Orden social e loucura en Galicia - Repositorio Institucional da USC ...

Mauricio presenta un caso que viu cun estudante de psicoloxía en prácticas (este chegou tarde ao
estadillo achegando algún detalle durante a exposición). Edu é un home de sesenta e dous anos. Emigrou
a América, retornou e agora está no paro. Quéixase de pesadelos e da proximidade da morte. Sospeita de
“feitizaría”, tenlle medo aos veciños. Di que en América viu a eficacia destas cousas. Quere acudir a un
curandeiro e como non sabe a onde ir acode á consulta a pedir información. Mauricio di que pode ser
unha Demencia Senil comezando. Recéitalle unhas pastillas para a ansiedade e entrégalle a dirección de
dous curandeiros locais.
O seu segundo caso é unha muller de setenta anos de Argo. Mauricio preséntaa como “un reactivo
fronte á invalidez física da súa cegueira”. Engade que non veu unha “queixa estructurada”. Despois fala
dunha parella que lles chegou recomendada á Unidade na cidade. Parece ter problemas de
comunicación. Vaina tratar Mauricio e Marco xuntos cunha terapia “sistémica”. Mauricio sinala que
sentese identificado co home polo que a empatía funciona ben. Marco traballará coa muller “histérica”,
di Mauricio, mirándoo desafiante.
~ 178 ~