Реформа и конверзија на одбраната во Албанија ... - DCAF

обука, исто така, влијае на обемот на реформите, како и промената на генерацијата низ
која поминуваат оружените сили на трите држави. Во сите три држави PMC играат улога
за поттурнување на реформите, иако нивното влијание не може да се измери и е отворено
доведено во прашање од локални и од меѓународни експерти.
Повеќето фактори на мешање кои попречуваат брза реформа потекнуваат од
социјалистичкиот менталитет кој бавно одумира и од повоениот национализам кој беше
од круцијално значење за изградбата на нацијата во Хрватска и во Македонија, но сега
претставува товар за овие држави. Исто така, институционалното наследство има
негативно влијание на обемот и на брзината на реформите, а особено тензиите меѓу
претседателите и премиерите околу надлежностите во одбраната, но и неискуството на
парламентарците во надзорот и контролата. За разлика од западните држави,
парламентарците во сите три држави не можат да се потпрат на независна анализа и совети
бидејќи постои општ недостиг на цивилни капацитети во одбранбениот сектор, како што
се експерти, организации за социолошко-политички истражувања („трустови на мозоци“)
и академии.
Различните резултати од процесот на реформа во Хрватска, Албанија и во Македонија,
главно, се под влијание на нивото на реализмот во однос идното членство во НАТО или во
ЕУ. Во случајот со Македонија, овој процес очигледно го усложнува етничката
хетерогеност, особено во услови на неопходните промени кои во моментов се преземаат.
Исто така, обемот на проблемите со демобилизацијата и реинтеграцијата, како и
конверзијата на базите, во голем степен се разликуваат. Хрватска очигледно извлекува
полза од својот голем економски пораст и од консолидацијата на демократските
структури. Исто така, севкупните капацитети на политичкиот режим за контрола и
ефикасно регулирање на одбранбениот сектор многу подобро се развиени во Хрватска
отколку во другите две држави, како што е и степенот на дејствувањето против
корупцијата. Инволвираноста на меѓународните организации како што е IOM во Хрватска,
исто така, го зголеми перформансот на проектите како што е SPECTRA. Хрватска и
Македонија имаа и ќе продолжат да имаат полза од своите сè поголеми изгледи за
членство во ЕУ.
109