VIOLENCIA Y SANIDAD DIXITAL.indd - Concellería de Igualdade

56
“Non teña medo de preguntar.
Contrariamente á crenza popular,
a maioría das mulleres está disposta
a revelar o maltrato cando
se lle pregunta de forma directa e
non valorativa. En realidade moitas
mulleres están esperando silenciosamente
que alguén lles pregunte.”
OMS
Repercusións da violencia na
saúde das mulleres
As mulleres vítimas de malos tratos
presentan unha serie de síntomas,
en moita maior proporción que a
poboación xeral feminina, cunha
diferenza estatisticamente significativa:
(13)
•Síntomas psíquicos: ganas de
chorar, cambios do estado de ánimo,
ansiedade, inapetencia sexual,
irritabilidade e tristeza.
•Síntomas físicos: fatiga permanente,
insomnio, dores de cabeza,
dores de costas ou de articulacións
e gripe.
Para máis información ver o Anexo
4: Incidencia de diferentes sintomatoloxías
nas mulleres maltratadas.
(13)
É un feito coñecido que as agresións
que se producen dentro da
familia poden presentarse camufladas
baixo unha serie de patoloxías
psicosomáticas (dores de costas e
pescozo, dores gastrointestinais, unidas
a depresión, angustia...). As mulleres
que acoden normalmente ao
centro sanitario nestas circunstancias
intentan ocultar a agresión de que
son obxecto por –entre outros factores-
medo, vergonza, e inseguridade.
En xeral, as mesmas causas polas
que non denuncian. (14)