Orden social e loucura en Galicia - Repositorio Institucional da USC ...

nos datos secundarios un tipo máis: os procedentes dos medios de comunicación de masas e do ámbito
do periodismo.
Ordenamos nos apéndices a bibliografía utilizada nesta tese por conter testemuños biográficos.
Ordenámola alfabeticamente cun breve comentario sobre cada obra. Ordénase esta bibliografía en
función da súa procedencia por un criterio político xeográfico: primeiro, España, despois Europa,
Estados Unidos; e finalmente o resto do mundo. Existe un sesgo claro nesta mostra en función dos
idiomas aos que o autor desta tese ten un acceso máis directo. Así están máis representados os países de
fala castelá, inglesa e alemá onde tamén a literatura de auto axuda é máis abundante 575 . Nesta lista
inclúense referencias sobre a historia da psiquiatría nos últimos 50 anos publicada directamente polos
seus protagonistas tanto en España coma no resto do mundo. En conxunto constitúen unha parte esencial
sobre o que se constrúe esta tese polo seu testemuño cheo de experiencias persoais 576 .
Un segundo tipo de datos secundarios constitúeno unha ampla variedade de artigos e documentos dos
medios de comunicación de masas. Especifícanse nun apartado aparte nos apéndices, indicando sempre
a súa procedencia. Inclúese tamén un cadro resumo.
575 Giddens 1991, 1995.
576 Unha lista máis completa pode atoparse na bibliografía.
~ 127 ~