Orden social e loucura en Galicia - Repositorio Institucional da USC ...

No capítulo seguinte describimos unha asociación de familiares e enfermos mentais galega. Tralo
“peche” dos manicomios coa Reforma psiquiátrica estas institucións multiplicáronse, aumentado a
complexidade se caba máis da comunicación da loucura. Primeiro (capítulo 7) damos datos xerais sobre
a asociación, a súa historia e a súa vida diaria, para pasar inmediatamente a describir unha semana
calquera da vida dos seu integrantes.
No capítulo inmediatamente posterior (Capítulo 8) centrámonos nos familiares de EMG, resumindo o
proceso polo que pasan nas súas biografías ao enfrontarse coa EMG dun parente próximo. No capítulo 9
detémonos na descrición dos “xestores” da EMG. Perfilamos entón unha imaxe do desenvolvemento, ao
longo das súas biografías, da súa comprensión da EMG e o seu traballo con ela. Os dous capítulos
restantes céntranse nos propios usuarios, enfermos ou EMG primeiro (capítulo 10) e despois, nunha
entrevista realizada a un informático do SERGAS onde describe os problemas de xestión para implantar
a Historia Clínica Dixital nos distintos dispositivos asistenciais relacionados coa EMG (capítulo 11). En
cada un destas seccións describimola traxectoria narrada nas entrevistas polos implicados na súa
relación coa EMG. Finalizamos cada un deles cun pequeno apuntamento a modo de conclusión
sinalando as distincións coas que observana EMG cada grupo, e os elementos que aportan á
complexidade da orde social na súa observación da enfermidade mental en Galicia.
~ 191 ~