Orden social e loucura en Galicia - Repositorio Institucional da USC ...

Pedro é un bo exemplo do primeiro grupo. Comezou a oír voces” acusatorias polas noites cando era
un adolescente e traballaba no porto como “estibador”. Pensou que eran os seus veciños os que o
acusaban. Unha noite sorprendeuse asustado cun coitelo en plena rúa 831 . Dende ese día, sen que os seus
pais os soubesen en principio, acudiu ao seu médico que lle remitiu o psiquiatra da USM en Esteiro.
Pedro é unha excepción. Os usuarios entrevistados cunha aparición na infancia ou adolescencia dos seus
“problemas”, adoitan non “darse conta deles” ou “ocultalos”. A razón adoita ser interpretada con
posterioridade. Non sabían o que lles pasaba dime por exemplo Eladia 832 . Ou tiñan medo do que lles
estaba a acontecer, por se era culpa súa, razoaba Pío mentres remata un cesto nun taller de Pérgola.
Outra pauta común nestes casos é achacalos problemas ao crecemento da infancia ou da adolescencia. O
uso do alcohol ou de drogas ilegais é maioritario nestes casos. Só Eladia e o mesmo Pedro non relatan
abusos de substancias ilegais. O resto relatan unha carreira de probas por distintos tipos de drogas 833 .
Nos casos onde as drogas “xogaron”, din, algunha función na súa enfermidade, a maior parte sinálanas,
polo menos, como un factor desencadeante do seu estado actual.
O segundo grupo, cunha aparición de “problemas” tardía nas súas biografías, podémolo observar no
caso de Elías. Unha “aparición” nun período de traballo intenso acábao levando ante o psiquiatra.
Pascual por exemplo acode ao psiquiatra cando a súa muller abandonalle antes os seus ataques de ira,
tiña xa máis de trinta anos 834 . Edith tivo a súa primeira crise nos EEUU mentres separabase do seu
marido e mantiña relacións co pai da súa filla 835 .
Nunha grande cantidade de casos entrevistados, non en todos, o uso de drogas ilegais estivo presente
no momento de aparición das primeiras crises. Nalgúns casos atopan nas drogas a causa da súa
enfermidade. Elías 836 , tras unha longa serie de roubos en supermercados en Suíza para conseguir
comida, pois o diñeiro gastabao en cocaína, desintoxícase nunha Unidade especializada. As drogas,
segundo a súa versión do seu “problema”, son a raíz, a causa de todo o que lle pasaba. A súa familia
agora perdooulle, pero por culpa das drogas, di, fixo cousas terribles.
O uso do alcohol, salvo nun caso, é unha constante. Algúns seguen en programas de desintoxicación
de alcohólicos. Pedro 837 , Evaristo, Pío, Pablo e Eugenio tiveron unha deterioración considerable a raíz
do seu consumo de alcohol. Pasaron por diferentes programas para a desintoxicación antes de entrar en
Pérgola.
Segunda fase: diagnóstico, ingresos e medicación.
Dalgún xeito, tras distintas probas con outros tratamentos, chegan á psiquiatría. Proban, segundo a
rede de relacións de cada un, con diferentes terapeutas. Pedro tiña ataques de pánico. Tras un tempo
cunha grande angustia acode á súa familia que lle consegue unha cita privada de pagamento co director
831 Pedro 1: 3.
832 Eladia 1: 3.
833 Na literatura especializada, psiquiátrica e psicolóxica, unha das interpretacións desta tendencia é a busca por parte do EM dunha forma
respectable de medicación, de automedicación.
834 Pascual 1: 10.
835 Edith 1: 5.
836 Elías 1: 5.
837 Pedro 1: 7.
~ 245 ~