Orden social e loucura en Galicia - Repositorio Institucional da USC ...

sen ter unha relación directa con Pérgola. O contacto con eles levouse a cabo seguindo as listas do
colexio de psiquiatras, listas telefónicas ou contactos persoais. Indícase a forma de contacto en cada
caso. Este grupo identifícase nas listas dos apéndices colocándoos en primeiro lugar.
Un segundo grupo constitúeno os entrevistados pola súa relación directa con Pérgola. O contacto
conseguiuse ao longo dos anos de colaboración do autor coa asociación dende o 2005. Finalmente, un
terceiro grupo de entrevistas constitúeno os grupos de discusión realizados en A Coruña como parte
dunha investigación sobre a cronicidade psiquiátrica 573 .
Antes de realizar o groso da investigación desta tese o autor asistiu durante uns meses a tres centros
de atención pública psiquiátrica nos anos noventa. Primeiro, coa supervisión do psiquiatra director
dunha Unidade de Saúde Mental nunha capital galega, asistiuse a estadillos, grupos de discusión,
consultas na cidade e en varios pobos do interior de Galicia durante un período de seis meses. Levouse
un diario de campo pormenorizado, gravándose moitas das sesións. Cítanse estes datos con referencias
directas ás gravacións e as notas. O contacto co director psiquiatra foi primeiro por carta a través dun
coñecido común.
Segundo, observouse durante un mes o traballo dunha Unidade de Saúde Mental noutra capital
galega. Asistindo a estadillos, presentación de casos na unidade, recepción de médicos e psicólogos en
prácticas, etc. Contactouse con este servizo a través do psiquiatra director do a Unidade anteriormente
citada. Finalmente, durante un período de dous meses consultáronse os arquivos do Hospital Psiquiátrico
de Conxo. O contacto para esta revisión dos arquivos de Conxo foi a través dun familiar co daquela
Director médico do Hospital.
Entre 2003 e 2008 participouse na vida diaria de Pérgola, unha Asociación de Familiares e de
Enfermos Mentais en Esteiro. Contactouse coa directora Mercedes para explicalos obxectivos da
investigación, ofrecéndose a posibilidade dun taller ou unhas clases para os usuarios. Tras unha consulta
coa directiva da asociación e presentar un informe por escrito obtívose permiso favorable co
compromiso de manter o anonimato de tódolos implicados. En setembro de 2005 iniciouse un taller de
inglés tódolos xoves na asociación, ao mesmo tempo que comezaba a recollida de información. Durante
estes anos de observación entabloouse unha boa relación persoal con tódolos membros de Pérgola.
Participouse en tódolos talleres semanais da asociación en diversas ocasións, en excursións e saídas con
tódolos seus membros. Ademais dunha sistemática observación “informal” do día a día e durante os
talleres semanais realizáronse dez e sete entrevistas formais a usuarios de Pérgola. Ademáis recolléndose
datos sobre 223 usuarios nos arquivos da asociación 574 . E por suposto tomáronse cafés, participado en
mesas de debate, reunións formais e informais con tódolos traballadores de Pérgola, reflectíndose todos
estes datos nos cadernos de anotacións.
Datos secundarios.
As crónicas, diarios, biografías ou ensaios publicados por persoas dun destes tres grupos sinalados
constitúen os nosos datos secundarios. Aos grupos sinalados como datos primarios habería que engadir
573 Os datos destes grupos de discusión forman parte dunha investigación financiada polo SERGAS sobre a cronicidade. Poden consultarse a
memoria presentado para esa investigación en (Pintos-Rey-Marticorena 2004)http://www.usc.es/cpoliticas/mod/book/view.php?id=780.
574 Un cadro resumo de todos estes datos pódese consultar nos apéndices.
~ 126 ~