Orden social e loucura en Galicia - Repositorio Institucional da USC ...

Eladia cónta ao grupo, mirando a Marvel, como
este fin de semana “deixou de facer tantas cousas e
deixou que a súa nai ás fixera”. Fan referencia a algo
que acordaran anteriormente, pois Marvel
remachacalle, como un tema que parece repetirse
sempre con Eladia, que non pode ser tan negativa e
facer sempre ela todo na casa. Afirmando a
continuación que non fixo suficiente, ou a súa
torpeza. Eladia a escoita para a continuación
queixarse de que as súas cuñadas e sobriños non foron visitalos durante a fin de semana.
Edelina e Elia falan pouco. Edelina conta como Elias recolleunas e foron xuntos en coche ata un
pobo costeiro a pasalo día. Fala con alegría mentres Elia, que acaba de saír dun ingreso de dúas semanas
no Gil Casares, a mira cun sorriso forzado. O domingo Edelina traballou nun posto da venda ambulante
en Esteiro, mentres Elia facíalle compañía.
Eusebio narra como axudou á súa nai na limpeza de escaleiras que cada semana debe realizar. Ponse
bastante contento ao relatar a comida do domingo. Os seus tres irmáns viñeron de visita dende Castilla á
casa familiar onde vive. A pena, di, é que se foron rápido.
Tras esta posta en común e constatar que Eduardo foise ao piso tutelado por ter ese día un forte
catarro, Marvel inicia unha actividade con eles. Reparte uns folios e uns bolígrafos. Nos folios están
debuxadas unhas caras. A tarefa consiste en asignala cara debuxada a unhas frases. Trátase de identificar
diferentes estados de ánimo. Edith, Eladia e Elia teñen problemas para establecela asociación. O resto
fano concentrados e con bastante rapidez.
Mentres continúan eu vou a Esteiro. Con Margot e Elena, que esperaba sentada calada nun banco en
fronte dos despachos imos ata a Unidade de Saúde Mental. A Elena tócalle a revisión co seu médico.
Imos no coche particular de Margot e traémonos de volta a Pancho que ese día non acudiu a Pérgola
pois foi directamente a Unidade. Pancho tiña que recoller metadona.
Margot preséntame a todos e cada un dos membros da Unidade antes de que pase a consulta Elena.
Melón é o médico psiquiatra do SERGAS da maior parte dos usuarios. Ten tamén unha consulta
privada. Algúns dos usuarios de Pérgola pasaron antes pola súa consulta privada para ser remitidos co
tempo a Pérgola e a súa consulta gratuíta no SEGAS.
A USM está composta ademais por outra médica: María que encargase da unidade de
drogodependencias e que ese día nos dá metadona para varios dos usuarios de Pérgola. Hai dúas
enfermeiras: María Dolores e María José. Finalmente tres traballadores máis: unha psicóloga (Marta),
unha asistenta social (Mari Carmen) e unha pedagoga (Menchu).
~ 202 ~
Ilustración 20 Taller papel, cuero e confección.