Orden social e loucura en Galicia - Repositorio Institucional da USC ...

Psiquiatras entrevistados.
Manuel é un psiquiatra e neurólogo xubilado, casado (setenta e un anos). Tras facer medicina en
Santiago, e especializarse en Madrid con López Ibor e en Lisboa cos discípulos do premio Nobel polas
lobotomías, volve á súa cidade natal, onde xunta a práctica privada coa pública. Fai práctica durante un
tempo con Villamil en Vigo. Traballa entón tanto nun manicomio, onde chegaría a director nunha etapa
de crise e transformación, coma nun ambulatorio como neuropsiquiatra cunha cota. Aínda que se xubila
con sesenta e catro anos tras un ataque ao corazón, segue recibindo, dime, eses pacientes que se
engancharon cun 928 . O seu ton é formal, distante. Contacté con el a través do seu número nunha lista de
psiquiatras do Colexio Médico. Manuel sorprendeuse ante a miña petición, pero tras un rexeitamento
inicial, aceptou falar comigo. As sucesivas entrevistas tiveron que suspenderse en varias ocasións por
problemas de saúde da súa esposa.
Mercedes é psicólogo, casado, sen fillos, trinta e dous anos. Tras estudar en Santiago fórmase, ante
a ausencia de saídas laborais, como psicóloga voluntaria nun Hospital Xeral, ao mesmo tempo que
exerce a privada, especializándose en clínica infanto xuvenil. Tras catro anos de voluntariado no
Hospital Mercedes inicia un curso de rehabilitación de crónicos, e ao mesmo tempo, unha asociación de
familiares de enfermos mentais ponse en contacto con ela para poñer en marcha un Hospital de día nun
pequeno pobo da costa. Dende hai tres anos traballa no Hospital de día, sen deixar de exercer a práctica
privada. As miñas conversacións con ela son abertas, sempre ao final da xornada de traballo na
Asociación Pérgola. A miña forma de contacto con María foi a través da asociación na que traballa,
onde acudín en busca de posibles entrevistados.
Melchor: ten sesenta e un anos, psiquiatra xubilado, casado con tres fillos. Javier estudou medicina
en dúas universidades españolas. A especialización en psiquiatría faina en Madrid con López Ibor e
Vallejo Nájera, e nunha clínica privada en Galicia con Villamil. Antes de instalarse nunha das grandes
cidades galegas como Inspector Médico e Psiquiatra da Casa do Mar exerce de médico nun barco, en
Guinea e na Illas Canarias. Abre varias consultas privadas, ao mesmo tempo que participa como
voluntario en diversas ONG's. Tras moitos anos como “burócrata” na pública 929 , xubílase por
incapacidade ao lle ser diagnosticado Parkinson (padece ademais un Trastorno Bipolar ou psicose
maníaco depresiva). A miña conversación con Melchor é aberta e enche de referencias persoais e
familiares pois nos coñecemos dende a miña nenez. Na actualidade dirixe unha asociación de axuda a
enfermos de Parkinson.
Mónica ten corenta e oito anos, casada con tres fillos, psiquiatra. Tras facer medicina e
especializarse en psiquiatría entra como profesora e psiquiatra nun Hospital Universitario: encárgase da
clínica infantil durante a maior parte da súa carreira profesional, para, dende hai uns anos, dedicarse
unicamente á docencia. O ton da conversación é distendido e cheo de alusións á docencia. As entrevistas
sempre son o despacho da Universidade onde ensina. Toda a súa biografía profesional se desenvolve na
universidade sen exercer nunca a práctica privada. Contacté con Mónica a través dun amigo común. As
nosas conversacións están enchidas de alusións persoais e de referencias a temas políticos e
universitarios.
Matías ten corenta e un anos casado psiquiatra, castelán. Fai medicina nunha capital española e o
MIR en Galicia. Inicia a súa carreira profesional na pública (nunca exerceu a privada) nunha capital
galega, onde se encarga de montar un sector da asistencia psiquiátrica. Na actualidade é director do
Servizo de Asistencia Psiquiátrica dunha das cidades máis grandes de Galicia, sendo o seu labor a de
coordinar, non sen dificultades, toda os dispositivos da psiquiatría sectorizada que se veu montando nos
últimos cinco anos. É un home prolixo e activo: escritor, colaborador asiduo de xornais, especializado en
psicodrama, profesor universitario, músico, académico, antropólogo e un longo etcétera. Contacté con el
a través do teléfono nunha lista do colexio profesional de médicos.
Martín é psiquiatra e profesor universitario. Naceu hai sesenta e sete anos nun pequeno pobo do
interior de Galicia. Formouse en Santiago con Cabaleiro Goás e o Doutor Villamil, iniciándose como
psiquiatra na clínica privada deste último. De vocación clara aínda que tardía, iniciou primeiro
enxeñaría, permaneceu asociado a un Hospital Psiquiátrico dende o inicio da súa carreira profesional. A
súa biografía está enchida de alusións ás loitas polo poder na cátedra: catedráticos non galegos, de
grande prestixio profesional, pero sempre de paso. O seu ton é profesional, escéptico ante o valor da
entrevista pero aberto, con escasas alusións á súa privacidade. Contacté con Martín a través do teléfono
928 Manuel 2, 10.
929 Melchor 1, 18
~ 278 ~