Orden social e loucura en Galicia - Repositorio Institucional da USC ...

A crítica ao sistema é común, pero a esperanza posta nunha mellor organización asistencial ou en
novos descubrimentos vai unida a ela. As esperanzas de futuro son coherentes coas perspectivas
predominantes en cada un, pois todos constrúen as súas expectativas comunicativas en función delas.
Non existe ningunha crítica ao feito de practicar a psiquiatría privada. A súa existencia nin se
menciona, nin se ten en conta, nin se critica. Tódolos psiquiatras entrevistados, salvo algunha excepción,
manteñen unha consulta privada, ás veces traballando máis horas nela que no seu posto na sanidade
pública. Sobre esta non verbalizase ningún tipo de crítica. Ao falar dela enténdese como elemento unido
implícitament ao rol médico.
Si, pola contra, critican ás asociacións privadas. Xeralmente por asumir que realizan un traballo
“barato” que debería ser idealmente competencia da administración, ou polo feito de ser simplemente
privadas. Deste xeito ven necesaria a rede comunitaria pero sempre organizada dende o sector público.
Os xestores da EMG en Galicia organizan así a súa observación, entre unha postura puramente
médica e unha orientación asistencial. No continuum entre ambos os dous extremos da distinción xorden
posicións diversas nas que unha clínica pragmática e unha posición teórica ecléctica son a norma. Todo
integrado nunha imaxe dun traballo na Responsabilidade, sempre presuposta, do “bo médico”.
~ 239 ~