Orden social e loucura en Galicia - Repositorio Institucional da USC ...

as dificultades de aceptar a súa condición mentres mira durante un par de minutos as dobreces antes de
ser capaz de continuar co seu labor.
Ao cabo dunha hora Margot déixame só coas dúas mesas pois hoxe lle toca baixar dous usuarios á
USM de Esteiro. Hoxe teñen a súa revisión da medicación e para
conseguir así as receitas gratuitas.
Durante a pausa sento con varios dos usuarios. Hoxe con Edith,
Eduardo e Elia mentres algúns fuman na “peixeira” acritalar da
entrada. Despois comparto uns bocadillos de queixo e xamón que
hoxe trouxen eu para os monitores na cociña. Os usuarios non entran
alí, só para comprar os bocadillos elaborados polo cociñeiro.
Margot regresou xa ao finalizar o recreo, ela encárgase tamén do
taller de psicomotricidade. Unímonos a ela no ximnasio e dá comezo
a hora de psicomotricidade. Hai oito usuarios na aula cun espello nun dos seus laterais. Margot pon unha
música suave e comeza co que denomina un quentamento previo. Estamos colocados nun círculo amplo
mentres vai facéndonos mover tódalas articulacións do corpo, comezando polo cuello e rematando polos
nocellos. Margot vai dando indicacións a aqueles que quedan demorados, citándoos sempre polo seu
nome. Perpetúo e Pedro reciben varias amoestacións, porque non seguen as súas indicacións e están
constantemente ríndose dos outros. Logo, comeza a clase propiamente.
Facemos tres exercicios e xogos. Primeiro cunha pelota que saca dun armario pechado con chave
cheo de material deportivo. A pelota serve para indicar varios movementos de arriba abaixo segundo as
indicacións da monitora. A maior parte dos usuarios teñen dificultades para seguila pero pouco a pouco
todos movense. O segundo xogo é de atención e memoria. Un de nós ten que facer un movemento que
logo todo o grupo debe repetir. Finalizamos cun exercicio de relaxación cunhas esteiras que saca do
armario para tombarnos no chan. Os máis grosos teñen moitas dificultades para sentar, tombarse, e tras
os dez minutos coa música a un volume máis elevado, incorporarse dende o chan. A hora acaba cun
exercicio de imitación dos movementos de suba por unha corda. Margot indícame ao saír que ela
normalmente ten os martes a outro grupo diferente, pero que para ser un grupo novo, non o fixeron mal.
Lograron moverse. Salvo Perpetuo e Pedro que non deixaron de falar e dar a lata.
Durante media hora os monitores de forma aparentemente desordenada van repartindo a medicación,
preguntando as últimas novidades e facendo que suban ás distintas furgonetas para distribuilos polos
diferentes domicilios.
Mércores: Taller cestaría / taller “Comunícate”.
Cando entro Marvel recíbeme de novo no centro. Trala chegada dos usuarios nas furgonetas, únome
ao taller de cestaría co seu monitor Maro. Somos nove sentados arredor da mesa do fondo do taller.
Dous ou tres moven as mans con certa destreza trenzando as varas húmidas sobre unha base de cartón
duro. Maro vai dándonos a cada un unha cruceta que preparou el sobre a que comezar un cesto. Os
cestos son de diferentes tamaños, formas e cores. Realízanse cun dos trenzados máis sinxelos. Maro
~ 204 ~
Ilustración 22 Marcos feitos en
Pérgola.