Orden social e loucura en Galicia - Repositorio Institucional da USC ...

Agradecementos:
Esta investigación é, en máis dun sentido, unha obra colectiva. Cito a continuación algunhas da débedas
contraídas, e espero saberán perdoarme aqueles de quen sen mala intención puidera terme esquecido.
Por suposto, a responsabilidade última de todo o que aquí se di é sempre miña.
En primeiro lugar a miña débeda cos usuarios de Pérgola supera todo o que boamente poida dicir aquí.
Traballar con eles cada semana nos últimos anos segue sendo unha constante fonte de enriquecemento
persoal. Esta investigación levouse a cabo grazas á súa paciencia. Pero sobre todo puido saír adiante
polo reto constante que me supuxo falar con cada un deles, facéndome cuestionalo todo en cada
momento.
As traballadoras de Pérgola, psicólogas, pedagogas e coidadoras, así como as empregadas nas diferentes
unidades de saúde mental onde se desenvolveu esta investigación fixeron posible, co tempo que me
dedicaron, esta tese.
En xeral teño que agradecerlle o seu desinterese a tódalas persoas que en Galicia e noutras terras,
relacionadas dalgún xeito coa Enfermidade mental ou non, compartiron partes desta investigación. A
miña débeda con eles é impagable. Cito só algún nomes, deixando a maior parte no tinteiro: Andrés,
Carlos, Vicente, Santiago, Xose Antonio, Ana, Rosa, Rob, Pete, Antoine, Bob, María, Javier, Isabel,
Josefina, Manolo…
A miña gratitude a Juan Luis Pintos polo seu tesón ao manter unha inquebrantable actitude aberta
durante anos. Esa actitude unida a súa presenza constante mentras cambiaba de destions e ocupacións,
fixo posible finalmente este, o noso vintage. Así mesmo debo sinalar as reunións do Grupo Compostela
de Imaxinarios Sociais; nelas teño sempre recibido apoios, observacións e críticas. Enrique, Xulio,
Carlos…
Por suposto e un nivel máis persoal, debo expresar aquí a miña gratitude con tódalas miñas familias....
~ 3 ~