на членството во НАТО се
земаат како репрезентатив на безбедносните потреби на Албанија. 75 На прашањето: „Кое е
влијанието на граѓанското општество врз одбранбената и безбедносна политика?“ висок
функционер на MO одговорил: „Нема никакво влијание“. 76 Јавната свест за безбедносните
и за одбранбените прашања е мошне ретка, а постои став дека таквите прашања се
доверливи наспроти фактот дека политичките документи за одбранбени и за безбедносни
прашања генерално не се класификувани како тајни. Сепак, во практиката, пристапот дури
до некој основен воен документ често пати претставува предизвик.
Во рамките на интеграцијата во НАТО, државните институции им обезбедуваат на
медиумите голем број информации, давајќи впечаток дека членството е единственото
прашање за трансформацијата на AAF. 77 Воениот весник „Уштрија“ (Армија) и списанието
„Мбројтја“ (Одбрана) обезбедуваат информации за AAF и општо не се познати надвор од
AAF. Дури и за војската, овие публикации се повеќе пропаганда отколку добар извор на
аналитички информации. 78 Од време навреме, неармиски весници објавуваат некои статии
за прашањата на одбраната за кои постои слаб интерес, но со оглед дека од медиумите се
очекува да се ориентирани кон јавниот интерес, воените прашања нужно не претставуваат
профитабилна тема. 79 Бидејќи не постои несогласување за безбедносната и одбранбената
политика меѓу Владата и опозицијата, нема скандали, спорови ниту пак какви било
„жешки вести“ за да се известува за тоа определено прашање. Сепак, воени претставници
често пати ги обвинуваат новинарите дека се недоволно квалификувани за да известуваат
за прашања од безбедноста и одбраната. Но, ова најверојатно се должи на фактот дека тие
често поставуваат контроверзни прашања, на пример, „Што армијата работи денес?“,
„Зошто ни е потребна оваа голема армија во една сосема поинаква внатрешна и
надворешна безбедносна средина?“, „Што воопшто значи реформа на одбраната? Ние не
знаеме! Не гледаме никакви вежби!“, и „Каде одат парите на даночниците?“ 80
29