Orden social e loucura en Galicia - Repositorio Institucional da USC ...

Ao fondo do edificio atópanse os dous
talleres. Son con diferenza os espazos máis
amplos e luminosos con cristaleiras nas súas
paredes do fondo con vistas sobre a ría. A
separación co corredor é cunha parede de
cristal polo que as actividades dos dous
talleres son sempre visible dende o exterior.
O primeiro taller está dividido en tres espazos
para tres grupo de traballo sen separacións
físicas. No primeiro traballan dous grupos sentados en dúas mesas paralelas. Estes dous grupos traballan
usualmente con pasta de papel, pequenos obradoiros de coiro e na elaboración de bolsas de papel co
logotipo de Pérgola pintado a man. No segundo espazo, ao fondo con máis luz natural, sobre unha mesa
ancha repleta de teas está habitualmente o grupo de costura. Nun extremo da mesa hai unha máquina de
coser. Entre ambos os dous espazos e apoiados sobre as paredes, atopanse os teares con fíos. Toda a
parede da dereita está cuberta con armarios pechados con tódolos produtos elaborados xa e os diferentes
utensilios que necesitan.
O segundo taller está tamén dividido en dous espazos. No primeiro arredor de varias máquinas e
unha gran mesa, traballan case sempre de píe, o grupo de enmarcado. Teñen a maior parte dos seus
materiais no corredor común. Ao fondo, paralelo ao ventanal, está a mesa cos materiais do taller de
cestaría. Ao seu arredor, en estantes a diversas alturas e á vista están os cestos a medio facer e os
diferentes elementos usados.
Luns: taller de enmarcado / taller de estados de ánimo.
Cada día as furgonetas ao chegar atopano centro aberto por algún dos monitores. Marvel, Macarena,
Maia ou Mafalda están xa, xerlamente, nos despachos ou talleres para recibilos. Dous dos condutores
das furgonetas son ademais mestres dos talleres de cestaría e enmarcado. O terceiro condutor fai labores
de bedel e cociñeiro.
Coa chegada tralos primeiros intercambios de información, o primeiro pitillo ou un ratiño sentados
nos bancos, distribúense polas diferentes aulas ou talleres. Case tódolos días algúns usuarios atopanse
cansos, demasiado durmidos pola medicación ou enfermos. Nestes casos, só excepcionalmente,
permanecen vendo algunha película, tomando café ou durmindo nos sillón dispoñibles. En ocasións van
tomar unha manzanilla á cociña ou descansan na biblioteca. Se tratase de algo máis grave, van
acompañados ao centro de saúde.
Ilustración19 Taller enmarcado e cestos.
No taller de enmarcado traballamos cinco persoas dirixidas por Mauricio. Este explícame os
diferentes labores que realiza cada un. Eliseo encárgase con Eduardo de buscalas pezas de madeira coas
que cortarán os marcos na máquina. Eusebio traballa coa máquina eléctrica cortadora en ángulo das
pezas de madeira. Eliseo coloca as grampas que fixan a imaxe, fotografía ou obxecto a enmarcar. Elia
encárgase de envolver con plástico protector e logo papel os encargos xa rematados. Eu traballo un
anaco con Eduardo na selección das pezas de madeira do corredor: están numeradas e Eduardo mira
~ 200 ~