Orden social e loucura en Galicia - Repositorio Institucional da USC ...

cuarto. Ten lugar entón unha pausa de media hora para saír, fumar un pitillo, tomar un café, etc. Despois
do “recreo”, cada día da semana participan en talleres, actividades, escolas ou clases diferentes.
Variando segundo as opcións de cada un, o seu estado de ánimo, ou a evolución da enfermidade.
Habitualmente non repiten no seu taller de traballo, facendo “dobre taller”, salvo excepcións. A última
media hora dedícase a distintas tarefas, algúns reciben a medicación, outros comen no comedor (cando
hai recursos para un cociñeiro e a comida), outros reciben a comida para levala á casa ou ao piso
tutelado. Sobre as dúas de tarde soben ás tres furgonetas que os reparten por toda a bisbarra. Os
condutores adoitan rematar a repartición ás tres e media ou catro da tarde.
Horario Luns Martes Mércores Xoves Venres
10-10.15 Primeiro contacto, distribución medicación
10.15-12.15
Talleres de traballo
Talleres: deseño téxtil, enmarcado, pasta de papel, coiro, teares... (segundo tempadas,
pedidos e evolución persoal)
12.25-12.45 Descanso - Recreo
12.45-13.45
Psicoeducación,
rehabilitación
Grupos:
Relacionate
Vivendas
Grupos:
Cóidate
Coñece o ámbito
Grupos:
~ 198 ~
Psicomotricidade
Convivencia
13.45-14.45 Distribución medicación, comidas
Clase inglés
Piscina
Cultura xeral
Comida Comida algúns no centro segundo presuposto asociación e distribución posterior
Saídas, excursións
e actividades de
integración
comunitaria
As distintas opcións de actividades están indicadas con listas de usuarios para cada día e actividade visibles nos diversos taboleiros do local
de Pérgola en Esteiro. Ao longo dos anos variou o número de actividades, os voluntarios e os horarios. Aquí ofrecemos un cadro re s u m o
das anotadas nos últimos tres anos
Táboa4 Horario Semanal Pérgola (2005-06).
Salvo que deban acudir a algunha cita médica, ou se atopen enfermos, ou ingresados no hospital ou
calquera outra eventualidade, a rutina dun usuario de Pérgola é a que describimos a continuación. Por
suposto inclúe visitas periódicas aos seus psiquiatras na USM de Esteiro ou nalgúns casos na capital
urbana máis próxima. A maior parte das veces lévaos algunha das monitoras, educadoras ou condutores
libres nese momento. Para acompañalos ao psiquiatra acode sempre unha psicólogo ou unha traballadora
social. Para poñerse de acordo no trasporte, ou para estar ao día do estado de cada usuario son claves as
conversacións nos corredores entre os usuarios, cos traballadores e entre os traballadores entre si. Nestas
conversacións “informais” lógrase comunicar unha orde flexible que permite adaptarse aos cambios dos
usuarios, á mobilidade do equipo, en xeral, e á casuística de cada día.
Para a nosa descrición tomamos como referencia unha semana de xuño de 2007 durante a cal
participei en tódalas actividades da Asociación como un usuario máis. Cada día da semana sentei nun
dos talleres no primeiro período da mañá e en cada unha das clases ou seminarios do segundo período.
Acompañei en varias ocasións os monitores na súas visitas á USM. O primeiro xoves de cada mes ten
lugar pola tarde unha “Escola de pais” que tamén describo. O venres dedícase a saídas ou excursións.
Coordínanse cos usuarios e monitores do outro centro de Pérgola para realizalas en común 764 .
Talleres: enmarcado, cestaría, teares, deseño téxtil, pasta de papel, coiro, barro.
764 Para a reconstrución desta semana fago uso das notas do meu caderno de campo. Tódalas citas e referencias están sacadas de catro cadernos
cheos de anotacións, diagramas e esquemas escritos durante os anos de colaboración con Pérgola.