Libro Guía - Enciga

XXIV CONGRESO DE ENCIGA 43
fALEmOS DAS INTERACCIóNS
BOSquE-SOLO-CAmBIO CLImÁTICO
INTRODuCCIóN
Guntiñas Rodríguez, maría Elena
IES As Fontiñas. (Santiago de Compostela)
É coñecido que a Asemblea Xeral das Nacións Unidas declarou ó ano 2011 Ano Internacional
dos Bosques coa fi nalidade de promover a súa conservación e seu desenvolvemento en todo o
mundo, ademais de pretender crear unha conciencia social e política da importancia que teñen
os bosques no desenvolvemento global sostible e, consecuentemente, facer ver a necesidade de
protexer esta parte esencial da natureza. Estas intencións refl íctesen nos seus lemas: Bosques
para la Gente. Los bosques son nuestro hogar: plante, utilice y proteja los bosques para la
humanidad e, neste senso, unha das súas iniciativas é o intercambio de coñecementos sobre as
estratexias que frearon a deforestación e a degradación forestal.
É preciso recordar que xa no ano 1985 o Consello da FAO pediu a todos os Estados
Membros un recoñecemento especial aos bosques, sendo un dos obxectivos a mobilización
da poboación, e particularmente dos xóvenes, para a súa participación nas actividades sobre a
protección dos bosques.
Na resolución A/RES/61/193 de dita asemblea Xeral exhortase á contribución voluntaria na
defensa dos bosques polos benefi cios económicos, socioculturais e ambientais que proporcionan.
Non obstante, tamén é sabido que no sentir da protexión dos bosques está latexando a loita
contra o posible Cambio Climático polo seu papel de sumidoiros de CO . 2
OBXECTIVO
Esta comunicación pretende ser unha pequena aportación en defensa dos bosques e seu
obxectivo é refl exionar, co gallo de levar ás aulas, sobre o feito de que os bosques existen porque
teñen, ademais de un clima propicio, un solo que os sustenta, polo que no “sistema bosque”
as interaccións entre as comunidades vexetais, o solo e o clima son moi importantes, de tal xeito
que as variacións ou cambios nalgunha de elas repercute nas demais.
CONTIDOS
Estímase que na actualidade os fotosintetizadores terrestres absorben aproximadamente
un tercio do CO 2 emitido polo uso dos combustibles fósiles, ralentizando o cambio climático.