VIOLENCIA Y SANIDAD DIXITAL.indd - Concellería de Igualdade

58
Consecuencias da violencia na
saúde das mulleres
1] Consecuencias fatais
Morte (homicidio, suicidio...).
2] Consecuencias na saúde física
•Ao comezo da relación de maltrato
pode non haber dano físico
ou pode haber dor sen lesión aparente.
A medida que evoluciona
o ciclo da violencia (ver Parte 3
“Desvelar a violencia”), a severidade
das lesións pode aumentar ata
alcanzar as de maior gravidade.
•Lesións de diversa índole: contusións,
traumatismos, feridas en diferentes
partes do corpo. Nos brazos,
as feridas e lesións adoitan ser
bilaterais e tamén con frecuencia
en diferentes estadios evolutivos.
Son frecuentes os traumatismos na
cara e maxilo-faciais. Queimaduras…
•Temos que considerar tamén as
lesións ocorridas como consecuencia
do seu estado anímico.
•Estas lesións poden producir discapacidades.
Segundo a OMS, entre
o 40 e o 70 por cento das mulleres
maltratadas fisicamente pola
súa parella teñen sufrido lesións
nalgún momento da súa vida.
3] Deterioro funcional
Os síntomas de deterioro funcional
son máis comúns que os físicos. (15)
Presentan síntomas físicos non específicos,
por exemplo cefaleas, e
peor estado de saúde xeral e percibida.