Orden social e loucura en Galicia - Repositorio Institucional da USC ...

Case ningún di querer traballar fóra de Pérgola. Salvo Edelina que traballa no mercado semanal e
que seguramente fagase cargo da tenda de artesiana que abrirá a asociación en breve, ningún quere
traballar. Describen os problemas para atopar traballo fóra de Pérgola pero non parece atopar moito
interese niso. Todos aducen entón a incompatibilidade coa pensión de invalidez que cobran da
Seguridade Social.
Un tema recorrente nas conversacións con usuarios é o anonimato en Esteiro. Non queren ser
recoñecidos en Esteiro como integrantes de Pérgola, aínda que todos engaden que, todo o mundo sabe
quen son. Aínda que teñen amigos, coñecidos e familiares cos que pasan tempo, adóitanse moverse en
grupos por Esteiro. Polo menos os que viven en pisos tutelados. Moitos deles xúntanse ademais as fins
de semana para charlar, ou ir de excursión co coche de Eliseo
Os usuarios idealizan en xeral a súa vida antes dos “problemas”. Facían as cousas con facilidade,
sen un signos evidente da EM. Dalgún xeito a súa “pelexa” na EM lévaos a querer volver a eses
momentos idealizados. Efrén, dende o seu bipolaridade, identifica eses momentos como ideais.
Recuperarse sería volver eses instantes, a ese estado, a ese humor daquela época dourada. Melchor
psiquiatra e bipolar considera os seus mellores momentos aqueles nos que traballaba en Guinea, sen
casar, sen as cargas que supuxeron os fillos e a muller.
~ 250 ~