Orden social e loucura en Galicia - Repositorio Institucional da USC ...

Patty Duke 997 , estrela da televisión estadounidense, publica en colaboración co seu terapeuta un
relato centrada no sentido da súa experiencia como maniaco depresiva (“And Illness? Thanks God “! 998 ).
Susanna Kaysen 999 escribiu unha autobiografía centrada na súa experiencia nun hospital
psiquiátrico cun diagnóstico de Trastorno de personalidade limítrofe. Sobre esta novela hai unha versión
cinematográfica de 1999 dirixida por James Mangold e protagonizada por Winona Ryder e Angelina
Jolie 1000 . Céntrase, a película, na rebeldía da protagonista contra o sistema sanitario.
Emily Martin 1001 dende unha perspectiva antropolóxica ofrece un percorrido polas biografías de
enfermos cun diagnóstico de enfermidade bipolar. No seu libro argumenta que os dous polos desta
enfermidade, especialmente as fases de manía, coa súa gran produtividade, “casan” ben co estilo de vida
americano moderno.
Cronkite 1002 presenta un bo número de entrevistas con personaxes famosos de distintos ámbitos
(cinema, literatura, política. ...) en EEUU, o punto de encontro común é sufrir unha depresión maior. A
autora une o seu propio testemuño ao dos entrevistados coa clara intención de mostrar que tamén entre o
grupo dos envexados socialmente existe a enfermidade mental.
Lori Shiller 1003 escribe unha autobiografía, en colaboración co seu psiquiatra (Amanda Bennett),
sobre as súas experiencias coa esquizofrenia en Nova York.
Martha Manning 1004 escribe a súa autobiografía como psicoterapeuta cunha depresión nos EEUU
durante os anos 80 e 90.
O antropólogo David Karp 1005 sofre de depresión crónica. Como antropólogo e enfermo presenta
neste libro un estudo dos grupos de auto axuda en varias cidades de EEUU, facendo unha magnífica
descrición do proceso biográfico ao ter que enfrontarse a unha enfermidade mental.
Cameron West 1006 ofrece no seu libro a autobiografía dun doutor en psicoloxía norteamericano con
personalidade múltiple. O libro logra transmitir perfectamente a sensación de vivir nun constante cambio
de personalidade, facendo un completo percorrido por esa experiencia.
Andrew Solomon 1007 sofre de depresión, presenta no seu libro entrevistas e datos biográficos de
moitos enfermos como el. O seu libro está construído para botar luz sobre esta enfermidade, eliminar o
estigma que leva consigo e mostrar o pouco que sabemos sobre ela.
Behrman 1008 cóntanos a súa historia ao vivir cunha manía permanente. A súa vida acelerada no
mundo da arte, viaxando permanentemente polo planeta á caza de pintores, pinturas e negocios
especulativos. A forma de narralo logra transmitir perfectamente a frenética manía que vive o autor.
Cathy Wield 1009 é un médico británico cunha longa e incurable depresión durante un período de 7
anos nos anos 80 e 90. A solución descrita con normalidade é a neurociruxía, nárraa como unha grande
disputa ata conseguir ser operada e o éxito, curación desta.
Mercé Torretallé Roscapana 1010 esquizofrenia que no libro narra a súa experiencia coa enfermidade,
coas súas fillas e coas diferentes terapias que lle foron axudando (a pintura especialmente).
997 Duke-Hochman 1992.
998 Duke 1992: 1.
999 Kaysen 1994.
1000 Mangold 1999.
1001 Martin 2007.
1002 Cronkite 1994.
1003 Shiller-Bennett 1996.
1004 Manning 1996
1005 Karp 1996
1006 West 1999
1007 Solomon 2001
1008 Behrman 2002
1009 Wield 2006.
1010 Roscapana 2008 (2007).
~ 302 ~