Orden social e loucura en Galicia - Repositorio Institucional da USC ...

sistemas médicos de asistencia supoñen un todo complexo do que o psiquiatra debe ser consciente para
planificar a súa intervención.
Psiquiatría manicomial: Psiquiatría tradicional ata a xeneralización dos psicofármacos a partir da
segunda guerra mundial. O seu imaxinario inclúe reclusión do EMG nun asilo con medios de contención
físicos, con terapias rozando a “tortura” para curar ou máis ben tranquilizar as crises da loucura.
Reforma Psiquiátrica: Con esta expresión noméanse os supostos cambios na asistencia psiquiátrica
pública tras o peche dos Manicomios tradicionais. O imaxinario asociado leva consigo ofrece unha
visión comunitaria da asistencia pública, cos chamados dispositivos intermedios (asociacións, hospitais
de día, centros de rehabilitación, pisos de acollida, talleres de traballo tutelado, etc.) para facilitar a
integración social dos EMG.
Socioloxía médica: sub especialidade da Ciencia da sociedade que xera descricións do sistema
médico no marco da sociedade complexa, pluricontextuRal e funcionalmente diferenciada. Pertence ao
campo da socioloxía médica toda descrición parcial ou total do sistema médico dende unha perspectiva
sociolóxica. A socioloxía médica produce pois descricións do funcionamento do sistema médico para o
sistema social. Ten polo tanto como función, xerar expectativas sociais ao describir a medicina. As súas
descricións non son necesariamente dende o punto de vista do sistema médica sanitaria, pois ao formar
parte do subsistema da ciencia, a socioloxía médica ten pretensións de obxectividade. A socioloxía
médica estuda en consecuencia a interdependencia dos distintos subsistemas parciais na consecución do
mantemento da saúde, a comprensión da enfermidade e a loita contra a dor.
~ 315 ~