Orden social e loucura en Galicia - Repositorio Institucional da USC ...

[Tese 21] A socioloxía é parte do sistema ciencia. A súa función é ofrecer datos sobre a
complexidade do sistema sociedade. Describila función da socioloxía non é facer socioloxía [ciencia da
sociedade, socioloxía,].
[Tese 22] A medicina ten como función restablecer os sistemas psíquicos para a comunicación.
Funciona co código enfermo / san [sistema médico].
[Tese 23] A socioloxía médica é unha sub especialidade da Ciencia da sociedade que xera
descricións do sistema médico para a sociedade no marco dunha sociedade complexa, pluri contextuRal
e funcionalmente diferenciada [socioloxía médica]
[Tese 24] A psiquiatría é un sub- especialidade do sistema médico que xera comunicacións sobre a
enfermidade mental (loucura) baseándose no código tolo / cordo. O estatuto da psiquiatría é
problemático dado que o seu campo de actuación é precisamente o contorno do acoplamento estrutural
entre o corpo (sistema orgánico), a conciencia (sistema psíquico) e a sociedade [psiquiatría].
[Tese 25] A socioloxía da enfermidade mental xera descricións sobre a comunicación da loucura no
subsistema médica da psiquiatría [socioloxía da EMG].
Consecuencias metodolóxicas.
Se estas vinte e cinco teses son o noso marco teórico de observación,
as nosas observacións sobre a EMG fundamentanse nunhas consecuencias
(catro) metodolóxicas que paso a describir. Nos indican o camiño
respondendo á pregunta sobre como construír a nosa investigación, son
polo tanto os nosos supostos metodolóxicos. Enumerámolos e indicamos as consecuencias directas ao
aplicalos na nosa investigación, sinalando onde poderá observarse a súa aplicación.
1. A nosa investigación debe centrarse en describir as distincións (formas) que permiten observar a
EMG. Esas distincións xeraron unha semántica asociada á EM propia dos sistemas sociais
especializados en abordala. Hai dous sistemas parciais, entre outros, directa e socialmente especializados
na EMG: o sistema médico, coa psiquiatría como subespecialidade, e o sistema da ciencia (ciencia social
na nosa observación). Os restantes subsistemas parciais (economía, educación, medios de comunicación
de masas, etc.) achegan prestacións sobre a EM, pero non se especializaron nela.
Os dous capítulos seguintes (2 e 3) desta primeira parte céntranse nun estudo histórico da semántica
da psiquiatría e a ciencia da sociedade aplicada á medicina. O obxectivo non é só facer unha revisión da
bibliografía especializada, como construír unha socioloxía médica luhmaniana. Polo tanto, na
descrición da EMG as distincións elaboradas polos subsistemas parciais forman parte do elenco
semántico co que comunicase a loucura na sociedade contemporánea. Como se verá estes subsistemas
parten de distincións do sistema social para elaborar as súas propias expectativas de comunicación. Na
segunda parte desta tese estas distincións constitúen a arquitectura conceptual utilizada na comunicación
das biografías dos entrevistados.
2. Un segundo elemento específico do noso procedemento de investigación é que buscamos observar
especialmente as diferenzas construídas sobre a distinción opaco/visible para detectar os imaxinarios
~ 59 ~
1.B.