Orden social e loucura en Galicia - Repositorio Institucional da USC ...

dous casos as relacións non son sempre sen conflitos e malos entendidos, suxeitas á migración laboral e
precariedade complexa de tódalas institucións públicas 756 .
Vida diaria en Pérgola.
Dos tres pisos tutelados ou do seu lugar de residencia coa familia ou achegados, os corenta e oito 757
usuarios de Pérgola diríxense cada mañá dos días laborais nas furgonetas que os van recollendo aos dous
centros da asociación. Tras unha viaxe de ata unha hora para algúns, chegan sobre as dez da mañá e
vanse distribuíndo polos talleres, con supervisores, voluntarios ou persoal en prácticas: enmarcado,
cestaría, teares, taller téxtil, pasta de papel, bolsas, coiro, etc. son algunhas das actividades
desenvolvidas. Durante as catro mañás de luns a xoves, e ata preto da 1 de tarde, traballan na fabricación
de pequenos obxectos que logo vendense na feira semanal da vila ou confeccionanse por encarga para
bodas ou celebracións. Tras unha pausa para comer algo e fumar, distribúense os usuarios ao longo da
semana, e en función da dispoñibilidade de persoal e as circunstancias de cada usuario, por distintos
tipos de talleres ou escolas: saídas á piscina local, taller de reeducación, taller de auto-coñecemento e
auto-estima, taller de educación na enfermidade, taller de psico-motricidade, taller de logopedia, etc.
Unha vez ao mes ten tamén ter lugar unha escola de familias as tardes dos xoves (describimos unha máis
adiante).
Cada día, cando toca, algúns usuarios teñen que ir á unidade de saúde mental (USM) para revisar
doses e tratamentos co psiquiatra (Melón). O tratamento é xestionado dende a asociación en
colaboración coa USM, cos familiares e dependendo do estado en cada momento dos usuarios. A través
das reunións formais semanais, de talleres cos usuarios, e dos encontros nos corredores os traballadores
e os usuarios da asociación manteñen un intercambio constante de información sobre a evolución diaria
de cada usuario e as súas familias, adaptándose aos cambios, crise e evolución de cada un.
Financiamento e pagamentos:
Cada membro da asociación paga unha cota, maior ou menor en función do uso ou non das
furgonetas de transporte e da pensión que cobre ou dos recursos económicos dos que dispoña. Ademais
os usuarios dos pisos pagan unha cota máis ampla na que vai incluída a comida. As pensións,
maioritariamente non contributivas, son administradas xeralmente polas familias. Os usuarios reciben
ademáis “pagas” da asociación en función dos ingresos polos talleres ou subvencións varias veces ao
ano.
756 Estos cambios fan que un psiquiatra co que un usuario de Pérgola leva 10 anos en contacto pode cambiar por vacacións e modificala
medicación ante a solicitude do usuario; ou unha enfermeira sustituta confundir un paciente con outro; ou un familiar ter que volver a explicar a
un traballador sustituto por unha longa baixa toda o historial do seu fillo, ganarse a súa confianza e tela no novo profesional e comezar de novo
unha e outra vez.
757 O número exacto é extremadamente variable: ingresos por crisis, enfermidades na familia, nos enfermos, baixas e altas na asociación,
vacacións dos propios usuarios, etc…
~ 196 ~