Orden social e loucura en Galicia - Repositorio Institucional da USC ...

[Tese 10] Unha interacción (familiar) é un sistema social cara a cara en dobre continxencia. Unha
organización (asociación, hospital) é un sistema social con regras de pertenza e decisión. Unha
sociedade é un sistema social complexo onde hai diferenciación social interna [interacción,
organización, sociedade, diferenciación social,]
[Tese 11] Non existe ningún sistema social que manténdose igual non cambie. A evolución dos
sistemas sociais é co-evolución cos sistemas psíquicos ata alcanzar a diferenciación funcional en
contextuRalidad [evolución].
[Tese 12] As sociedades segmentadas en estamentos (por territorio ou parentesco) evolucionan ata o
sistema sociedade funcionalmente diferenciado [diferenciación social en estamentos, segmentaria ou
funcional,].
[Tese 13] A evolución non leva consigo, necesariamente, a desaparición dos sistemas preexistentes
dos que emerxen os novos [co evolución, permanencia sistemas].
[Tese 14] A sociedade funcionalmente diferenciada contén subsistemas sociais parciais (economía,
medicina, educación...) que se diferencian por funcións ofrecéndose prestacións (observacións) entre si.
Dende as sociedades estamentales medievais emerxe a partir do Renacemento en Europa a
diferenciación funcional conducente ao sistema sociedade omniabarcante e pluricontextuRal.
[subsistemas, prestacións,].
[Tese 15] O sistema familia, baseado en interaccións, ten como función incluír a persoa (forma) na
comunicación. No interior do sistema familia rexe a intimidade, onde nada queda fóra da comunicación,
sendo o amor o medio onde se establece esta comunicación intima e persoal. A diferenciación social
xorde ao necesitar este sistema ampliar a súa función coa crecente complexidade [sistema familiar,
interacción, amor].
[Tese 16] O sistema xurídico diferenciouse para cumprir a función de manter a estabilidade das
expectativas comunicativas aínda no caso de que estas non se cumpran [dereito].
[Tese 17] Os Medios de comunicación de masas son un subsistema do sistema sociedade
especializado en facer máis probable o éxito da comunicación ao xeneralizar a observación de segundo
orde [Medios de Comunicación de Masas].
[Tese 18] O sistema social diferenciado funcionalmente contemporáneo opera xerando
comunicacións cos imaxinarios sociais. Os imaxinarios sociais fan plausible a comunicación en
situacións de alta complexidade ao reducila coa diferenza relevancia / opacidade [imaxinarios sociais;
relevancia / opacidade].
[Tese 19] O conflito e a protesta son sistemas sociais. As intrasparencias e os problemas do sistema
social atopan nestes dous sistemas as claves do cambio e a evolución [sistema conflito / sistema
protesta].
[Tese 20] A Ciencia da sociedade é un subsistema social na sociedade pluricontextuRal
funcionalmente diferenciada que observa a sociedade xerando descricións. Analiza a semántica social
permitindo descricións / auto descricións, do sistema social [subsistema ciencia, pluricontextuRalidad,].
~ 58 ~