Orden social e loucura en Galicia - Repositorio Institucional da USC ...

hipocondriacas. Na maior parte dos casos os episodios de Depresión Maior deixan paso a períodos de
normalidade. O 50% dos que presentaron un primeiro episodio de Depresión maior adoitan ter un
segundo, aumentando con este último a un 70% as posibilidades dun terceiro, e a un 90% dun cuarto
episodio.
En canto ao tratamento, no mercado existen unha grande variedade de medicamentos antidepresivos,
a elección do axeitado a cada caso depende de factores diversos que o psiquiatra valorara
individualmente. A psicoterapia asociada aos antidepresivos recoñécese na literatura como a mellor
opción. O electroshocke é hoxe en día utilizado en Depresións Maiores que non responden a ningún
outro tipo de tratamento. Ten unha prevalencia de entre 3 e 6% entre a poboación, dobrando as femias
no número aos varóns.
A Enfermidade Bipolar é un trastorno do estado de ánimo caracterizado pola combinación de
episodios de depresión cos manía (ou unha mestura dos dous en episodios mixtos). Os episodios de
manía inclúen unha semana dun estado de ánimo elevado, irritable e expansivo 254 . A auto estima está
inflada, cunha sensación de grandiosidade, e diminúe a necesidade de durmir, fálase máis do normal cun
sentimento de que os pensamentos voan, pero distraense constantemente cambiando de tema en tema de
forma incesante; aumenta temén o desexo de actividades placenteras pero chegando en moitos casos a
comportamentos perigosos ou dolorosos (compras excesivas, sexo imprudente ou inseguro...). O máis
común é a euforia excesiva con irritabilidade en aumento, a busca incesantemente da interacción con
outros, con escaso xuízo en quen, onde ou como lévase a cabo. Ademais é frecuente unha excesiva
planificación, participación en actividades con resultados maioritariamente improdutivos;
comportamentos repetitivos con consecuencia polo xeral negativas; humor doadamente cambiante con
tendencia á irritación; delirios de grandeza; adoitan perder a percepción do que lles pasa e teñen unha
escasa conciencia de enfermidade e polo tanto da necesidade de tratamento. Os episodios de Depresión
Maior reúnen as características sinaladas anteriormente para este trastorno. O específico da Enfermidade
Bipolar é a alternancia entre manía e depresión.
A literatura recoñece ata dez anos como o período normal entre un primeiro episodio e un
diagnóstico estable de Enfermidade Bipolar. O tratamento prescrito tras o diagnóstico é mixto. Primeiro,
estabilizadores do humor (litio na maior parte dos casos) efectivos para previr episodios de manía, pero
non tan eficaces na prevención dos episodios de depresión. Por iso un segundo elemento do tratamento
son os antidepresivos elixidos de novo en función do xuízo clínico do psiquiatra en cada caso. Un
terceiro elemento adoitan ser os anti psicóticos nos episodios agudos de manía. Os electroshockes
recoñécense como efectivos con esta doenza, pero adóitase aplicar cando a medicación non logrou éxito
ningún. Recomendan terapias individuais e familiares para previr recaídas, manter a toma da medicación
e aumentar a tolerancia dos comportamentos propios da enfermidade e as reaccións ante ela.
A Enfermidade bipolar ten unha prevalencia de entre 0,5 e 1,5 da poboación xeral con igual
incidencia en homes que en mulleres. As mulleres adoitan ter un primeiro episodio depresivo, mentres
254 Todo lles interesa, todo lles concirne, de todo saben, a todo teñen algo que engadir algo, todo é importante, pero todo de forma superficial e
sen gran profundidade.
~ 78 ~