Orden social e loucura en Galicia - Repositorio Institucional da USC ...

Capítulo 11. Complexidade
informática.
“A historia clínica dixital en psiquiatría é unha cuestión complexa” 854 .
Fernando é fillo dun Esquizofrénico 855 . Traballa dende hai anos para o SERGAS nos Servizos de
Informática de Hospitalización e dos Centros de Saúde. Dende hai dous anos coordina, baixo a
supervisión dunha Subdirección da Conselleria de Sanidad da Xunta de Galicia, o intento de “Unificar”
a Historia Clínica Dixital para toda Galicia. Outros departamentos de informática levan tamén a Tarxeta
Sanitaria Dixital ou a Receita Dixital. Na entrevista descrita a continuación relata os “problemas”
cunhas “Unidades de Saúde Mental (USM), de Drogodependencias e Alcoholismo” 856 .
Fernando comeza contextualizando o seu traballo. Os distintos Servizos hospitalarios
especializados, Estomatoloxía, Medicina Interna ou Oftalmoloxía, contan en cada Hospital con dous
tipos de consultas. Teñen, en primeiro lugar, as consultas “internas” no propio Hospital. Os pacientes
reciben atención do Servizo mentres atopanse hospitalizados. En segundo lugar, os mesmos profesionais
atenden pacientes “externos”. Son pacientes dados de alta tras unha estanza, ou pacientes derivados a un
servizo especialista polo seu médico. Neste segundo caso un médico de Estomatoloxía, por exemplo di
Fernando, atende, ou ben no propio Hospital, ou ben desprázase a un Ambulatorio (Centro de Saúde
externo ao Hospital). O especialista visita alí aos seus pacientes. En todos estes casos o Servizo está
homoxeneizado e depende do mesmo grupo de especialistas pagados polo SERGAS.
A Historia Clínica Dixital (HCD) consiste nun programa informático que xestiona para toda Galicia
os datos dun paciente. A idea é, explícame Fernando, que se un paciente ingresa en Estomatoloxía o
doutor que o atenda poida consultar tódolos seus datos médicos para poder tratalo con toda a
información dispoñible. Se ese mesmo paciente ingresa dentro de dous meses noutro Servizo, poñamos
Radioloxía, a súa HCD permitirá ao novo médico dispoñer “directamente de toda a información sobre o
seu enfermo” 857 .
O problema xurdiu con quince Unidades de Saúde Mental (USM). En Galicia “hai trinta e dous
USM, con catorce Hospitais. Pero hai, polo menos, quince USM sen un Hospital próximo. Teñen
dependencias diferentes aos outros Servizos nun Hospital” 858 . O traballo de Fernando consiste en
implantalo novo sistema informático para unificar, compatibilizar e sistematizar o tratamento da
información de cada paciente psiquiátrico. Como xa fíxose con outros servicios especializados.
854 Fernando 1: 5.
855 Aquí faremos uso dunha segunda entrevista gravada sobre o seu traballo. O seu nome non comeza por "M" como o resto dos xestores pola
súa calidade de familiar dun EMG. O seu perfil biográfico completo pode consultarse no apéndice. Moitos dos datos identificadores foron
modificados para protexer o seu anonimato.
856 Fernando 2: 2.
857 Fernando 2: 5.
858 Fernando 2: 6.
~ 253 ~
11