Libro Guía - Enciga

24
Boletín das Ciencias
• Saída cara a Negueira de Muñiz, pasando por Ponte Boabdil sobre o río Navia.
• Chegada a Negueira de Muñiz, onde realizamos unha visita ás bodegas “Panchín”.
• Visita no Acebo ao lugar onde mataron ao Comandante Moreno durante a Guerra Civil.
• Regreso á Fonsagrada.
material: roupa axeitada (de abrigo), calzado cómodo, cámara de fotos.
Dificultade: Baixa.
profesores coordinadores: Mª José Ansede Prado e Constantino Álvarez Muiña.
Número de prazas: 50.
RuTA 3: ETNOGRAfÍA E pAISAXE DA RIBEIRA DO RÍO LAmAS
• Para moita xente, falar da Fonsagrada é falar da montaña lonxana, de neve, frío, néboa e
estradas con moitas curvas. Nesta saída non imos evitar as curvas (máis ben ao contrario, imos
gozar da diferente perspectiva da paisaxe ao dar a volta en cada unha delas), o que si imos facer
é abandonar o alto da montaña, para adentrarnos nun dos seus vales: o val do río Lamas, un
río acolledor e nutricio, como se demostra vendo os moitos pobos e aldeíñas salpicados polas
ladeiras.
• Os habitantes destes vales foron deixando a súa pegada dende tempo inmemorial en forma de
muíños, mazos, igrexas, casas, hórreos, etc, máis ou menos conservados. O que si se conserva
bastante ben é a paisaxe de ribeira con soutos de castiñeiros, pero tamén carballos, freixos,
bidueiras e salgueiros entre outros.
• Nesta saída visitaremos o mazo da Porteliña, faremos un pequeno roteiro a pé entre os pobos
de Cereixido e Lamas, que nos levará aproximadamente unha hora, para, finalmente deternos
en Lamas; un dos pobos mellor conservados da comarca, ver a súa igrexa románica e, se hai
tempo, achegarnos a un muíño. Por suposts haberá algunha sorpresa.
material: Roupa axeitada (de abrigo), calzado cómodo, cámara de fotos.
Dificultade: Baixa.
profesoras coordinadoras: Mª Trinidad Fernández Fernández e Laura Fernández López.
Número de prazas: 50.
RuTA 4: A fONSAGRADA - GRANDAS DE SALImE
• Visita á Central hidroeléctrica de Grandas de Salime: Desprazarémonos en autobús dende
A Fonsagrada ata a vila asturiana Grandas de Salime onde percorreremos as instalacións da
central hidroeléctrica de Salime, central con relevos e pinturas do seu deseñador (o arquitecto
Joaquín Vaquero Palacios). Nos seus arredores visitaremos un mirador para contemplar a
construción e a natureza do lugar.
• Visita á Industria Láctea monteverde: Desprazarémonos en autobús ata Grandas de Salime
onde visitaremos as instalacións da Central Láctea Monteverde. Industria adicada á fabricación
de queixo de vaca e á comercialización de produtos de alimentación lácteos. A recollida do
leite realízase nas zonas cercanas á central.