Orden social e loucura en Galicia - Repositorio Institucional da USC ...

Para chegar ao polígono industrial onde está o edificio de catro anos de antiguiedade da asociación
hai que saír de Esteiro en dirección á capital urbana
máis próxima. Tras cinco minutos en coche
atravésase todo o polígono con naves e almacéns. O
edificio de Pérgola está na esquina tras unha rotonda
pintada no chan onde adoitan dar a volta os camións
de mercadoría. Ao estar situado sobre unha lomba ao
final do polígono tódalas ventás do edificio miran
sobre a ría de Esteiro coa desembocadura do río e as
bateas mexilloneras ao fondo. O edificio ten céspede
a ese lado, está rodeado por unha valla de aceiro
negra con dúas portas, unha para as furgonetas e
outra máis pequena para os usuarios. Á súa esquerda
hai un almacén de distribución de xeados e
conxelados. Un cartel discreto co logotipo de Pérgola
e as placas da inauguración cos nomes das distintas
axencias 765 que o financiaron, dan entrada ao edificio.
O edificio dunha soa planta é como unha nave
industrial máis das que o rodean. Tras cruzala porta
accédese a un hall acritalar sobre unha estrutura de aluminio onde están
os usuarios e traballadores fumando cando chove ou fai frío (a modo de
“peceira”). Ten un longo corredor cunha cristaleira ao fondo e tódalas
dependencias orientadas á dereita con vista á ría, de costas ao polígono.
Ao entrar atopanse, primeiro, un par de despachos unidos por unha
parede de cristal onde está a dirección da asociación con mesas,
arquivadores, ordenadores, nunha decoración típica de oficina. No
primeiro despacho adoitan estar Marvel ou Macarena, ou algunha outra
das monitoras ou traballadoras. Aquí atenden o teléfono e reciben tódalas
visitas. Mercedes, a directora ocupa habitualmente o segundo despacho.
Tralos despachos, unha porta dá acceso a dous cuartos de baño, amplos e acondicionados para
minusválidos con silla de rodas, con ducha. Atopamos a continuación a entrada a unha sala comedor,
cun espazo con sillóns para tomar café dunha máquina de moedas e ao fondo o acceso á cociña cos seus
fogóns, armarios, neveira e despensa. A biblioteca é a seguinte sala, con mesas para as diversas reunións
en pequenos grupos e uns sillón cunha televisión, video e DVD. Un pequeno corredor á dereita cun
banco de madeira dá acceso a un pequeno ximnasio e unha aula con tres ordenadores e unha pizarra.
765 Consellerias da Xunta de Galicia, Concellos da bisbarra de Oleiros, Administración Estatal, Fundacións, Unión Europea cos plans PRODER,
entidades da banca privada e doazóns privadas.
~ 199 ~
Ilustración18 Plano Pérgola
Ilustración 17 Aula