Orden social e loucura en Galicia - Repositorio Institucional da USC ...

sociais utilizados no sistema social para a comunicación da EMG. Ao longo de toda a nosa invetigación
iremos sinalándoos.
3. Un terceiro elemento esencial é o tempo. Será imprescindible, como xa indicabamos na
introdución, observar sempre a evolución e o cambio das distincións e os imaxinarios sociais. Ter
presente en todo momento o tempo. Por iso a nosa observación (a) será de biografías dos relacionados
coa EMG, ao mesmo tempo que construiremos (b) unha observación da historia social en Galicia da
EMG e as súas institucións.
4. Pero non se pode esquecer en ningún momento unha das características definitorias do sistema
social contemporáneo: a súa complexidade. A nosa investigación describa esa complexidade
capacitando o lector para a observación da EMG como unha parte dun todo inabarcable, pero é, por
definición, incompleta.
Complexidade, evolución, imaxinarios sociais, distincións e semántica son os cinco conceptos clave
da nosa metodoloxía. Con eles imos internarnos nos dous capítulos seguintes, aínda na construcción da
nosa perspectiva teórica, na historia da semántica da psiquiatría primeiro e da ciencia da sociedade
despois, con dúas subespecialidades relevantes para o noso estudio: a socioloxía e a antropoloxía. Tras
este percorrido deberemos engadir a narratividade e as biografías como elementos clave da nosa
metodoloxía. Con elas estaremos xa en disposición de internarnos na segunda parte nos datos empíricos
recollidos nesta tese.
~ 60 ~