Orden social e loucura en Galicia - Repositorio Institucional da USC ...

Rematamos a clase. Saímos mentres uns recollen as súas cousas, reciben a súa medicación, bolsas
con comida ou diríxense ao comedor. A maioría vai cara a fóra para unirse ao grupo que foi á piscina.
Fuman un pitillo, soben ás furgonetas e marchan.
Unha escola de familias.
O xoves pola tarde, unha vez ao mes, reúnense na casa da cultura
de Esteiro as nais dos usuarios de Pérgola 766 . As nais de Eduardo, de
Edmundo, de Eladia e de Pancho están hoxe na escola. Estas dúas
últimas viñeron xuntas no autobús, marcharansen tamén xuntas
conversando sobre os seus fillos. Mariana dirixe a reunión, trae
preparado un video sobre a Esquizofrenia dunha clínica catalá que finalmente non chegarase a ver.
Cando a reunión iniciouse incorpórase a nai dun antigo usuario, agora, di, vivindo en Cataluña. Pouco
despois chega tamén a psicóloga encargada do centro de Pérgola en Navia.
Mariana pídelles cada unha das nais alí presente que conten as últimas novidades. A nai de Pancho di
que ultimamente todo vai ben, Pancho toma a medicación, ao mesmo tempo que non parece roubar nada
na casa, como antes, porque non abandonou a metadona. Afirma que o seu fillo está moito máis
tranquilo, non sae tanto e as cousas van ben. Inmediatamente a nai de Eladia comeza a falar sen deixar
intervir ningunha outra. Esta mañá Mariana chamouna dende o centro de saúde onde Eladia fora para
unha revisión rutineira. Melón, o psiquiatra da unidade de Esteiro, atopouna moi nerviosa. Díxolle tras
falar uns minutos con Mariana que debía ingresala para lograr compensala e axustar así a medicación.
Mariana chamouna inmediatamente dende a USM co seu móbil. Ela non quere un novo ingreso, quere
que Eladia estea na casa, que é onde está mellor, repite varias veces ao longo do seu relato. Pola mañá
Ilustración 29 Telares de Pérgola.
conseguiu convencer a Melón para que lle aumentase a medicación,
comprometeuse a vixiar á súa filla máis durante a seguinte semana, e en
caso de que siga “descompensada”, a ingresarían. De ningún xeito
quería un novo ingreso. Explica na reunión que o seu marido estivo
bastante malo, polo que Eladia traballou máis na casa e durmiu menos.
Por iso o médico encóntraa “descompensada”. Pero non quere un novo
ingreso da súa filla, que leva xa uns anos sen “necesitar” ningún.
Mariana explícalle que por iso a chamou, porque sabía que ela quería falar con Melón.
Inmediatamente a nai de Edmundo toma a palabra. O seu fillo non deixalas drogas, ese parece ser o
problema, comeza dicindo. El prometeulle non volver consumir, pero, nárranos na reunión, cada vez que
volve cos seus amigos da orquestra onde toca, volve estar de mal humor. Ela di que non consume, que
prometelle e re-prometelle que non tomou nada. Ela di crelo, pero sempre que sae de casa, volve
“revirado”. Mariana indícalle se non observa ela un esquema máis ou menos repetitivo no que acaba de
dicir. A nai de Edmundo comeza entón a contar como desaparecelle o diñeiro de casa, como o seu
marido e os irmáns de Edmundo xa non queren saber nada do asunto. Volve entón a repetir que ela cre
766 O número de asistentes varía cada semana, dependendo das circunstancias de cada un. Sempre son as nais dos usuarios, nunca os pais.
~ 210 ~
Ilustración 28: Posto no mercado
de Pérgola en Esteiro.