Cartas do CárCere - Estaleiro Editora

categoria social que se encontrará numha situaçom bem triste,
em comparaçom com os judeus e os protestantes, e será (ou é
já) a dos padres despadrados e a dos frades desfradados, que
serám excluídos por isso dos empregos estatais, quer dizer, serám
degradados como cidadaos: que fosse possível instituir
juridicamente umha categoria tal de marginados sociais, penso
que é bem mais importante que nom a situaçom jurídica
dos judeus e dos protestantes, a quem concedêrom prerrogativas
jurídicas tudo o contrário de degradantes, no espírito da
lei. Nom excluo que umha tendência antisemita poda nascer
ainda; nom vejo que exista hoje. as indicaçons contrárias podem
explicar-se por outras razons, e de resto, equilibram-se
com outros factos nom menos significativos. Mas em minha
opiniom o facto importante é este: que umha parte dos judeus
aprova determinadas medidas contra outros judeus. o professor
Levi-Civita, da Universidade de roma, tivo desgostos
porque nom frequëntava as solenidades religiosas oficiais, mas
os desgostos procurou-lhos o reitor del Vecchio, também ele
judeu: tratava-se pois, nom de umha questom de raça, mas
de umha questom política: um membro da classe dominante
deve render homenagem ao catolicismo instrumentum regni,
sem importar a fé que ele tenha. desta sorte, nom é conclusiva
a amostra tomada da academia ou do Parlamento: estám
fora e ficarám fora cientistas de fama mundial nom judeus.
em minha opiniom, a posiçom assumida por teodoro
Mayer no Crédito Mobiliário 140 é também ela significativa.
em muitos casos, julgo que nom é o judaísmo o que conta,
mas o judaísmo-maçonaria, isto é, o facto de que a maçona-
140 teodoro Mayer (1860-1942), de origem judeu, fundador em 1881 de «Il
Piccolo» de trieste, além de senador e ministro de estado, foi nomeado em novembro
de 1931 presidente do Istituto Mobiliare Italiano.
306