Orden social e loucura en Galicia - Repositorio Institucional da USC ...

tras responder a unha pequena enquisa enviada por carta: foron dúas entrevistas de dúas horas cada unha
nun oco entre as súas ocupacións como profesor e coordinador da Cátedra de Psiquiatría. Sempre no
despacho no Hospital Universitario onde exerce, sempre con bata branca e gravata.
Montse é un enfermeiro solteiro de trinta e tres anos. Vive co seu irmán na mesma cidade na que
traballa. Traballa nunha Unidade de Agudos dun dos Hospitais máis emblemáticos de Galicia. É fillo
dun funcionario da administración local, estudou enfermaría en Santiago e foi contratada por un
contacto do seu pai na praza que ocupa. A súa chegada á psiquiatría foi e segue sendo traumática, non
lle gustara nas rotacións, a súa vacación eran as unidades de coidados intensivos. A súa biografía está
enmarcada nos cambios de organización da psiquiatría en Galicia, pasando por distintas Unidades dentro
do mesmo hospital. Contacté con Montse a través dunha coñecida común. A súa conversación é
informal aínda que tensa, quere ser franca pero cústalle sinalar os temas dos que quere falar.
Entrevisteina en dúas ocasións, sempre na cociña da súa casa, durante tres horas cada entrevista.
Máximo é un psiquiatra galego de corenta e cinco anos que exerce nun dos grandes hospitais
psiquiátricos de Galicia. Formado en Galicia está especializado no tratamento de problemas
psiquiátricos en anciáns. O seu enfoque é ecléctico pois ningunha das múltiples aproximacións “esgota o
“problema” 930 . Contacté con Máximo a través dun listado de psiquiatras do Colexio profesional.
Mario é un psiquiatra de corenta anos nacido en Extremadura e formado entres Madrid e Santiago.
Exerceu nos maiores hospitais psiquiátricos da comunidade galega ao mesmo tempo que mantén unha
consulta e unha clínica privadas. Fala sobre todo dos aspectos orgánicos da enfermidade mental,
utilizando principalmente fármacos para o seu tratamento. Contacté con Mario a través dun listado de
psiquiatras do Colexio profesional.
Marcos. Psiquiatra, de 59 anos, formado en Madrid, en psicanálise en Suíza e a través da súa
práctica privada nunha das capitais de Galicia. Defínese como practicante dunha psiquiatría dinámica
nun marco psicoanalítico aínda que usa a psicoterapia e a psicofarmacoloxía. Contacté con Marcos a
través dun listado de psiquiatras do Colexio profesional.
Marga é un psiquiatra galego formado en Galicia (en varios dos centros e dispensarios da xeografía
galega). Exerce nunha Unidade de Saúde Mental, como Xefe de Sección, asociada a un dos grandes
hospitais galegos ao mesmo tempo que ten unha consulta privada. Marga trata sobre todos trastornos
depresivos e “neurose”. Establece unha distinción entre o tratamento que dá aos seus pacientes na
Unidade (farmacolóxico) e o da súa práctica privada (de orientación psicoanalítica).
USM1.
Mauricio. Psiquiatra galego formado en Santiago cunha formación tamén en Antropoloxía. Antes
de traballar nesta unidade traballou en Conxo, Ferrol, nun ambulatorio de Santiago ademais de empezar
como médico rural. Mauricio ten unha experiencia de máis de trinta anos no sector público ademais de
ter unha consulta privada cunha longa clientela.
Miro. Psiquiatra en formación durante o seu MIR. A súa familia psiquiátrica é psicoanalítica cunha
tendencia junguiana.
Mira. Psiquiatra en formación durante o seu MIR. Mauricio atribúelle unha excesiva formación
bioloxicista con tendencia a receitar demasiado.
Marco. Psicólogo clínico da escola lacaniana, atraído tamén pola psiquiatría sistémica. Ten uns
vinte anos de experiencia clínica cando entra a formar parte da USM.
Marta. Enfermeira da USM. Prepara as historias e adoita recibir os usuarios, elaborando unha
primeiro bosquexo da historia familiar e clínica para logo derivalos ao especialista correspondente.
Acode a Río tódalas semanas.
Mina. Asistente social con dedicación exclusiva na USM, traballa tamén en Río cada semana.
Mari. Asistente social do concello de Argo onde os días que acoden dende Santiago a pasar consulta
adoita facer funcións administrativas e de enfermaría.
USM2
Manolo. Psicólogo lacaniano traballador da USM2 en 1992. Tiña entón unha longa experiencia
clínica tanto privada como pública.
Macu. Psicóloga de USM2.
930 Máximo 1:1
~ 279 ~