Libro Guía - Enciga

XXIV CONGRESO DE ENCIGA 19
EXpOmETEORO
EXpOSICIóNS
Exposición de meteogalicia para centros educativos.
O muNDO DAS BuXAINAS
pena Gómez, mercedes
Sampayo Ruiz, marcelino
Ao longo dos tempos o home sentiu fascinación polas buxainas. Esta
fascinación provén da complexidade da súa aparente sinxeleza. A buxaina é algo
cercano, podémola ver xirando ante os nosos ollos e desafi ando a gravidade coa
súa resistencia a caer.
A buxaina é un dos xoguetes máis antigos e coñecidos da historia da
humanidade. Practicamente todas as civilizacións empregaron algún tipo de
buxaina nos seus xogos e esta foi e segue sendo moi empregada polos nenos e
nenas e tamén por adultos.
Dende os que admiran a beleza das súas formas, os que gozan facéndoa
xirar no chan, os que examinan o seu movemento mediante complexas fórmulas,
ata os que fan verdadeiras obras de arte con elas, a buxaina é e será unha fonte de
diversión, estudo e inspiración para moitas persoas ao longo do tempo.
Atopamos buxainas en Oriente e Occidente, no Norte e no Sur, na Grecia
clásica e na China actual, ás veces chamámola buxaina, outras peonza ou trompo,
outras spinning top, toupie, dreidel, trottola, káča ou kreisel pero sempre será
o mesmo xoguete e a mesma ilusión a que atravesa o tempo, o espazo e a nosa
imaxinación.
Podemos usar a buxaina para estudar o seu xiro, podemos usala para estudar
as mesturas de cores, podemos usala para estudar a conservación do movemento,
podemos usala... sobre todo para gozar.
Esta exposición é parte da nosa colección particular, que naceu por
casualidade cunhas pequenas buxainas de cores e que foi crecendo ata converterse
no que aquí se amosa: buxainas, libros, selos, tarxetas, … e todo o relacionado
con este fascinante mundo. Froito desta paixón naceu “O mundo das buxainas”
unha web que tivo periodos de actualización importantes alternados con longos
tempos de “abandono” e que se atopa no enderezo www.peonzas.es